أنت لك عامين بين الغزو والمقــــعاد حاير ... محمد رشيد

[رعد الروقي]

مساء الخير


تعال امزح يا محمد رشيد




يا محمد لا تسج الرجل خلف أم الكبــــــاير=من تبعها راح صافي مكسبه مع راس ماله
أنت لك عامين بين الغزو والمقــــعاد حاير=واكثر العربان لو يقعد مسوي له جماله

[محمد بن رشيد]

الله الله


امزح وخذ راحتكــ



مشها معنا على حسب المذاهب والسواير = كل علم منك ( يالروقي رعد ) تاخذ بداله !!
مايحير الا على ماقيل عميان البصاير = والرجال اهل الوفاء والطيب تكسب كل طاله !!

[علي فلاح العضياني]

الله الله



لقاء العمالقه


صح لسانك يا عمدة الهيلا و الشعر


صح لسانك يابو مالك


و الصف روقي ما فيها كلااااام




متااااااااااابع

[محمد بن رشيد]

هلااايبو فلااااااح هلااااا


شرفت الروقه


ويامرحباااا

[رعد الروقي]

هلا يابن رشيد



الله الله


سقت لك فنجال بن وهيل والفنجـــــــــال فاير=مد له يمناك ليش تمدها يم البياله
من حزامي طاح في سـد الجبل خمسة ذخاير=محتسيها للزمان اليا اعتزى كلً بخاله

[الصاطي,,]

ياسلاااااااااااااام




متابع للابداااع

[رعد الروقي]

المستشار علي // الصاطي


حياكم الله


تواجدكم فخر لنا ونور للصفحة

[محمد بن رشيد]

طيب طيب



زان فنجال الدلال اللي على الضيفان داير = لو بعض الناس مايقطع ضرم راسي دلاله !!
الصحيح ان الجبل كلن على نبّه يعاير = مير ياراع الرساله ويش مضمون الرساله !!

[رعد الروقي]

الله الله


كيف ما تدري عن اللي يا صليب الراي صاير=وانت فيها متهم ما تطلع الا بالكفاله
جرتك بين المباني والمعاطن والحظـــــاير=والعرب كلً يقول انك ورى غيبة حلاله

[علي فلاح العضياني]

لا زلت متااابع

[عقاب العنزي]

ياسلام

لقاء ذهبي وطاروق ذهبي

متابع

[نايف ابن حديد]

عاشوا العمالقه

[محمد بن رشيد]

الله الله



كل ماشفتك لياك ابشكل يالعمده مغاير = في جنوب الدار نوب ونوب تطلع في شماله !
العرب تبحث عن الارباح ماتبغى الخساير = والشهر محسوب كله من هلاله لا هلاله !!

[رعد الروقي]

علي // عقاب //نايف



مرحبا الف



متابعة غالية وحضور مشرف

[محمد بن رشيد]

الطاطي ,,, علي فلااااح ,,, عقاب ,,, نايف


يامرحبااااا وشرفتواااا

[فايز بن سرحان الثبيتي]

صحت السنتكم


العمده \\ محمد بن رشيد



سجلوني متابع "

[محمد بن رشيد]

ابو ريااااان


هلاااا يالامير هلاااا


علوم الاسئله عسى تمااااام ههههههه

[رعد الروقي]

الله الله


الخبر موثوق والخــــــــلاق علام السراير=والبضاعة من ذهب ماهيب من راع البقاله
كان تسري وانت في نومك تصادم فالعواير=لازم تسوي وانا خيك على اموالك وكاله

[رعد الروقي]

نسجلك ولنا الشرف يا ابن سرحان



ارحب ارحب



صج بدنك وقلبك

[محمد بن رشيد]

طيب طيب



انت رجال ٍ معلقها على جنحان طاير = مير مدري من طناخة راس والا من جهاله !!
لاتزعلني وانا دمي من امس العصر فاير = ثم اغني فوقكم يالالاله يالالاله !!

[رعد الروقي]

الله الله


لك عميل تعامله يالاجودي خلــــــف الستاير=تزرعون وتقطفون وتعصرون البرتقاله
ان سلم بعض العرب من سو تعذيب الضماير=وافرينه عن سيوف اهل المعالي والجلاله

[محمد بن رشيد]

طيب طيب



ناس نعفيهم وناس انحطهم وسط الدواير = ومن يجي تحت الرحاه وتطحنه وش لون حاله !!
مانلوم اشعيل يوم ايحن لن الحمل جاير = حملة ٍ من كبرها زادت على كل احتماله !!

[رعد الروقي]

الله الله


الطعــن بالرمح يفخــــــر به ولكن المذاير=والختل ما تنحسب يا صاحبي ضمن البساله
يا وطنا ما عليك خلاف من شعب الجــزاير=الحدود محصنه والريع مسدود ًمجاله

[رعد الروقي]

الجزل محمد رشيد




شرفت اخوك وافدته كثيرا بهذه المجاراة



شااكر لك اجابة الدعوة وسعة صدرك



وصح لسانك مليون وتصبح على خار



والختام عندك

[عبد الله ضاوي]

فتل ونقض على الطراز الحديث امتعتونا الله يحيي قلوبكم وقلوبنا

[محمد بن رشيد]

العمــــده


صح بدنكـــ ,, وسلم راسكـــ


لاهنت
لاهنت

[سعود العصيمي]

لك عميل تعامله يالاجودي خلـف الستايـر
تزرعون وتقطفون وتعصـرون البرتقالـه



ناس نعفيهم وناس انحطهم وسط الدواير
ومن يجي تحت الرحاه وتطحنه وش لون حاله !!



العمده

محمد بن رشيد

صحت السنتكم


قاف فايف ستاااار

[قنوع النفس]

صحت السنتكم ولاهنتم

[عبدالله الاصعر]

العمده



ابن رشيد




طاروق ناري



تمنيت ان تابعته من اوله



صحت اللسنتكم

[ابو فايح]

صح لسان ابو رشيد


وصح لسانك يالعمده بس لا تعودها ثم أعلم عليك رجالن يعرفه النشمي

[عيد العازمي]

العمده

محمد بن رشيد

صحت السنتكم




طاروق متكامل ومتوج بالابداع

[رعد الروقي]

عبد الله ضاوي // سعود العصيمي // قنوع النفس // عبد الله الاصعر // ابو فايح ... توبة بس لا تعلم //العازمي


حضوركم مكسب وفخر لنا


صحت ابدانكم وقلوبكم