العصيمي خالد ان سمح لك وقتك اقرب

[الجلمود]

مساءك ورد ياخالد وان سمح لك الوقت تفضل

مرحبا بالشاعر اللي محفيٍ ورك المطيه

نوب من تحت الشداد ونوب من فوق السنامي

/

/

قرصته تجرح وتطرح من تعزوى بالعبيه

والكلام اللي نقوله لاحلال ولاحرامي

[الجلمود]

الرسايل مقفله عندي وش الحل

هيا

[الصاطي,,]

تسمح لي بالمجاراة

[حاكم الغنامي]

صح لسانك


والظاهر الشاعر خالد

مهب موجود

[الجلمود]

ايه تفضل يالصاطي الله محييك

[الصاطي,,]

البقا لشاعر اللي بين ذيك وبين ذيه=نظرته نظرة صدوق ونيته نية حرامي

سرها مسرا الذيابه بالحروف لابجديه=لاتحير فالعلوم ولاتخير فا لاسامي

[الجلمود]

انت راعي موترٍ يكسر نظام الداخليه

رقمك الخلفي تغطي به على الرقم الامامي
/

/
عام الاول لو لزمتك يالعتيبي في يديه

كان انسيك الشهاده والعصيمي والزلامي

[الصاطي,,]

انت مغرم في التحدي والحروف الاوليه=وانت جلمود الصفا منته شراب ولاطعامي

هيه يا بو نيتين ارجع مع اصحابك بنيه= ونقل الحمل الخفيف اللي مثل ريش النعامي

[الجلمود]

البطاقه في اليمين وفي يسارك تابعيه
ياحليلك يازقينك زين وتحب النظامي
/

/
إعلجوها كلمةٍ ماتعتبر حسنه وسيه
كل ليل اسمع بها ترقص بها فرقة ميامي

[علي فلاح العضياني]

انت راعي موترٍ يكسر نظام الداخليه

رقمك الخلفي تغطي به على الرقم الامامي





بيت فالصميم




متاااابع بصمت الى النهايه

[الجلمود]

ارررررررحب ياحاكم

يسعدنا حضورك

[الجلمود]

هههههههه

ارحب يابو فلاح

اليوم تتابع بصمت وبكره ما ندري

[الصاطي,,]

تحسبني مثل جلمود الصخر مالي هويه=يدفنه سيل الرمه ويحط من فوقه عدامي

لن لقيتو جرة الداب الحنش والشمس حيه=مالقيتو جرة العقرب ليا حل الظلامي

[الجلمود]

حيه كاين وحيه محسوس تفرق

الصخر لولاه ماشبيت نارك في حنيه
يامولع شعلةٍ من شافها برد وسلامي
/

/
الحنش مكشوفٍ امره جرته في بطن حيه
حيةٍ في غير جحر الداب لايمكن تنامي

[الصاطي,,]

يا بعيراً كل ماونست العصا ترجع عليه=لاتساق مع الدروب ولايمشيك الخطامي


البيوت الخاليه مثل الخلي الهوجليه= يسمع الطرقي ورى جدرانها مثل الكلامي

[الجلمود]

من علج صم الصفا تطرح سنونه من لحيه
مابقي غير الجما كنك ورى تسعين عامي
/

/
مايحل اللغز رجلٍ منثني دون الحظيه
مثل حبٍ ميبسه حر الدهر قبل الصرامي

[الصاطي,,]

العمى وش لون نعطيه الفشق والبندقيه=وان وقف يا طى على العيشه ويرثع في اليدامي

مانحاسبكم على المصروف والدوله غنيه=اصرفو لو من صناديق لادب ولاحترامي

[الجلمود]

العمى ماهو عمى العين السعيده و الشقيه
في بصاير من يخلطون الحساني بالاثامي
/

/
لوتوحّي بالخطا ماجاك من يمي خطيه
مبتدانا ريح عود وعندكم مسك الختامي

[الجلمود]

الصاطي


مثل ماقلت عندك مسك الختام


شاعر جزل تشرفت بمجاراتك


واللعب معك


الف شكرلك

[الصاطي,,]

كا جلمود صخراً حطه السيل من علي
+++++++++++++++++++++



تشرفت باللعب معك حتى ولو ان المقصود بالقاف غيري,,




شاعر مافيك حيله صح لسااانك وتصبح على خير

[قنوع النفس]

يعطيكم العافية

[فواز السعيدي]

الله الله الله


عز الله قاف يطرب


وشعراء رائعين


بيض الله وجيهكم