فهمك تردى مثل ابو جهل/ الشبل ااقررب ..

[فهد الشيباني]

في عتمة الليل الظليما . سلام والنيه على الشبل = شاعر على الكل احترامه . في عتمة الليل الظليما

لو تتفتهم منت بفهيما . فهمك تردى مثل ابو جهل = الرجل فهمه قبل عامه . ما تفتهم منت بفهيما

[ماجد العصيمي]

يا زاهمن شاعر عصيما . . يامرحبا وانته كما السهل=ولا الجبل رمز الزعامه . . يازاهمن شاعر عصيما
عقلي ماهو عقلن سقيما . . مار انتبه لا امس فالحبل=هات الخبر لو مع حمامه . . عقلي ماهو عقلن سقيما

[ولدعساف]

صحت الألسن و القلوب ,,,

[ماجد العصيمي]

صح بدنك يا ولد عساف لاهنت على المرور

[فهد الشيباني]

الك البقا طنب(ن) وخيما . مدام فيه فروق فالعقل = هرجن ماياصلبك سنامه . مثل البدو طنب(ن) وخيما

اللي عطاه الله نعيما . نبي ربي كلمه نمل = واللي جهل وشهو مقامه . سبحان من مده نعيما

[فهد الشيباني]

صح بدنك ولد عساف .. ومتابعتك شرف ..

[ماجد العصيمي]

امطفين ناره شريما . . وانا وشلون اعلم الخبل=لاوي على زقمه عمامه . . ومطفين ناره شريما
ومسيلمه ماهو سليما . . قلبه وعقله دايمن وحل=والظاهر انك من عمامه . . ومسيلمه ماهو سليما

[فهد الشيباني]

هل المطر واقفاه ديما . والارض ما فيها عط (ن) جزل = ضرب (ن) في الميت ندامه . هل المطر واقفاه ديما

ناري عليها ما يظيما . غير المهبل شلة الطبل = الله يقديك السلامه . ناري عليها ما يظيما

[ماجد العصيمي]

اشكرك على الطاروق وتصبح على خير

استلم


من بعد ماورد محيما . . صدر محيما جملة الزمل=زار الحفر وانكس تهامه . . والزمل للحينه محيما
شلتك وانته يالزعيما . . وشلون تجحد هقوتي ثمل=ان كان من زود القرامه . . تراك فالاصل الزعيما

[فهد الشيباني]

تشرفت والله .. وانت من اهل الخير ..