كفرت بالطاغوت الاكبر و الطواغيت الصغار .. الطااارف الله يحييه !!

[علي الشهراني]

السلام عليكم و مساء الخير للجميع



مع احترامي و تقديري للعضو القدير و الاخ العزيز شمروخ ابن عابد



و لكن من باب الفلسفه شوي



المهم الطااارف الله يحييه




كفرت بالطاغوت الاكبر و الطواغيت الصغار= و آمنت بالجبّار جبّار السماوات العلا
ان كان شمروخ ابن عايد ماخذٍ عقله سوار=غيره ترا واجد عسى ربي يكافينا البلا

[قو الصخر]

كفرت بالطاغوت الاكبر و الطواغيت الصغار
و آمنت بالجبّـار جبّـار السمـاوات العـلا
ان كان شمروخ ابن عايد ماخذٍ عقله سوار
غيره ترا واجد عسى ربـي يكافينـا البـلا


الفُ هلا باللي جعل خطه على جزل المسار=يومه كتبها واذهلت كل المشاعر والملا
الله يرحمنا معه ولانجي خط الدمار=شهران بالقوه لفت يامرحبا والفُ هلا

تحملنا ترانا من طلابك وانت الاستاذ

[علي الشهراني]

حياك الله يا قو الصخر


و استلم طال عمرك



الك البقا يا الفارس اللي توّ ما عنّ المهار=ان قلت لي يا مسهلا رديت لك يا مسهلا
يا راعي البنّ انتبه لا يقلب البنّ البهار=و تصير مثل الضايع اللي ضاع صوته فالخلا

[شـــلـــهوب]

متابع وياسلام يالشهراني


صحت السنتكم

[علي الشهراني]

خياك الله يا شلهوب



و صح بدنك

[يوسف العازمي]

صح لسان شاعر شهران و قو الصخر

ولاهنت

[قو الصخر]

الك البقا يا الفارس اللي توّ ما عنّ المهـار
ان قلت لي يا مسهلا رديت لك يـا مسهـلا
يا راعي البنّ انتبه لا يقلـب البـنّ البهـار
و تصير مثل الضايع اللي ضاع صوته فالخلا




مثلك وجيه ونضرته ماهي على رمز وشعار=مانته مثل شعارنا دفع البلا دفع البلا
ماهمهم غير اللقب على المسمى والوقار=واثر الصغير ابزعهم ماله من الحلوى حلى

[علي الشهراني]

حياك الله يا يوسف


و صح بدنك

[قو الصخر]

والله اني اتعلم منك يالشهراني واشكرك لتواضعك لاني ابستفيد

[علي الشهراني]

ما فيه باس يا قو الصخر


و الله يحييك



ان كان همك وسط صدرك واصلٍ حد الزرار=غيرك ترا يا صاحبي في هم صدره مبتلا
انته علامك طال عمرك تحذف الطاره يسار=غوّد على الخط الصحيح الاوّلي و الّا فلا

[معجب العتيبي]

الشهراني


قو الصخر



صحة الالسن



مبدعين

[علي الشهراني]

صح بدنك يا مشرفتاا القدير




يعني ما فيه تنسيق

[قو الصخر]

هههههههههه



ان كان همك وسط صدرك واصلٍ حد الزرار
غيرك ترا يا صاحبي في هم صدره مبتـلا
انته علامك طال عمرك تحذف الطاره يسار
غوّد على الخط الصحيح الاوّلي و الّا فـلا




ياصاحبي وين المسا دام المسا عندي نهار=لوشفتني ياصاحبي همي على صدري سلى
ضيعت خطي واختفى في ناضري خط المدار=من شافني ياصاحبي قال الولد هذ ا جلى

[علي الثبيتي]

انا اشهد هنا الابداع
صحت السنتكم

[قو الصخر]

معجب صح بدنك اتمنى اكون عند حسن ضنك تراي مبتدى

[قو الصخر]

النشمي لاهنت

والجميع بعد مايهونون

[علي الشهراني]

اخفق جناحك للسما لا صار ما في الارض دار=و ان كان خابت كلها فالصبر مفتاح العُلا
ترا الثقه فالنفس مطلوبه على سر و جهار=يعني كذا و الّا كذا اهم شيٍ تصملا

[علي الشهراني]

ارحب ارحب يا النشمي


و الله يحييك و الابدااغ مروووورك

[معجب العتيبي]

لازال الابداع



ولازالت المتابعه

[معجب العتيبي]

تستاهل يالشهراني



لعيونك احلا نسيق

[حاكم الغنامي]

الله الله


صحت الالسن والقلوب

متابع

[قو الصخر]

اللي هنا اكتفي وتشرفت يانسل شهران اني لعبت معك
واقولها قدام الجميع انت عاملتني بشعر دون النضر الي لقب الاسم

تشكر يالغالي



انا اتعلم عندكم صدق وحقيقه وانتشار=والله يجعل قدركم في رايه العز انزلى
الختامه ياصاحبي حبة خشم فيها قرار=انك زعيم الملعبه وانك لها عز ولى

مع العلم اني مبتدى واعذرني من القصور والهفوات

[علي الشهراني]

تسلم عيونك يا معجب و الله يبيض وجهك



هلا و غلا يا حااكم عااش من شاافك

[علي الشهراني]

قو الصخر الله يحييك



و فااالك التوفيق و الثقه بالنفس مطلووووبه



صح بدنك و مشكوووووور

[قو الصخر]

لاهنت يالشهراني اللحين يامعجب التنشيق مطلوب هههههههه

[معجب العتيبي]

الشهراني

كفرت بالطاغوت الاكبر و الطواغيت الصغار= و آمنت بالجبّار جبّار السماوات العلا
ان كان شمروخ ابن عايد ماخذٍ عقله سوار=غيره ترا واجد عسى ربي يكافينا البلا



قو الصخر

الفُ هلا باللي جعل خطه على جزل المسار=يومه كتبها واذهلت كل المشاعر والملا
الله يرحمنا معه ولانجي خط الدمار=شهران بالقوه لفت يامرحبا والفُ هلا



الشهراني

الك البقا يا الفارس اللي توّ ما عنّ المهار=ان قلت لي يا مسهلا رديت لك يا مسهلا
يا راعي البنّ انتبه لا يقلب البنّ البهار=و تصير مثل الضايع اللي ضاع صوته فالخلا


قو الصخر

مثلك وجيه ونضرته ماهي على رمز وشعار=مانته مثل شعارنا دفع البلا دفع البلا
ماهمهم غير اللقب على المسمى والوقار=واثر الصغير ابزعهم ماله من الحلوى حلى



الشهراني

ان كان همك وسط صدرك واصلٍ حد الزرار=غيرك ترا يا صاحبي في هم صدره مبتلا
انته علامك طال عمرك تحذف الطاره يسار=غوّد على الخط الصحيح الاوّلي و الّا فلا



قو الصخر

ياصاحبي وين المسا دام المسا عندي نهار=لوشفتني ياصاحبي همي على صدري سلى
ضيعت خطي واختفى في ناضري خط المدار=من شافني ياصاحبي قال الولد هذ ا جلى



الشهراني

اخفق جناحك للسما لا صار ما في الارض دار=و ان كان خابت كلها فالصبر مفتاح العُلا
ترا الثقه فالنفس مطلوبه على سر و جهار=يعني كذا و الّا كذا اهم شيٍ تصملا

قو الصخر

انا اتعلم عندكم صدق وحقيقه وانتشار=والله يجعل قدركم في رايه العز انزلى
الختامه ياصاحبي حبة خشم فيها قرار=انك زعيم الملعبه وانك لها عز ولى

[قنوع النفس]

يعطيكم الله العافية ولاهنتم

[سمي الجد]

طاروق مميز وجزل من جزلين لكم مني كل التقدير والحب