علي بن فلاح العضياني تشرفت بمعرفة مثلك وشرواك اقرب

[الجلمود]

سلام يااهل المعرفه والقصيد
من هاجس الطرقي على ديرته
/

/
اللي قرا عن خالد بن الوليد
يلقاه ساطي ما اختفت سيرته

[علي فلاح العضياني]

الشرف لي طال عمرك


بأغلى نبا الترحيب أكرر و أعيد=يالطرقي اللي معه تاشيرته
سيف الله المسلول دايم حديد=و العود تقسم ورثه ذخيرته

[علي الشهراني]

صحت السنتكم جميع




متاااابع

[عبدالله الاصعر]

الجلمود



العضياني



صحت اللسنتكم



تحياتي

[الجلمود]

يالله عسى عيد المرحب سعيد
فوق حطبه ما دخنت نيرته
/

/
اللي يمرر كورته من بعيد
تقصر عن اللعاب تمريرته

[علي فلاح العضياني]

كبّر سعيد بمكرفون المسيد= و أوحت جميع الناس تكبيرته
من باع له مشلح على أهل الصعيد=ما ثمّنوه بربع تسعيرته

[الجلمود]

عساه يجهر بالصلاه ويزيد
ما ننصدم في سرع تدويرته
/

/
نحقن مجانين العرب في الوريد
ونخدر الجني بتخديرته

[الجلمود]

اشهراني 0الاصعر

مرحبا فيكم وفي نباكم

[علي فلاح العضياني]

دام الثقه بالنفس عنده رصيد =باب الشكوك إيهون تسكيرته
محتار ابو نواس قدم الرشيد=أزري يجيب العلم من حيرته

[الجلمود]

لوكل عمرودٍ يقاوي شديد
ماجهز الدكتور تجبيرته
/

/
ماني مكلف في الضمير البليد
اليا انكوى من جمر تعميرته

[علي فلاح العضياني]

صمّ الصفا ماهوب مثل الجليد= ما تستطيع الشمس تكسيرته
ضحكت لي من شخص نوعه فريد=اللي يعاير ناس من عيرته

[الجلمود]

من فر عن موته بقصرٍ مشيد
ما فكته قدم الملك ذيرته

/

/
اثر شديد طامعٍ في رشيد
يبا حزام العود وذخيرته

[علي فلاح العضياني]

بعض العرب لو مات يحسب فقيد=و لاّ بعضهم موتته خيرته
السيّد أمره فوق كل العبيد= و لاَ تفيد الكور تكويرته

[علي فلاح العضياني]

جلموود



صح لسانك و بيض الله وجهك على إتاحة الفرصه



و أشكر جميع الاخوان اللي شرفونا



تحياتي

[شاعر القلطه]

فن وابداع لايوصف لاهنتم ومشكورين

[قنوع النفس]

بالفعل شعار كبار واطربتونا بطواريق حية ومولعة لاهنتم ودمتم

[الجلمود]

ابوفلاح

وجهك ابيض

استفدنا من مجاراتك واللعب معك

الف شكر لك ولجميع المشاركين

بدون تحديداسماء

[الصاطي,,]

محاوره رااااائعه جداً





فتل ونقض بتمكن..







يعطيكم الف الف عاااافيه