الطارف يقلط الله يحيه

[فارس المورقي]

يامرحبا عدٌ مادن الرعد = ترحيب غالي من احساس وشعور
الي وقف في لزومه ماقعد = والي تعذٌر نقول إله معذور

[ابن مشيب]

عوداً حميد يافارس العتبان , ومن طول الغيبات جاب الغنايم:)

صح السانك بلا عدد


تحياتي

[فارس المورقي]

ياااهلا وغلا ابن مشيب :)

الغنايم كلها في شوفتك يالقرم

صح بدنك عدد بلا مدد

نورت يابن مشيب :)

[طلال ناشي]

دام البقا والسما تمطر برد = والأرض فيها الجنايز والقبور

ازهم ولد روق وبشر بالسعد = والناس وافين مافيهم قصور

[فارس المورقي]

ارررحب ياطلال الساعه المباركه


حنا نعرف البلد ياهل البلد = يالي تعرف الذيابه والنمور
بعض الرياجيل تكمليت عدد = مثل الهلل مايجبٌر فالكسور

[فوازالعالي]

بآك ..

ارحبووو تراحيب المطررر ..

يالله حيه ..

وش عندهم اليوم سارين على بعض طواريق وفن

منور يافارس العتبان

ومنور ياطلال ناشي ...


ويالله نبي مسرى يروع ههههه


< اكيد مع صف طلال

[الصاطي,,]

الله الله




متاااااااااااابع

[طلال ناشي]

ههههههه

البقا يافارس العتبان الله يبارك فيك


انكان دعواك مامعها سند = منته بمجبور والبيت معمور

اللي ماهو مثل ( عيد ) ولا ( رعد ) = هذاك كنه خميسه فالطيور

[فوازالعالي]

انكـان دعـواك مامعـهـا سـنـد
منتـه بمجبـور والبيـت معمـور
اللي ماهو مثل ( عيد ) ولا ( رعد )
هـذك كنـه خميـسـه فالطـيـور




هوا هوا
يابو ناشي ..

صح لسسسانك .. !! واعتلى شااانك


والليل سررررى يافاااررررررس

[فارس المورقي]

الله الله


الخير ماصدٌ عنا وابتعد = لكن ٌ بعض البنادق ماتثور
والنعم فيهم وفيك انته بعد = وافين ماقولها ظلم وزور

[طلال ناشي]

مرحبا يافواز

شرفتنا طال عمرك والصف يزهابك

لاهنت

[فارس المورقي]

الصااطي

ياهلا وغلا :)

صح بدنك

[فوازالعالي]

الخير ماصدٌ عنا وابتعـد
لكن ٌ بعض البنادق ماتثور
والنعم فيهم وفيك انته بعد
وافين ماقولها ظلم وزور


رد وافي يافااارس ..


وننتظر .. طلآل ~ ..

[طلال ناشي]

مرحبا يالصاطي متابعتك شرف

[فارس المورقي]

فواز الهبيش

ياهلا ومليون مرحباا

معليش مانتبهت لردك

الله يسلمك ويعافيك

يشرفنا حضورك ومتابعتك يالقرم

صح بدنك عدد لا بدد

:)

[طلال ناشي]

أنشهد أن البلد فيها ولد = لون بنيانها عشرين دور

أن غبت فالسبت نلقاك الأحد = دام الوفا حق وافين الشبور

[فارس المورقي]

انا اشهد ان البلد صارت نكد = اكثر من الشعب نجدات المرور
مايفتل الحبل غير الي عقد = ولا يدهن الكف دهان السيور

[فوازالعالي]

الليل الليل ~


:)

[طلال ناشي]

هذا زمان الرغايث والجلد = لا عاد تحسب على بعض الأمور

ترى السواليف حبلٍ ممسد = قدام تشتد وعصابك تثور

[فارس المورقي]

ماقلتها من زعل ولا حسد = المعرفه دونها سبعت بحور
اليوم كلن على المنبر صعد = ويحدٌث الناس في كتاب الزبور
هههههه

طلال ناشي

بيض لله وجهك وشكراا على حضورك

صح لسانك وسعيد بمجاراتك

تصبح على خار

[الناضم]

الله الله

متابعينكم لاهنتم

[طلال ناشي]

صح بدنك يافارس العتبان

وأنا أسعد تقبل تحياتي