اول مشاركه لي مع النشاما

[عبد الله ضاوي]

السلام عليكم ورحمة الله وبركاته

اخواني الشعراء في هذا المنتدى الشامخ بعلوه الذائع بصيته المستعز برجاله

هذه اول مشاركة لي ومصافحه اخويه مني لكم علها تروق لذائقتكم الشعريه

فالعفو والمعذره ان حصل قصور ولكم اجمل وارق التحايا





جيتكم بعد دعوه جاتني من كريم=ياسلامي على اللي ذايعن صيتها
ياعتيبه لكم فالمجد ساسن قديم=بالكرم والشجاعه تحتمي بيتهـا

[متعب المقاطي العتيبي]

ارحبو ارحبو

اخوي عبدالله الرد موجود لاكن مالي تعدي على شعراء عتيبة في محلهم


انا واياك في انتضار شعراء الهيلا ....


تقبل مروري

[عبد الله ضاوي]

مرحبا بك يانداوي وانا وانت اصحاب محل عتيبه ربعنا وحنا في محل الاجواد وحياك الله كانك بترد مما يزيدني ويزيدهم شرف

[ناصر الجلاه]

..

عبدالله ضاوي

..

مرحبابكـ وصح لسانكـ ننتظر الشاعر المقابل وصح لسانه

اسجل حضور للترحيب بك بين أخوانكــ


دمت

..

[معجب العتيبي]

عبدالله ضاوي


حياك الله بين اخوانك



وصح لسانك



وننتظر قبيلك

[ابن فهيدالسعيدي]

السلام عليكم ورحمة الله وبركاته

عبدالله ضاوي..... صح لسانكــ ...... مبدى طيب وجزل ،، ودي ارد لكن انت خصيت عتابه...
لـــــــــــــــــي سؤال انت عبدالله ضاوي الثبيتي؟

محبك..... ابن فهيد

[عبد الله ضاوي]

اخي المحب والفاضل ابن فهيد السعيدي انا لست بالشخص الذي ذكرت واي خدمة نسديها لك ياالغالي


ويشرفني اطلالتك الكريمه على هذا المتصفح

[متعب المقاطي العتيبي]

مرحبى عد نجماً يشتعل ف\لعتيم=بعد جتك العزيمة وانت لبيتها
جعل عز النشاما بالفخر يستديم=والمراجل تنومس كل م\اوحيتها

[عبد الله ضاوي]

البقا يامرحب وانت مانته غشيم= لحيتك فوق عز وطيب ربيتها

ماعينا من اهل الدار رجلن هميم= طافيه نارهم لو ما انت شبيتها

[متعب المقاطي العتيبي]

البقا يامرحب وانت مانته غشيم= لحيتك فوق عز وطيب ربيتها

ماعينا من اهل الدار رجلن هميم= طافيه نارهم لو ما انت شبيتها

لاهنت اخوي بندر


شرهتك تلحق الي بالوفاء مايقيم=واحداً مايميز في مواقيتها
بنت ابو زيد قالو ياصحيبي عقيم=مير نرجي نقول..او ياعسى..ليتها

[عبد الله ضاوي]

يانداوي نحبك لان فكرك سليم= وخر اللي بماها يختلط زيتها


جونا دوم صافي مادخل فيه غيم= والعلوم الرديه ماتهقويتها

[حاكم الغنامي]

الله الله


صحت السنتكم ياشعار


متابع لكم


تحياتي

[عبد الله ضاوي]

حاكم الغنامي تقبل شكري وتقديري لمرورك العطر اثابك الله ورفع قدرك

[متعب المقاطي العتيبي]

كلمتك تثبت انك للمراجل نديم=والعزاوي ثقيلة..لاتعزويتها
يارفيع المكانه..مانشك اونهيم=ف\البحور العميقه يوم طبيتها

[متعب المقاطي العتيبي]

اخوي عبدالله صح لسانك


ولنا لقاء بأذن الله تعالى

[علي الشهراني]

بيض الله وجيهكم و صحت السنتكم