علي فلاح .. من باب تلطيف الجو ..!!!

[حسن إبراهيم الدجيماء]

متى ماسمح وقتك يابوفلاح ... والقلوب صحاح ..!!!



لاتضيق السراير ياعلي بن فلاح = الدعاوي هواين وانت تدريبها

بين ضرب السيوف وبين زرق الرماح = ندحم القوم ونكسر عراقيبها

[فارس المورقي]

الدجيماء صح لسانك
وصح لسان قبيلك

متابع:)

[قنوع النفس]

لاهنت يالدجيما وبانتظار ابن فلاح

[علي فلاح العضياني]

الخال و بناخيه من دون كل الناس :)



انت مدري تقوله جد و لاّ مزاح=القلوب الله اللي عالمٍ غيبها
لا تقف قدمنا بين العدوّ و السلاح=ثمّ في صدرك تبيّن مضاريبها

[الكنق 2011]

الله الله ابداع ياعمالقه الشعار

صحت الالسن والقلوب

تقبلو مروري

[يوسف العازمي]

صح لسان الشاعرين

ولاهنتم

وننتظر متابع

[حسن إبراهيم الدجيماء]

كفو والله يالبنااخي ..



لوبفاس الخراب ندق ضلع النجاح = ماتبيّن ,, ولانحتاج تجريبها

لاوقفنا دروع ,, ولاهجمنا رياح = معك ,, واشيب عين الخصم واشيبها

[حسن إبراهيم الدجيماء]

\\ فارس العتبان ,, قنوع النفس ,, الكنق 2011 ,, يوسف العازمي //

صحت ابداانكم .. وألف شكر على المرور الرااائع .. والمتحف ..!!

[علي فلاح العضياني]

ويش مقسمك من ورث الدجيما صلاح=يوم كلٍ مواريثه يماريبها
قبل صوت البنادق تسمعون الصياح=السواري معك و أزريت ترميبها

[حسن إبراهيم الدجيماء]

الله الله

//



مقسمي صيت طيّب والشجاعه وشاح = كاسبه من رجالٍ ذايعٍ طيبها

بيرقي مايطيح الا ليا الراس طاح = انشد "النايف" اليا كنت غاوي بها

[علي فلاح العضياني]

الحقيقه سناها مثل نور الصباح=هقوتي فيك صابت و إنجلى ريبها
في مجالس رجال الطاله العود فاح = و انت طيّبت به دقنك و أشانيبها

[قنوع النفس]

لاهنتم ياكبار الشعر وبيض الله وجيهكم

[شاعر القلطه]

صحت القلوب والالسن جميعا

[حسن إبراهيم الدجيماء]

ابوفلاح .. صح لسانك يالذيب .. ومشكور على اتاحة الفرصة .. نتعلم منك .. الى لقاء اخر .. باذن الله :



دام جتنا عطية والضماير صحاح = والله اني لأبيع ابها ولأشري بها

انهج الدرب لايغويك صوت النباح = انت من روس قوم اتعز اصاحيبها

[شمروخ ابن عايد]

محاورة جيدة من الطرفين .






لكن كأني فهمت أنها تحريضية لورد اسم ( النايف ) , هل تقصدون رجم النايف !!!!!!!!!!!!!

[علي فلاح العضياني]

أشكرك يالدجيما على الطاروق الطيب






شمروخ بن عايد


إذا كان هذا مدى تفكيرك فلاحول و لا قوة إلاّ بالله

[رعد الروقي]

بين ضرب السيوف وبين زرق الرماح
ندحـم القـوم ونكسـر عراقيبـهـا


لا تقف قدمنا بين العدوّ و السلاح
ثمّ في صدرك تبيّـن مضاريبهـا



هههه


ابدعتما


الدجيماء // المستشار




صحت السنتكم

[حسن إبراهيم الدجيماء]

شمروخ بن عااايد : لاتعليق ..!!!

العمده : صح بدنك .. والله يجعل هالضحكة دوم باذن الله .. لاهنت يالذيب ..!!!

[قنوع النفس]

لاهنتتم جميع استمتعنا بطواريق جميلة لكن بعض التدخلات الغير لائقة لانريدها(هويعرف نفسه)ودمتم