قصيدة جديدة لـ بندر بن سرور ( لم تنشر من قبل ) !!

[فيصل~]

السلام عليكم ورحمة الله


سمعت قصيدة لمتنبي عتيبة : بندر بن سرور جديدة علي وأكيد عليكم بعد ..
هي قصيرة وكانت بينه وبين صديقه الحميم الشاعر سهل الكسر الذي رد عليه بأخرى .

هذا أول موضوع لي هنا وبغيته عن بندر بن سرور ..




اترككم مع القصيدتين :



بندر بن سرور :


والله لأغني يا سهل وأرفع الصوت
مانيب أعاين هرج داحم ودحام ..

لي صاحب(ن) مابين در(ن) وياقوت
واسمه بريحاني على عنبر الشام ..

لا عاصمة لندن ولا سوق بيروت
ولا كافر(ن) يسلم ولا هوب رحام ..

ولو الحياء واخشى حساب(ن) بعد موت
لأهدّ لي يالكسر ركن(ن) بالاسلام ..




ردّ عليه سهل الكسر :


حنا سكنّا اللي يسمون بالكوت
دار الصباح اللي بها كل ضرغام ..

ولا نيب من يزرع دناميت موقوت
والصدق راس العز والكذب هدام ..

ضرّبتنا غبة بحر فوق تابوت
لا شك انا عندي من الجن خِدّام ..

صاحبك يا بندر حكم حكم طاغوت
مدري علامك مرقب(ن) له من العام ..

مالك ومال مراقب الصاحب اللُوت
اللي فتل لك سلك الادراك باحكام ..

خِلّك طلع بين التماثيل مثبوت
اشارة(ن) بيني وبينك بالاقلام ..



تمّت




.

[فهد العازمي العتيبي]

الله يرحم

متنبي عتيبه / بندر بن سرور القسامي العطاوي الروقي العتيبي

ولاهنت اخوي فيصل

[يوسف العازمي]

الله يرحم الشاعرين


ولاهنت على النقل

[فيصل~]

لا هنتوا على المرور

لكن سهل بن عقاب مازال حي .. !!

[سلطان نايف العضياني]

فعلاً شاعرين جزلين

فيصل شكراً لك على هذه الجزاله

حتى في صورتك الرمزيه

[الامير حريبيش]

الله يرحم بندر بن سرور شاعر بيتعبون الشعراء موصلو قوة قصيده

[ابو فيصل الحربي]

بيض اله وجهك

[قادم من الصحراء]

رحم الله بندر بن سرور ... شاعر ولا كل الشعراء متميز في شعره من أشد المعجبين بشعره
اخوي دمت بخير

[خلف الروقي]

قصيدة جزلة رحم الله شاعرها


عوفيت


..


,

[محمد العتيبي]

رحم الله الشاعر العلم / بندر بن سرور ..

وصح لسان ابو نواف / سهل بن نايف الكسر ,,

حقيقه لم اتوقع أن الشاعر سهل بن نايف قد جارى متنبي عتيبه لظني ان سنه ليس في وقت بندر

فكان لي هذا الموضوع صدمه ..


عموما بيض الله وجهك يالغالي على الموضوع الطيب ياطيب ,,

[ابومشعل العازمي]

الله يرحم ابن سرورر

لاهنت

[فيصل~]

حياكم جميعاً ,


رحم الله الشاعر العلم / بندر بن سرور ..

وصح لسان ابو نواف / سهل بن نايف الكسر ,,

حقيقه لم اتوقع أن الشاعر سهل بن نايف قد جارى متنبي عتيبه لظني ان سنه ليس في وقت بندر

فكان لي هذا الموضوع صدمه ..


عموما بيض الله وجهك يالغالي على الموضوع الطيب ياطيب ,,

الشاعر الكسر المذكور ليس سهل بن نايف , بل سهل بن عقآب عمّ سهل بن نايف .
وهو عاش فترة طويلة جدا مع بندر بن سرور .

[نايف المغيبي]

بندر بن سرور شاعر لايمكن يتكرر بندر ابدا

[محمد العتيبي]

فيصل


شكرا لك على التبيه ..


تحيتي لك
..