ياسلام الله عليكم .. للطااارف

[فارس المورقي]

ياسلام الله عليكم مساء ولا صباح = سنة ٍ من عند ربي علينا واجبه
الذيابه فالجبل والمواشي فالمراح = والحوال اليوم من بعضها متقاربه

[الصاطي,,]

مرحبا ياللي تغني بمنطوقٍ مباح= والعرب في امان وأم الكباير غايبه

خايف انك من مناديب تجار السلاح=ودك تشوف الحى في ادمي الرايبه

[علي الثبيتي]

الله الله
فارس العتبان والصاطي

صحت السنتكم

[فارس المورقي]

البقى للي في وجه علامات الصلاح = الوفا في جابته والدسم في شاربه
لاتخاف العلم مافيه ضرب ولا صياح = وانت صاطي والعرب من فعولك هايبه

[فارس المورقي]

ارحب يالنشمي
صح بدنك يالقرم
:)

[الصاطي,,]

سرها مسرى الجمل ونهج الدرب البراح= لا تعلمني بطبع النفوس التايبه

لو نخاف من العرب ماتقلدنا الوشاح= يوم نص الصحابنا مايسد الصايبه

[مرعب اليل]

بيض الله وجيهكم


ابيات مشرفه ورائعه

دمتم مبدعين

تقبلو مني اجمل التحايا
واكرر شكري لكم جميعا
اخوكـــــــــــــــــــــــــم

الخديدي

[الصاطي,,]

الخديدي



النشمي




مرحبابكم يا نشاما

[فارس المورقي]

طير ياطير السعد دام لك ريش وجناح = النفوس الطيبه ماتحب الخايبه
لاتحسبٌ ان الهديه من اسباب النجاح = اكثر الطلاب لو نجحوها راسبه

[فارس المورقي]

مرعب البل
صح بدنك يالقرم

:)

[نيااااف]

هكذا القصيد وإلا فلا

[الصاطي,,]

وين رحنا ياجماعه وفارس وين راح= فارس العتبان راعي لزوم ونايبه


خاوني وعطيك علم على صح وصحاح= لا تلفت للهمل والشياه السايبه

[فارس المورقي]

فارس العتبان مثل الدوا فوق الجراح = وانت يالصاطي جروحك دواها جايبه
مانبا منكم مشوره ولا نبغا اقتراح = المعارك ماتبا غير ناس محاربه

[فارس المورقي]

نياف
صح بدنك يالقرم

الخير والبركه فيك :)

[الصاطي,,]

الدوا لا تخلطونه مع السم الذحاح=تصبح الاوضاع والصيدليه خاربه

كان ماتحتاج فزعه لا تزعج باصياح=مار تكفى لاتزوج فتاةٍ عايبه

[فهد علي العازمي]

ياسلااااااام على الطاروق

تراني في الصف

[فارس المورقي]

الدوا فيه الشفا للمصاخين الطياح = مار مالله جايب ٍ علم ماهو كاتبه
ابشر انا مانقصر لنا جهد وكفاح = يعلم الله لو تجي ماتروٌح عازبه


الطــاطي

صح لسانك يالقرم

تشرفت بمجارتك ولاهنت يالغالي

[فارس المورقي]

ابن عاصي
صح بدنك يالقرم

:)

[الصاطي,,]

تسلم يا فارس العتبان




شاعر مبدع




تحياتي يالغالي