المساعد الشخصي الرقمي

مشاهدة النسخة كاملة : قصيدة بفوزإبل ابن غتار في مزاين ام رقيبة1425هـ

راعي المغاتير
07-Jan-2005, 03:50 AM
قصيدة بمناسبة فوز ابل نايف بن خالد بن غتار الدعجاني العتيبي
في لون الشعل على المركز الثاني في مزاين ام رقيبة 1425هـ
والقصيدة للشاعر / مطر بن صالح العضياني
وسوف اواَفيكم بما هو جديد عن المزاين
من قصيد وصور عن قريب 000

http://www.mzayan.com/albums/album16/IM000085.jpg


عقبال الأول وابارك لك على الثانـي
00000000000المركز اللـي يبـن غتّـار حققتـه
مبروك مبروك من قلبـي وبلسانـي
0000000000ترجمت لك صادق التعبير واستقتـه
ياللي تعز الرفيـق وتكـرم العانـي
000000000يافزعت اللي حمول الوقت مرهقتـه
من ساس قومٍ لهم فالمجد عنوانـي
000000000000تحمـا مواريـث جدانـك ولا بقتـه
فالماقف اللي جمع حضـرٍ وبدوانـي
000000000كم من خصيمٍ طمع فالزود واشرقتـه
سقـت الخطـا للتقـدم ياكحيلانـي
0000000000شوَقت نفسك ومن يعرفـك شوقّتـه
تستاهل الفوز شعلٍ تعجـب القانـي
000000000يوم أنك ارخصت غال المال وأنفقته
شعلٍ لهن صحصحي البيـد ميدانـي
00000000000لا درهمت جرهـدي البيـد شققتـه
أوصافهن يوم أوصفهـن بقيفانـي
00000000000شعـال نـوٍ وراه الشمـس دارقتـه
أقفيـت بالطيّبـه ياطيـر حورانـي
000000000ومن يطبخ الفاس خله يشرب مرقته
يامعمي أعيون عدوانـك وعدوانـي
0000000000يالنادر اللي سبق بالمرجلـه وقتـه
يالصيرمي ياسلايل نسـل عدنانـي
000000000000ياعـز ربعـه وجيرانـه ومنطقتـه
ماقولها زيـف وأثباتـي وبرهانـي
00000000000مراجل البـدو عاشقهـا وعاشقتـه
فوز الدعاجين غنـا بـه أعضيانـي
000000000من نشوة الفوز شاش وبشت أعرقته
للشاعر / مطر العضياني

منقووولة من منتديات النداوي
وتقبلوا تحياتي 0000
وصل العطياني؟؟؟
07-Jan-2005, 10:14 AM
صح لسان الشاعر : مطر

وسلمت يمينك أخي " راعي المغاتير "

أمتعتنا بهذه القصيدة والصورة ...

وننتظر المزيد منك ..



تحيااااتي
إبن مفلح
07-Jan-2005, 03:06 PM
يستاهل ابن غتار .. وصح لسان مطر العضياني ... تسلم يمناك ياراعي المغاتير ..


تحياتي
راعي المغاتير
08-Jan-2005, 01:01 AM
وصل العطياني
يامرحبا فييك طال عمرك
واشكرك على تواصلك الجميل
واطلاعك الكريم
وحنا ندور اللي يعجبكم
ابشروا بالمزززيد
تقبل تحياتي وفائق تقديري 000

ابن مفلح
فعلا يستاهل ابوخالد الفوووووز مثل ماتفضلت
وهو فايز بعلومه الطيبه قبل انه يفوز بالابل
وصح بدنك يالغالي نيابة عن قائل القصيدة 00
واهم شي انا قدمنا على ماينال اعجابكم
وشاكر لك جزيل الشكر على المرور
والاطلااااااااااع ولك تحياتي واحترامي 000
الحر الأشقر
09-Jan-2005, 09:17 AM
سلمت يديك يا راع المغاتير وصح إلسان شاعر القصيدة وألف مبروك لإبن غتار ويستاهل الفوز والطيب أبو خالد

ولا هنت على تواصلك الدائم بما هو جديد، ولك مني ألف تحية وتقدير

أخوك/ الحر الأشقر
راعي المغاتير
11-Jan-2005, 03:59 AM
مرحبااا بك يالحر الاشقر
شكراَ على تواصلك الدائم
واسعدني جدا حضوورك
واهم شي انها اعجبتكم 000
وتستاهلون الجديد وابشروا بالمزيد