يا عمدة العتبان طاري لي هجوس !!!! العمدة

[رائد الكيرعاني القحطاني]

يا عمدة العتبان طاري لي هجوس = منها يفور الرّاس وتفزّ القدم
الوضع والله تالي الوقت محيوس=وفي كلّ يوم نقول رفرف يا علم !!

[سلطان الجـذع]

...


طيب طيب يارايد صح لسانك وفي انتظار عمده الهيلا

[رائد الكيرعاني القحطاني]

الاسطوره


مرورك اسطوره


لاهنت

[علي الثبيتي]

الله الله
صح لساااااااااااااانك يارائد
وننتظر العمده وصح لسااااااااانه

[رائد الكيرعاني القحطاني]

النشمي

مرورك عطر يالغالي

لاهنت

[رعد الروقي]

هلا يا رئد القحطاني



هوجس وفوق الروس وانا اخوك روس=وانته كريم وعند راعيــــن الكرم
الدين دين الله ..ورهبـــــان المجــــوس=من فضل ربي ما يزورون الحرم

[اللسان الفصيح]

صح لسانك يارايد

وصح لسان العمده


متابعكم



على القوه

[اللسان الفصيح]

ورهبان المجوس من فضل ربي مايزورون الحرم
كلام سليم ماعليه غبار ههههه
صح لسانك ياعمده


متابع

[رعد الروقي]

سلطان الجذع // ابو فهد ..النشمي // اللسان الفصيح




هلاا


شرفتونااااااا

[رائد الكيرعاني القحطاني]

انتو عجزتو صد رعيان وعسوس=وشلون لو جوكم متبّعة الوهم
اللّــي يهمّ اسعار الأسهم والتّيوس=احذر تفكر في اهم من الاهم !!

[رعد الروقي]

الضيف ماله حد سيف وحد مـــــوس=على هلا والبن الاشقر والشحم
وان عودت حربً مثل حرب البسوس=حطيت جحدر عند رعيان الغنم