فهيد مقعد الرويس
25-Mar-2010, 12:56 AM
بسم الله الرحمن الرحيم
من ذاكرة التاريح
حدث في مثل هذا اليوم الموافق لتاسع من ربيع الثاني من عام 1429 للهجرة وبالتحديد يوم الثلأثا الذي عظم فيه مصاب عتيبه عامه وقبيلة الروسان خاصه بنباء وفاة الشيخ عبدالعزيز بن جامع رحمه الله ولعلي من خلال هذه النافذه ومن باب الوفاء لهذا الشيخ الذي لن نوفيه حقه مهما تكلمنا عنه وسوف استعرض في هذا المقال ما امكن باختصار مبتدياً بسيرته الذاتيه
http://www.arab7.com/up/file/1183680095942.jpg
هو الشيخ عبدالعزيز بن خالد بن عبيد بن جامع ولد في بلدة مصده عام 1346للهجره وتوفي والده قبل ان يبلغ الثالثه من عمره واستلم الامارة في ذلك الوقت الشيخ مترك بن مترك بن عبيد بن جامع الذي لم يطول به الامد حيث توفي وهو في ريعان الشباب وتولى الاماره بعد وفاته الشيخ مسلط بن عزيز بن جامع وتوفي كذلك بعد مده قصيره ولم يتبقى من الجوامع سواء الشيخ عبدالعزيز والشيخ حدجان رحمهم الله وكان الاكبر الشيخ عبدالعزيز الاانه لم يبلغ السابعه انذاك وكلف احد اعيان قبيلة الروسان وهو سعيد الدويخ بالقيام بمهام الاماره وتولي شؤن القبيله
فلما بلغ الشيخ عبدالعزيز الخامسة عشر ذهب لمقابلة الملك عبدالعزيز طيب الله ثراه وكان ذلك في عام 1361هجري
واخذ الشيخ عبدالعزيز معه فرسين هديه للملك رحمه الله فلما قابله الملك امر بأن تسلم له امارة مصده ومشيخة القبيله رسميا وقام بالمهمه رغم صغر سنه رحمه الله على اكمل وجه
وفي عام 1373 ذهب الي الملك سعود طيب الله ثراه وعينه امير للفوج الخامس ثم خرج من الرياض على راس فوجه حتى استقر به في حايل وبقيا هناك حتى عام 1390 هجري أي مايقارب 17 عام ثم صدرت التوجيهات بنتقال الفوج الي المدينه المنوره وبقيا هناك حتى عام 1404هجري ثم انتقل بعدها الي مقره الحالي في القصيم
حتى توفي عنه في عام 1429هجري وخلفه الشيخ جامع اطال الله بقاءه اميرً للفوج
وكان مجموع هذه السنوات 56 عام قضاها رحمه الله في خدمة دينه ومليكه ووطنه حيث قال عنه خادم الحرمين حفظه الله عند مازار ابناء الشيخ عبدالعزيز في منزلهم بالرياض معزياً لقد عرفته قبل ان تعرفوه وسوف افتقده اكثر منكم فالشيخ عبدالعزيز ليس فقيد اسرة ولاقبيله بل هو فقيد وطن وهذا ان دل على شي فأن مايدل على تقديره له ووفاءه الذي لايستغرب من ملك الانسانيه فقد قام بزيارة الشيخ عبدالعزيز في المستشفى للاطمئنان على صحته عدت مرات وبالاتصال كذلك حفظه الله
حاتم عتيبه
لقبً سوف يرتبط باسم الشيخ عبدالعزيز بن جامع مابقيت قبيلة عتيبه واطلق عليه هذا القب في مزاين الهيلا
والذي كان له في اقامته دوراً فعال ولم يمنعه مرضه من الذهاب عدت مرات لمقابلة امير منطقة الرياض صاحب السموالملكي الامير سلمان بن عبدالعزيز بهذا الخصوص وكذلك قام بزيارة البعض من شيوخ القبيله والاتصال بالبعض الاخر حتى تظافرت جهوده وجهود اخوانه شيوخ عتيبه بالاتفاق على اقامة المزاين واقام بعد ذلك الشيخ عبدالعزيز حفل عشاء في قصره بالقرنه وكان ذلك بتاريخ 13ليلة 14/6/1428ه حضره الكثير من شيوخ القبيله واعيانها وكذلك اللجنه المنظمه
وكان هذا الاجتماع بمثابة حجر الاساس للمزاين وقد ضرب شيوخ القبيلة مثلاً رائعاً لروح المحبه والأخوه
سوف يبقى اثرها في نفوس افراد هذه القبيلة مابقيت بأذن الله
وهذي قصيده لشاعر الكبير محماس بن شميسان قالها ايام المزاين
نويت اسوق من المدايـح نقاريـش=عذبه معانيهـا وبيـضٍ صورهـا
ماقلتها ارجي من وراها محاويـش=لاوالذي ينشي المـزون ومطرهـا
في مدح حلال العقـود المباليـش=كـل الصعايـب للقبيلـه وطرهـا
يدوم ابن جامع كحيـلان ويعيـش=الروس من فعله يوقـف شعرهـا
يوم الفت الهيلا تسـوق القناطيـش=دعواه فالدعم الصخي ما اختصرها
ميـة قعـود ضيافـةٍ للمداغيـش=ومن الغنـم ميـه وميـه دمرهـا
هذا الفخر ياللي تقول الفخر ويـش=والشيخه اللي من ورثهـا عمرهـا
شيخٍ ليا جاء فالدعـاوي تناحيـش=يزود مـع مـر السنيـن وكدرهـا
طلق اليمين اللي براسـه نغاميـش=ومراجلـه فاللازمـه ماوفـرهـا
خلا طروقٍ ماخدشهـا خواديـش=بيضٍ فعوله فوق صـدره نشرهـا
ماجابها بدعـة زمـان وتناويـش=مذخورةٍ له مـن قديـم وذخرهـا
سليل اهل صم الرمك وادهم الجيش=يوم السنيـن اللـي كبـارٍ عبرهـا
الهم مراويـحٍ تجيـب ومغابيـش=كم جمعةٍ جمع الجوامـع كسرهـا
قد قيل عنهم فالسنيـن النواحيـش=جمع الدويله كـم جمـوعٍ قهرهـا
واليوم يوم الوضع مافيه تشويـش=والمملكه حكـم العدالـه غمرهـا
اللي شهر مثل العديم اشقر الريش=لبس المدايح لبسة الثـوب وارهـا
هذاك ابوجامع بعيدٍ عـن الطيـش=طبيعةٍ عنهـا الحواجـز كسرهـا
حي الجناب اللي من العيب مانيش=اللي ليا هـام الصعايـب قدرهـا
مروي من المدح البيوت المعاطيش=رام المدايـح والمـذمـه نفـرهـا
وان جات من غيره لغيره عراميش=عن كل طولـه فزعتـه ماحكرهـا
وماهل همال المـزون المراهيـش=صلوا على مبعوث الامه فخرهـا
وماهل همال المـزون المراهيـش=صلوا على مبعوث الامه فخرهـا
بعض ماقيل في الشيخ عبدالعزيز رحمه الله من مرثيات
لقد التقيت الشيخ سلطان بن عبدالعزيز بن جامع وكيل الفوج الخامس الذي استعنت به في اعداد هذا المقال فلما سألته عن المرثيات التي قيلت في ابوخالد
احضر لي مجلداُ يظم قصائد لأحصر لها لشعراء من قبيلة عتيبة ومن القبائل الأخرى وسوف أورد شي منها واعتذر من الشعراء الذين لم ترد قصائدهم لعدم استطاعتي عرض كل ماقيل في الفقيد رحمه الله
الشاعر القدير زيد بن سلمي العضيله
يا الله يا اللي لا إله إلا أنته= يا عالماً ما خفى وما بينته
يا واحد كل البشر يرجونه =وليا تصعب موقفاً هونته
تجبر غزا الهيلا بدرع الهيلا= شيخ من قلوب العرب مكنته
مرحوم يا بن جامع أبو جامع =عليك ما به قلب ما حزنته
يوم الثلوث إلي رجلك جابه= يوماً كئيب مصيبة شاحنته
يوم على الروسان حمله جاير =يفرق عن الأيام لو قارنته
وداع من تبكي عليه عتيبه =وداراً قبل يسكن بها ساكنته
ويبكيه من ضاقت عليه الدنيا =إلى يطق ابوابها خاينته
ويبكيه بيتاً ما يسكر بابه =ملجا نفوساً في القصا زابنته
الشيخ ودع والبقا في عياله= حط الأمانه في يداً كفنته
حرار وأبناء الحر دايم مثله =والعهد عزه من بدأ صاينته
قصيدة الشاعر عايد الشمري الذي قال بأني لم التقي الشيخ عبدالعزيز ولكن سمعته الطيبه جعلتني اكتب فيه مرثيه ويقول في قصيدته
المدح شكر الطيب في صوت مسموع=طاريه برق ٍ في دجى الليـل لامـع
ولولا الثنى كان اصبح الجود مقطوع=ولولا البكاءْ ماطـاح للعيـن دامـع
واللي يرى مدح المناعيـر ممنـوع=هذا ك ماله من اْهل الجـود سامـع
احد ٍ يحسب المدح بحساب مشروع=طامع ويحسْب كل من قـال طامـع
الناس يا ابن الناس ماهي على نوع=والفـرق بالغايـات وبكـل رامـع
وانا على مـدح الكريميـن مدفـوع=ولانـي مـدور بالقصايـد مطامـع
حب الكرم هو دافع الشعـر للفـوع=يفوع مايوحي مـن النـاس قامـع
المدح يزهى اللي به الطيب مـزروع=زرع ٍ لـك الله ماحوتـه الصوامـع
ان قيل من هو قلت والراس مرفـوع=شيخٍ دعو له في جميـع الجوامـع
مرحوم ياللي ضيّف جموع وجمـوع=اسمٍ على جبهـات الامجـاد شامـع
ياعنّك ما طيبـه ملفـق ومصنـوع=ويا عنْك ماهو من ردى الخال خامع
عليه صدر الطيب ضايق ومفجـوع=وعليـه صبَـن العيـون المدامـع
لمثله تفز حروف الاشعار عن طوع=وِلْهـا الفخـر لا شنفّـن المسامـع
تدرون من هو طايل الصيت والبوع=اللي نهر جـوده بـه الكـل كامـع
هذاك مزبن من شكى الضيم والجوع=الصيرمي عبدالعزيـز ابـن جامـع
الشاعر فراج الكرشمي
يا جامع أعزي فيه وإلا أتعـزى فيـه=فقيد القبيلة والوطن والكـرم والجـود
فقيد الشكاله والجمالـه ومـن يرجيـه=فقيد المروة والنزاهة ذرى المضهـود
ماهوب أنت بس اللي عيونك قذت تبكيه=يا كثر العيـون اللـي بيـوم الـوداع تجود
من اللي يعرفه ما يحبه ولا يغليه=من اللي سمع به ما دعا له وهو ملهود
من اللي نهار موادعه ما رفـع كفيـه=لربه وقال لجنة الخلد يا معبود
عسىجنة الفـردوس منـزال مـن طاريـه=يخليك من بين القبايـل تحـس بـزود
أبـو خالـد الله يرحمـه كلنـا ننعيـه=فقيده على الشايب فقيده على المولـود
حروف القصايد يستحيل إنهـا توفيـه=حقوقه لأنه فالمراجـل بـدون حـدود
قبل ستة أشهر فالمزاين دعـا داعيـه=ضيافة عتيبه يوم جاتـه ميـة مفـرود
قضى عمره المكتوب له في رضا باريه=والأعمار لو طالت وراها الأجل محدود
هني الذي مثله كسب نعم مـن عانيـه=والأصحاب والأجناب والمسلمون شهود
جبل وانهدم لكن ذكـره تبـي تحييـه=رجال وراه بسعيها تـدرك المقصـود
عياله ومستقبل عيالـه مثـل ماضيـه=عرين الأسد لو راح أسد حل فيه أسود
يا جامع يا عبدالله يا سلطـان يالبيـه=يا جملة عيال النادر الراحل الموجـود
يطول الكلام وزبدة الهرج فـي تاليـه=مثل شيخنا يفقد وغيره ما هو مفقـود
الشاعر سلطان بن غزاي الثبيتي
يا الله ياللي لعبدك لادعى سامع=تجبر عزى لابة عتيبه بابن جامع
اللي يعز الرفيق ويقمع الطامع=كل القبيلة بوقفاته يعرفونه
شيخٍ نهج منهج الأبطال والسنه =والبيض ماظنتي مثله يجيبنه
أنا أشهد إنه فقيده جعله الجنه=اللي باسم حاتم الهيلا ينادونه
الله يجازيه بالرحمه ورضوانه=وجعله مع الرسل والأبرار مسكانه
في رحمة الخالق الباري وغفرانه=بيمناه يأخذ كتابه يوم يدعونه
والله يعوض القبيله فيه بعياله=اللي على سيرته ساروا ومنواله
قدامهم دربه المأثور وأفعاله=تاريخ أبيض على الصفحات يقرونه
جامع وسلطان ومحمد وعبدالله=وفهد وعمر رجانا والرجا بالله
ماضيعوا سنة محمد ودين الله=نفوسهم عن دروب العيب مصيونه
مثل الجبال الشواهق في قبيلتهم=وعند القيادة على القمة مكاناتهم
ومع القبايل ورى المريخ سمعتهم=يسعون للطيبة والعهد يوفونه
عبرت عن بعض ما اكن لذوي جامع=اللي بكل الجزيرة صيتهم لامع
والمعذرة كان جاء تقصير ياجامع=وصلوا على الي هل المله يحبونه
الشاعر شجاع السواط
ان السنين الغبر ماتمحـي مواقيـف الرجـال = تبقـا الرجـال مأرخـه باقوالهـا وافعالهـا
الوقت ينجب كل يـومٍ مـن شغاميـم العيـال = ناس ٍ تجـي وتـروح والأيـام هـذا حالهـا
بس الدهاه اللي مآثرهم علـى روس الطـوال = روس الشيوخ اللي تظلـل ربعهـا بظلالهـا
على عدد عد الأصابع لو بغيت أضرب مثـال = ما كل من تنجب ولـد يقـدر يطيّـب فالهـا
وأنا يحز بخاطري شمـس ٍ تقفاهـا الـزوال = وغيبة رجال ٍ ما يجي بين الرجـال أمثالهـا
البارحة مات أبن جامـع ياكريميـن السبـال = شيـخ ٍ يغلـق فالعلـوم أخفافهـا وثقالـهـا
مات الكريم أبن الكرام بليلـة ٍ غيـر الليـال = شد الرحال وغيـره رجـالٍ تشـد أرحالهـا
عز الله أنه راس مال اللي بليـا راس مـال = وعز الله انه عزوة اللـي عزوتـه يرثالهـا
حاتم عتيبه غاب زوله ميـر ذكـره لايزال = لـه قصـةٍ تبقـا وتبقـا فالحيـاه اطلالهـا
في ملتقى الهيلا مضيّف ربعه اخيار الجمـال = و200 راس من الغنم سيقت بدرب جمالهـا
ساق الهدايا ماحسب فيهـا جنيـه ولا ريـال = كـرّم بنـي عمـه وطيّـب فالهـا وعقالهـا
ضرب مثل بان الكرم لاهل الكرم سهل المنال = وماهو بسيط لناس تعبـد قرشهـا وريالهـا
والله ماجا بينـي وبينـه جـواب ولا سـؤال = لوكان شفّي شوفـة عتيبـه وكـل ابطالهـا
الطيّب من الناس يستاهل ليا عاش الوصـال = وان مات تبكيـه العيـون وينتثـر همّالهـا
وعبدالعزيز الشيخ تبكيه الرجال بكـل حـال = وتبكيه نجـد ورملهـا وسهولهـا وجبالهـا
اعزّي الروسان وافيـن المكـارم والخصـال = واعزّي عتيبـه جميـع شيوخهـا واطفالهـا
واعزّي صحون الشبب والعود واصناف الدلال = اللـي تقـدم للضيـوف وينشـرب فنجالهـا
يالله وحنا طالبينـك فـي خشـوع ٍ وابتهـال = تغفر لبـن جامـع ذنوبـه دقهـا واجلالهـا
وتنزله في دار خلد وفي نعيـم وفـي ظـلال = وانته كريم وتجزي الحسنـه بعشـر امثالهـا
الشاعرسداح العتيبي
نوافذ خاطري تفتح على اللّي تطـرق البيبـان=طواري والطواري لو تجي وتـروح مشكـوره
أجاملها ولوّ ما تستحـقّ الشّكـر والعرفـان=وأنا قلبي بمفتاحـه وقفلـه حابـس شعـوره
ولا أدري وش تشيل و وش تخلّي سلّة الأحزان=ليا قامت تغيـض وتمتلـي بالشـرّ مذكـوره
توريّنا من أحداث الليالي مـا أستـدار وكـان=مشاهدها تعـلّ قلوبنـا بالصـوت والصـوره
أبن جامع توفّا .. والمدامـع جالهـا برهـان=ليا هلّت على زيـزوم روس القـوم معـذوره
رحمك الله يا شيخ المكارم وأشهر الشيخـان=شهر فعله على غيره لو الشيخان مشهـوره
رحمك الله يا راس الوفـاء ومعّـرب الجـدان=طويل الباع محمود النبـا والنـاس مخبـوره
رحمك الله يا يمنا ً تمـدّ الجـود والإحسـان=تجود وعن مذاخير الكرم ماهيـب مقصـوره
رحمك الله يا بو مرحبـا للضيـف والجيـران=طليق الوجه ومحيّاه زاد النـور مـن نـوره
رحمك الله يا العقل الرزين الراجـح المليـان=حكيم وتستدلّ الناس من رايه ومـن شـوره
رحمك الله يا ذخر القبيله يـوم شانـك شـان=حجاها والعرب كل ٍ علـى قـدره ومقـدوره
رحمك الله يا بوخالد عساك من المعين معـان=فقيدتنا الكبير اللـي لمسنـا العـزّ بحضـوره
رحمك الله وبإذن الله تفوز برحمـة الرحمـن=ذنوبك جعلها يوم النشـر والحشـر مغفـوره
رحمك الله ويا جعلك من الله تكسب الرضـوان=وتآرد فوق حوض المصطفى والنفس مسروره
أعزّي بالنيابه عن عتيبـه ربعنـا الروسـان=ولوّ أنّ التعازي مع جميع الخلـق منشـوره
عسى الله يلهم اللي فاقدك بالصبر والسلـوان=مضا حكم القضاء والحيّ منّا واصلـه دوره
واخيراً قصيدة لكاتب المقال فهيد بن مقعد الرويس
يالله بنواً منـك يكسـي سمانـا=خشوم مزنه كالقصـور المبنـاه
ينساق بأمرك يم هـاك المكانـا=يم النسيم وعن يمينه ويسـراه
شهلول دفاقـه برفـق وطمانـا=ينهل من فوق المقابر حمل مـاه
ويسقي ضريح الي فراقه دهانـا=ربيع تالي يـوم تسعـه دفنـاه
يالله إلتجبـر فابوخالـد عزانـا=شيخ المواقف راع الطيب والجاه
شواهـد فعولـه عيانـاً بيانـا=ياقل من سوى بربعـه سوايـاه
تنومس فعوله وسيـع البطانـا=ياكم معدوماً بعـد ربـي اغنـاه
وعتيبه الهيلا نعت مـع نعانـا=مابه عتيبي ماكظم غيض فرقـاه
شـي نشوفـه مايبيلـه مثانـا=ثقيل وزن وفي عتيبـه فقدنـاه
مواقفـه تنطـق ولوماحكـانـا=لليم جموعٍ عن يسـاره ويمنـاه
في قصره العامر سوات الاخوانا=وقال إجتماع الصف مانقبل سواه
واقنع برايـه طيبيـن المجانـا=شيخ مداه بعيد وسمانـاً اريـاه
معشي الهيلا مع الحشـو ظانـا=ولاساقهـا يبـى وراهاالمثـاراه
وحصل وسامٍ للسوالـف ظمانـا=من قال حاتم ماكذب يوم سمـاه
ماينمحي مهما يطـول الزمانـا=هذاه حاتم طـي لليـوم طريـاه
وحاتم عتيبه له حقـوقً علانـا=نذكـر فعـولٍ مافعلهـا مرايـاه
من شان لاقفى مانشح بدعانـا=يالله يارب الكون تدمح خطايـاه
وتجزيه عن فعل الحساني حسانا=وبالعفوتجعله من النـار منجـاه
وتجعل مقره وسط خضر الجنانا=والحمدلك والي قضيته رضينـاه
عدلٍ قضاك وفيك علـق رجانـا=ثم فالرجال الي تحلـوا سجايـاه
يالله التمدي فـي عمارامورانـا=جامع وفي باقي اخوانه مكافـاه
عقب الولي هم يالدويلـه ذرانـا=وتم الكلام الي من الراس جبناه
يالله للتجبـر فابوخالـد عزانـا=شيخ رحل ماتنمحي دوم ذكـراه
رحمك الله يا أباخالد
ارجوا ان اكون قد وفقت فيما قدمت
من ذاكرة التاريح
حدث في مثل هذا اليوم الموافق لتاسع من ربيع الثاني من عام 1429 للهجرة وبالتحديد يوم الثلأثا الذي عظم فيه مصاب عتيبه عامه وقبيلة الروسان خاصه بنباء وفاة الشيخ عبدالعزيز بن جامع رحمه الله ولعلي من خلال هذه النافذه ومن باب الوفاء لهذا الشيخ الذي لن نوفيه حقه مهما تكلمنا عنه وسوف استعرض في هذا المقال ما امكن باختصار مبتدياً بسيرته الذاتيه
http://www.arab7.com/up/file/1183680095942.jpg
هو الشيخ عبدالعزيز بن خالد بن عبيد بن جامع ولد في بلدة مصده عام 1346للهجره وتوفي والده قبل ان يبلغ الثالثه من عمره واستلم الامارة في ذلك الوقت الشيخ مترك بن مترك بن عبيد بن جامع الذي لم يطول به الامد حيث توفي وهو في ريعان الشباب وتولى الاماره بعد وفاته الشيخ مسلط بن عزيز بن جامع وتوفي كذلك بعد مده قصيره ولم يتبقى من الجوامع سواء الشيخ عبدالعزيز والشيخ حدجان رحمهم الله وكان الاكبر الشيخ عبدالعزيز الاانه لم يبلغ السابعه انذاك وكلف احد اعيان قبيلة الروسان وهو سعيد الدويخ بالقيام بمهام الاماره وتولي شؤن القبيله
فلما بلغ الشيخ عبدالعزيز الخامسة عشر ذهب لمقابلة الملك عبدالعزيز طيب الله ثراه وكان ذلك في عام 1361هجري
واخذ الشيخ عبدالعزيز معه فرسين هديه للملك رحمه الله فلما قابله الملك امر بأن تسلم له امارة مصده ومشيخة القبيله رسميا وقام بالمهمه رغم صغر سنه رحمه الله على اكمل وجه
وفي عام 1373 ذهب الي الملك سعود طيب الله ثراه وعينه امير للفوج الخامس ثم خرج من الرياض على راس فوجه حتى استقر به في حايل وبقيا هناك حتى عام 1390 هجري أي مايقارب 17 عام ثم صدرت التوجيهات بنتقال الفوج الي المدينه المنوره وبقيا هناك حتى عام 1404هجري ثم انتقل بعدها الي مقره الحالي في القصيم
حتى توفي عنه في عام 1429هجري وخلفه الشيخ جامع اطال الله بقاءه اميرً للفوج
وكان مجموع هذه السنوات 56 عام قضاها رحمه الله في خدمة دينه ومليكه ووطنه حيث قال عنه خادم الحرمين حفظه الله عند مازار ابناء الشيخ عبدالعزيز في منزلهم بالرياض معزياً لقد عرفته قبل ان تعرفوه وسوف افتقده اكثر منكم فالشيخ عبدالعزيز ليس فقيد اسرة ولاقبيله بل هو فقيد وطن وهذا ان دل على شي فأن مايدل على تقديره له ووفاءه الذي لايستغرب من ملك الانسانيه فقد قام بزيارة الشيخ عبدالعزيز في المستشفى للاطمئنان على صحته عدت مرات وبالاتصال كذلك حفظه الله
حاتم عتيبه
لقبً سوف يرتبط باسم الشيخ عبدالعزيز بن جامع مابقيت قبيلة عتيبه واطلق عليه هذا القب في مزاين الهيلا
والذي كان له في اقامته دوراً فعال ولم يمنعه مرضه من الذهاب عدت مرات لمقابلة امير منطقة الرياض صاحب السموالملكي الامير سلمان بن عبدالعزيز بهذا الخصوص وكذلك قام بزيارة البعض من شيوخ القبيله والاتصال بالبعض الاخر حتى تظافرت جهوده وجهود اخوانه شيوخ عتيبه بالاتفاق على اقامة المزاين واقام بعد ذلك الشيخ عبدالعزيز حفل عشاء في قصره بالقرنه وكان ذلك بتاريخ 13ليلة 14/6/1428ه حضره الكثير من شيوخ القبيله واعيانها وكذلك اللجنه المنظمه
وكان هذا الاجتماع بمثابة حجر الاساس للمزاين وقد ضرب شيوخ القبيلة مثلاً رائعاً لروح المحبه والأخوه
سوف يبقى اثرها في نفوس افراد هذه القبيلة مابقيت بأذن الله
وهذي قصيده لشاعر الكبير محماس بن شميسان قالها ايام المزاين
نويت اسوق من المدايـح نقاريـش=عذبه معانيهـا وبيـضٍ صورهـا
ماقلتها ارجي من وراها محاويـش=لاوالذي ينشي المـزون ومطرهـا
في مدح حلال العقـود المباليـش=كـل الصعايـب للقبيلـه وطرهـا
يدوم ابن جامع كحيـلان ويعيـش=الروس من فعله يوقـف شعرهـا
يوم الفت الهيلا تسـوق القناطيـش=دعواه فالدعم الصخي ما اختصرها
ميـة قعـود ضيافـةٍ للمداغيـش=ومن الغنـم ميـه وميـه دمرهـا
هذا الفخر ياللي تقول الفخر ويـش=والشيخه اللي من ورثهـا عمرهـا
شيخٍ ليا جاء فالدعـاوي تناحيـش=يزود مـع مـر السنيـن وكدرهـا
طلق اليمين اللي براسـه نغاميـش=ومراجلـه فاللازمـه ماوفـرهـا
خلا طروقٍ ماخدشهـا خواديـش=بيضٍ فعوله فوق صـدره نشرهـا
ماجابها بدعـة زمـان وتناويـش=مذخورةٍ له مـن قديـم وذخرهـا
سليل اهل صم الرمك وادهم الجيش=يوم السنيـن اللـي كبـارٍ عبرهـا
الهم مراويـحٍ تجيـب ومغابيـش=كم جمعةٍ جمع الجوامـع كسرهـا
قد قيل عنهم فالسنيـن النواحيـش=جمع الدويله كـم جمـوعٍ قهرهـا
واليوم يوم الوضع مافيه تشويـش=والمملكه حكـم العدالـه غمرهـا
اللي شهر مثل العديم اشقر الريش=لبس المدايح لبسة الثـوب وارهـا
هذاك ابوجامع بعيدٍ عـن الطيـش=طبيعةٍ عنهـا الحواجـز كسرهـا
حي الجناب اللي من العيب مانيش=اللي ليا هـام الصعايـب قدرهـا
مروي من المدح البيوت المعاطيش=رام المدايـح والمـذمـه نفـرهـا
وان جات من غيره لغيره عراميش=عن كل طولـه فزعتـه ماحكرهـا
وماهل همال المـزون المراهيـش=صلوا على مبعوث الامه فخرهـا
وماهل همال المـزون المراهيـش=صلوا على مبعوث الامه فخرهـا
بعض ماقيل في الشيخ عبدالعزيز رحمه الله من مرثيات
لقد التقيت الشيخ سلطان بن عبدالعزيز بن جامع وكيل الفوج الخامس الذي استعنت به في اعداد هذا المقال فلما سألته عن المرثيات التي قيلت في ابوخالد
احضر لي مجلداُ يظم قصائد لأحصر لها لشعراء من قبيلة عتيبة ومن القبائل الأخرى وسوف أورد شي منها واعتذر من الشعراء الذين لم ترد قصائدهم لعدم استطاعتي عرض كل ماقيل في الفقيد رحمه الله
الشاعر القدير زيد بن سلمي العضيله
يا الله يا اللي لا إله إلا أنته= يا عالماً ما خفى وما بينته
يا واحد كل البشر يرجونه =وليا تصعب موقفاً هونته
تجبر غزا الهيلا بدرع الهيلا= شيخ من قلوب العرب مكنته
مرحوم يا بن جامع أبو جامع =عليك ما به قلب ما حزنته
يوم الثلوث إلي رجلك جابه= يوماً كئيب مصيبة شاحنته
يوم على الروسان حمله جاير =يفرق عن الأيام لو قارنته
وداع من تبكي عليه عتيبه =وداراً قبل يسكن بها ساكنته
ويبكيه من ضاقت عليه الدنيا =إلى يطق ابوابها خاينته
ويبكيه بيتاً ما يسكر بابه =ملجا نفوساً في القصا زابنته
الشيخ ودع والبقا في عياله= حط الأمانه في يداً كفنته
حرار وأبناء الحر دايم مثله =والعهد عزه من بدأ صاينته
قصيدة الشاعر عايد الشمري الذي قال بأني لم التقي الشيخ عبدالعزيز ولكن سمعته الطيبه جعلتني اكتب فيه مرثيه ويقول في قصيدته
المدح شكر الطيب في صوت مسموع=طاريه برق ٍ في دجى الليـل لامـع
ولولا الثنى كان اصبح الجود مقطوع=ولولا البكاءْ ماطـاح للعيـن دامـع
واللي يرى مدح المناعيـر ممنـوع=هذا ك ماله من اْهل الجـود سامـع
احد ٍ يحسب المدح بحساب مشروع=طامع ويحسْب كل من قـال طامـع
الناس يا ابن الناس ماهي على نوع=والفـرق بالغايـات وبكـل رامـع
وانا على مـدح الكريميـن مدفـوع=ولانـي مـدور بالقصايـد مطامـع
حب الكرم هو دافع الشعـر للفـوع=يفوع مايوحي مـن النـاس قامـع
المدح يزهى اللي به الطيب مـزروع=زرع ٍ لـك الله ماحوتـه الصوامـع
ان قيل من هو قلت والراس مرفـوع=شيخٍ دعو له في جميـع الجوامـع
مرحوم ياللي ضيّف جموع وجمـوع=اسمٍ على جبهـات الامجـاد شامـع
ياعنّك ما طيبـه ملفـق ومصنـوع=ويا عنْك ماهو من ردى الخال خامع
عليه صدر الطيب ضايق ومفجـوع=وعليـه صبَـن العيـون المدامـع
لمثله تفز حروف الاشعار عن طوع=وِلْهـا الفخـر لا شنفّـن المسامـع
تدرون من هو طايل الصيت والبوع=اللي نهر جـوده بـه الكـل كامـع
هذاك مزبن من شكى الضيم والجوع=الصيرمي عبدالعزيـز ابـن جامـع
الشاعر فراج الكرشمي
يا جامع أعزي فيه وإلا أتعـزى فيـه=فقيد القبيلة والوطن والكـرم والجـود
فقيد الشكاله والجمالـه ومـن يرجيـه=فقيد المروة والنزاهة ذرى المضهـود
ماهوب أنت بس اللي عيونك قذت تبكيه=يا كثر العيـون اللـي بيـوم الـوداع تجود
من اللي يعرفه ما يحبه ولا يغليه=من اللي سمع به ما دعا له وهو ملهود
من اللي نهار موادعه ما رفـع كفيـه=لربه وقال لجنة الخلد يا معبود
عسىجنة الفـردوس منـزال مـن طاريـه=يخليك من بين القبايـل تحـس بـزود
أبـو خالـد الله يرحمـه كلنـا ننعيـه=فقيده على الشايب فقيده على المولـود
حروف القصايد يستحيل إنهـا توفيـه=حقوقه لأنه فالمراجـل بـدون حـدود
قبل ستة أشهر فالمزاين دعـا داعيـه=ضيافة عتيبه يوم جاتـه ميـة مفـرود
قضى عمره المكتوب له في رضا باريه=والأعمار لو طالت وراها الأجل محدود
هني الذي مثله كسب نعم مـن عانيـه=والأصحاب والأجناب والمسلمون شهود
جبل وانهدم لكن ذكـره تبـي تحييـه=رجال وراه بسعيها تـدرك المقصـود
عياله ومستقبل عيالـه مثـل ماضيـه=عرين الأسد لو راح أسد حل فيه أسود
يا جامع يا عبدالله يا سلطـان يالبيـه=يا جملة عيال النادر الراحل الموجـود
يطول الكلام وزبدة الهرج فـي تاليـه=مثل شيخنا يفقد وغيره ما هو مفقـود
الشاعر سلطان بن غزاي الثبيتي
يا الله ياللي لعبدك لادعى سامع=تجبر عزى لابة عتيبه بابن جامع
اللي يعز الرفيق ويقمع الطامع=كل القبيلة بوقفاته يعرفونه
شيخٍ نهج منهج الأبطال والسنه =والبيض ماظنتي مثله يجيبنه
أنا أشهد إنه فقيده جعله الجنه=اللي باسم حاتم الهيلا ينادونه
الله يجازيه بالرحمه ورضوانه=وجعله مع الرسل والأبرار مسكانه
في رحمة الخالق الباري وغفرانه=بيمناه يأخذ كتابه يوم يدعونه
والله يعوض القبيله فيه بعياله=اللي على سيرته ساروا ومنواله
قدامهم دربه المأثور وأفعاله=تاريخ أبيض على الصفحات يقرونه
جامع وسلطان ومحمد وعبدالله=وفهد وعمر رجانا والرجا بالله
ماضيعوا سنة محمد ودين الله=نفوسهم عن دروب العيب مصيونه
مثل الجبال الشواهق في قبيلتهم=وعند القيادة على القمة مكاناتهم
ومع القبايل ورى المريخ سمعتهم=يسعون للطيبة والعهد يوفونه
عبرت عن بعض ما اكن لذوي جامع=اللي بكل الجزيرة صيتهم لامع
والمعذرة كان جاء تقصير ياجامع=وصلوا على الي هل المله يحبونه
الشاعر شجاع السواط
ان السنين الغبر ماتمحـي مواقيـف الرجـال = تبقـا الرجـال مأرخـه باقوالهـا وافعالهـا
الوقت ينجب كل يـومٍ مـن شغاميـم العيـال = ناس ٍ تجـي وتـروح والأيـام هـذا حالهـا
بس الدهاه اللي مآثرهم علـى روس الطـوال = روس الشيوخ اللي تظلـل ربعهـا بظلالهـا
على عدد عد الأصابع لو بغيت أضرب مثـال = ما كل من تنجب ولـد يقـدر يطيّـب فالهـا
وأنا يحز بخاطري شمـس ٍ تقفاهـا الـزوال = وغيبة رجال ٍ ما يجي بين الرجـال أمثالهـا
البارحة مات أبن جامـع ياكريميـن السبـال = شيـخ ٍ يغلـق فالعلـوم أخفافهـا وثقالـهـا
مات الكريم أبن الكرام بليلـة ٍ غيـر الليـال = شد الرحال وغيـره رجـالٍ تشـد أرحالهـا
عز الله أنه راس مال اللي بليـا راس مـال = وعز الله انه عزوة اللـي عزوتـه يرثالهـا
حاتم عتيبه غاب زوله ميـر ذكـره لايزال = لـه قصـةٍ تبقـا وتبقـا فالحيـاه اطلالهـا
في ملتقى الهيلا مضيّف ربعه اخيار الجمـال = و200 راس من الغنم سيقت بدرب جمالهـا
ساق الهدايا ماحسب فيهـا جنيـه ولا ريـال = كـرّم بنـي عمـه وطيّـب فالهـا وعقالهـا
ضرب مثل بان الكرم لاهل الكرم سهل المنال = وماهو بسيط لناس تعبـد قرشهـا وريالهـا
والله ماجا بينـي وبينـه جـواب ولا سـؤال = لوكان شفّي شوفـة عتيبـه وكـل ابطالهـا
الطيّب من الناس يستاهل ليا عاش الوصـال = وان مات تبكيـه العيـون وينتثـر همّالهـا
وعبدالعزيز الشيخ تبكيه الرجال بكـل حـال = وتبكيه نجـد ورملهـا وسهولهـا وجبالهـا
اعزّي الروسان وافيـن المكـارم والخصـال = واعزّي عتيبـه جميـع شيوخهـا واطفالهـا
واعزّي صحون الشبب والعود واصناف الدلال = اللـي تقـدم للضيـوف وينشـرب فنجالهـا
يالله وحنا طالبينـك فـي خشـوع ٍ وابتهـال = تغفر لبـن جامـع ذنوبـه دقهـا واجلالهـا
وتنزله في دار خلد وفي نعيـم وفـي ظـلال = وانته كريم وتجزي الحسنـه بعشـر امثالهـا
الشاعرسداح العتيبي
نوافذ خاطري تفتح على اللّي تطـرق البيبـان=طواري والطواري لو تجي وتـروح مشكـوره
أجاملها ولوّ ما تستحـقّ الشّكـر والعرفـان=وأنا قلبي بمفتاحـه وقفلـه حابـس شعـوره
ولا أدري وش تشيل و وش تخلّي سلّة الأحزان=ليا قامت تغيـض وتمتلـي بالشـرّ مذكـوره
توريّنا من أحداث الليالي مـا أستـدار وكـان=مشاهدها تعـلّ قلوبنـا بالصـوت والصـوره
أبن جامع توفّا .. والمدامـع جالهـا برهـان=ليا هلّت على زيـزوم روس القـوم معـذوره
رحمك الله يا شيخ المكارم وأشهر الشيخـان=شهر فعله على غيره لو الشيخان مشهـوره
رحمك الله يا راس الوفـاء ومعّـرب الجـدان=طويل الباع محمود النبـا والنـاس مخبـوره
رحمك الله يا يمنا ً تمـدّ الجـود والإحسـان=تجود وعن مذاخير الكرم ماهيـب مقصـوره
رحمك الله يا بو مرحبـا للضيـف والجيـران=طليق الوجه ومحيّاه زاد النـور مـن نـوره
رحمك الله يا العقل الرزين الراجـح المليـان=حكيم وتستدلّ الناس من رايه ومـن شـوره
رحمك الله يا ذخر القبيله يـوم شانـك شـان=حجاها والعرب كل ٍ علـى قـدره ومقـدوره
رحمك الله يا بوخالد عساك من المعين معـان=فقيدتنا الكبير اللـي لمسنـا العـزّ بحضـوره
رحمك الله وبإذن الله تفوز برحمـة الرحمـن=ذنوبك جعلها يوم النشـر والحشـر مغفـوره
رحمك الله ويا جعلك من الله تكسب الرضـوان=وتآرد فوق حوض المصطفى والنفس مسروره
أعزّي بالنيابه عن عتيبـه ربعنـا الروسـان=ولوّ أنّ التعازي مع جميع الخلـق منشـوره
عسى الله يلهم اللي فاقدك بالصبر والسلـوان=مضا حكم القضاء والحيّ منّا واصلـه دوره
واخيراً قصيدة لكاتب المقال فهيد بن مقعد الرويس
يالله بنواً منـك يكسـي سمانـا=خشوم مزنه كالقصـور المبنـاه
ينساق بأمرك يم هـاك المكانـا=يم النسيم وعن يمينه ويسـراه
شهلول دفاقـه برفـق وطمانـا=ينهل من فوق المقابر حمل مـاه
ويسقي ضريح الي فراقه دهانـا=ربيع تالي يـوم تسعـه دفنـاه
يالله إلتجبـر فابوخالـد عزانـا=شيخ المواقف راع الطيب والجاه
شواهـد فعولـه عيانـاً بيانـا=ياقل من سوى بربعـه سوايـاه
تنومس فعوله وسيـع البطانـا=ياكم معدوماً بعـد ربـي اغنـاه
وعتيبه الهيلا نعت مـع نعانـا=مابه عتيبي ماكظم غيض فرقـاه
شـي نشوفـه مايبيلـه مثانـا=ثقيل وزن وفي عتيبـه فقدنـاه
مواقفـه تنطـق ولوماحكـانـا=لليم جموعٍ عن يسـاره ويمنـاه
في قصره العامر سوات الاخوانا=وقال إجتماع الصف مانقبل سواه
واقنع برايـه طيبيـن المجانـا=شيخ مداه بعيد وسمانـاً اريـاه
معشي الهيلا مع الحشـو ظانـا=ولاساقهـا يبـى وراهاالمثـاراه
وحصل وسامٍ للسوالـف ظمانـا=من قال حاتم ماكذب يوم سمـاه
ماينمحي مهما يطـول الزمانـا=هذاه حاتم طـي لليـوم طريـاه
وحاتم عتيبه له حقـوقً علانـا=نذكـر فعـولٍ مافعلهـا مرايـاه
من شان لاقفى مانشح بدعانـا=يالله يارب الكون تدمح خطايـاه
وتجزيه عن فعل الحساني حسانا=وبالعفوتجعله من النـار منجـاه
وتجعل مقره وسط خضر الجنانا=والحمدلك والي قضيته رضينـاه
عدلٍ قضاك وفيك علـق رجانـا=ثم فالرجال الي تحلـوا سجايـاه
يالله التمدي فـي عمارامورانـا=جامع وفي باقي اخوانه مكافـاه
عقب الولي هم يالدويلـه ذرانـا=وتم الكلام الي من الراس جبناه
يالله للتجبـر فابوخالـد عزانـا=شيخ رحل ماتنمحي دوم ذكـراه
رحمك الله يا أباخالد
ارجوا ان اكون قد وفقت فيما قدمت