محمد رشيد الزراقي العتيبي

[عبدالله الاصعر]

يامرحبا ترحيب لمحمد يليق بمستواه=رحب الرجال اللي مع الايام عالي صيتها
ليا لقيت محمد الزراقي اللي ماكماه=حديت سكين العشاء وام الشحم ذكيتها

[حسن إبراهيم الدجيماء]

اهب اهب ..

كريم يالاصعر ..

صح لسانك وعلا شانك ..

في انتظار سفير الزراريق ..

متااابع ..!!!

[ابوسيف السالمي]

عبدالله صح لسانك وعلا شانك ..

في انتظار محمد رشيد
ونقول صح لسانك مقدماً

[عبدالله الاصعر]

الدجيماء



السالمي



صحت ابدانكم

[محمد بن رشيد]

الله الله


طيب يالاصعر طيب



الكـ , البقا ياللي ترحب مير يامال الغناه
,,,,,,,,,,,,,,,,,,,,, ترحيبتك تملا صدر صاحبك عقب اوحيتها !!


ابن رشيد ان جاك يالاصعر تبا تذبح عشاه
,,,,,,,,,,,,,,,,,,,,,,,,,,لو كان سكينك ليا هالين ماحديتها !!

[فايز بن سرحان الثبيتي]

لو كان سكينك ليا هالحين ماحديتها "




ياسلام ياسلام


عبدالله الاصعر \ محمد رشيد




صحت السنتكم "

[عبدالله الاصعر]

الك شهر وانته تنوّه يالعتيبي بالصلاه=لكن ماطبيت فالمسجد ولا صليتها
ليا نشدتك قلت وينك ,,, قلت في راس الطراه=تشب نارك فالقرى والمسلمين اذيتها

[محمد بن رشيد]

طيب طيب


عبدالله الاصعر من امس العصر وانا في حراه
,,,,,,,,,,,,,,,,,,,,,,,,,,,,ما اوفاء وعوده معي واوعودي معه وفيتها !!


صحيح ابن زراق يالعضيان باقي في قراه
,,,,,,,,,,,,,,,,,,,,,,,,,,,,,,,,,,, كم هجمة ٍ ياروق عنكم فالقرى صديتها !!

[عبدالله الاصعر]

ان كان اشاء الله ياوسيع العرف واعطانا حياه=والله لجيك ان كان جيت اديارك ومريتها
فعلك مغير اتشايل العالم هذا على هذاه=ياللي تنومس ,,بالفعول اللي ماقط اوحيتها

[حسن إبراهيم الدجيماء]

الدااهية الاصعر :

ليا نشدتك قلت وينك ,,, قلت في راس الطراه ** تشب نارك فالقرى والمسلمين اذيتها

العملاق ابن رشيد :

صحيح ابن زراق يالعضيان باقي في قراه ** كم هجمة ٍ ياروق عنكم فالقرى صديتها !!

---------------------------------------------------------------------------------------------

ياسلام سلم ..

العلم مسيس الله يكفينا الشر ..

صحت الالسن والقلوب..

الشهادة مجروحه والله يشهد فيكم ..

متااااابع للابداااع والمتعه والفاائدة ..!!!

[محمد بن رشيد]

الله الله


من جاء يبا يلقى الشحم والعود الازرق في قفاه
,,,,,,,,,,,,,,,,,,,,,,,,,,,,,,,, وكيف ٍ يبا يجلا عماسك كان ربعك جيتها !!



فعلي ينومسني وفعلكـ , خابرينه ماعلاه
,,,,,,,,,,,,,,,,, سويت لك حاجه ياليتك كان ماسويتها !!!

[عبدالله الاصعر]

المعذره على اتاخير كنا في صلاه



الله الله


استلم





احسب حسابك يامحمد وانت قدام القضاه=اللي يحلون القضايا ,, وانت ماحليتها
الصاحب الغالي ترانا مانبا نبحث خفاه=وبعض العرب ياليتها وفعولها ياليتها

[ابو منير العتيبي]

علي الحرام




انة طارررررررررررررررررررررررررررروووووووووووووووووووو ووووووووق










عالمي





الله يبض اوجيهكم شعار ومتابعين

[عبدالله الاصعر]

ابومنير صح بدنك ومرورك شرف

[شاعر القلطه]

ابداع من طراز نادر محاوره اقل ماقيال عنها جميله جدا

[محمد بن رشيد]

طيب طيب


حنا سمعنا بالقضاه اللي لهم منصب وجاه
,,,,,,,,,,,,,,,,,,والا انت نارك كل ماشبيتها / طفيتها !!



بكره عن علومك وماسويت يروون الرواه
,,,,,,,,,,,,,,,,, وتبين في جبهتك لو بعمامتك خفيتها !!

[محمد بن رشيد]

لجميع من مر من هناااااا



هلاااا وغلااااا



ولي عوده لكل واحد منكمـــ

[عبدالله الاصعر]

حبتك يارجال ليش تجيبها تحت الرحاه=ياليتك اخترت الله ,,, وفي خزنتك/دسيتها
ابن سعود يمركم ياهل ضرماء واهل مراه=وعلومكم ماهمته ,,, وبقيق طلّع زيتها

[محمد بن رشيد]

طيب طيب



شاورت عبدالله لياه ايصدّ ويعاين وراه
,,,,,,,,,,,,,,,,,,قلت الله ولا ناس ٍ اتعيي على كبريتهاااا !!!



الخبت هين والعضاء موجود فــ / اجبال السراه
,,,,,,,,,,,,,,,,,, والله مالومك كان يارجال ماعديتها !!

[عبدالله الاصعر]

يامحمد انا كل ماناديت باسمك قلت هااااااااه=ابا اسمع علومك لكن في خاطرك رديتها
تبى الحقيقه فارس ورامي ومن ضمن الرماه=اخذت حقي فالزمن ,,, والناس ماغشيتها

[علي فلاح العضياني]

الله الله الله


طارووووووووووووق مجنون


صح لسانك يا عبدالله


صح لسانك يا بو مالك





متااااااااااااابع

[عبدالله الاصعر]

ابو مالك تشرفت باللعب معك لكن الدوام قافيني تصبح على خير

[نوآف الغنامي]

ابن سعود يمركم ياهل ضرماء واهل مراه
وعلومكم ماهمته ,,, وبقيق طلّع زيتها





الخبت هين والعضاء موجود فــ / اجبال السراه
,,,,,,,,,,,,,,,,,, والله مالومك كان يارجال ماعديتها





يا سلآم سلم


قااااف مميز



صحت السنتكم اثنينكم
وبيض الله وجيهكم

[سعود البرقاوي]

لله دركم
لله دركم
لله دركم