ســــفـــــيـــــــر الــــــزراريــــــق ( محمد بن رشيد )

[علي فلاح العضياني]

أبو مالك مساء الخيرات


استلم ::


محمد رشيد أثره سفير الزراريق=بعد ما نووا تقفيل باب السفاره !!!!
من رهاط لو يسرح و يضوي على الرّيق=يقولون يا ليته قعد في دياره !!!

[حسن إبراهيم الدجيماء]

من رهاط لو يسرح و يضوي على الرّيق ** يـقـولـون يـــا لـيـتــه قــعــد فــــي ديــــاره !!!

الله الله ..

مشكلة كبيرة ..

صح لسانك يابوفلاح لين ترضى ..

في انتظار ابوماالك .. وتبريره ..

وصح لسانه مقدماً ..

متااابع .. للفااائدة ..!!!

[عبدالله الجـــذع]

الله الله

صح لسانك يالمستشار ولاهنت

وفي انتظار المبدع ابو مالك

متابعين الإياب :)

محبكم

[عز الرفيق]

الله الله
طاروق مشوق من بدايته

عساكم على القوه


متابع للفائده

[محمد بن رشيد]

طيب طيب



انا ياعلي معروف مافيّ تبريق = لكن انت طعني واطلب الاستخاره !!
يابعد المحاني ياعتيبه عن طويق = وراع الصداره باقي ٍ فالصداره !!

[علي فلاح العضياني]

الدجيما





عبد الله الجذع





عز الرفيق





صحت أبدانكم


و لا هنتوا على التشريف و الاطراء

[محمد بن رشيد]

الدجيماء ,, عبالله الجذع ,, عز الرفيق


ارحبوووا


وشرفتووووووونا

[عز الرفيق]

ياسلام عليك يامحمد رشيد


رد وافي وكافي


متابعين

[محمد بن رشيد]

عز الرفيق


لاهنت


ومشكووور

[علي الشهراني]

الله الله


الله يديم الصحبه


علي و محمد


و طاااروق اكيد غير


متااابعين الله لا يعوق بشر

[محمد بن رشيد]

الشهراني


الله يديم تواجدكــ


لاهنت

[نوآف الغنامي]

وراع الصداره باقي ٍ فالصداره



يا سلآم سلّم




ابو فــــــــــلآح

ابو مــــــــآلك



صحت السنتكم
صحت السنتكم
صحت السنتكم



وااااصلوا


متاااابع :)

[علي فلاح العضياني]

الله الله الله


تحاول تطير و قاضبتك المسابيق=هذا العلم و إفهم مقصدي بالاشاره !!!!
تحلّم و لا تلقى للاحلام تحقيق= و قلبك برَد و الكبد فيها حراره !!!!

[علي فلاح العضياني]

الشهراني





خيال الصفراء





متابعتكم شرف كبير





صحت ابدانكم

[محمد بن رشيد]

طيب طيب




انا اتعب على عرف الرجال المطاليق =هل الطيب والنخوه واسوق البشاره !!
ماينقصك غير الحظ وشوي توفيق = وتحصل على رخصة عمل واستماره !!!

[المعتصم بالله]

الله الله

صحت السنتكم

متابع

[عز الرفيق]

ياسلام ياسلام

ابداع ابداع ابداع

والصف صفك يامحمد رشيد

ولا يهون المستشار

[علي فلاح العضياني]

استلم :


منوّل لك الفنجال الاول ليا سيق=و يجلى عماسك ريح خنّة بهاره
ترى فزعة المضيوم في ساعة الضيق=ترسّم و صدّر يالعتيبي قراره

[علي فلاح العضياني]

المعتصم بالله


صح بدنك





و من طول الغيبات جاب الغنايم




عز الرفيق



الصف يزهابك و انا معك في صف ابو مالك ههههههههه

[محمد بن رشيد]

الله الله




هل الاوله مبغى شهاده وتوثيق = وعن روق كم صديت هجمه وغاره !
قرارات بعض الناس تحتاج تصديق = من الشيخ والقاضي وختم الاماره !!!!

[علي فلاح العضياني]

ههههههههههه


على علمك اللي قلت يحتاج تعليق=أبو زيد مات و ماتت الصبح ناره !!!!
مع الطرقه ,, الخامس ما بعده تعاشيق=يا ليتك على يمناي وسط الغماره !!!!

[حسن إبراهيم الدجيماء]

بن رشيد :

ماينقصك غير الحظ وشوي توفيق ** وتحصل على رخصة عمل واستماره !!!

كلام كلام .. لله درك ..!!!

المستشار :

ترى فزعة المضيوم في ساعة الضيق ** تـــرسّـــم و صـــــــدّر يـالـعـتـيـبــي قـــــــراره

مالك جدا يابوفلاح ..!!!

بن رشيد :

قرارات بعض الناس تحتاج تصديق ** من الشيخ والقاضي وختم الاماره !!!!

ورطت يابوفلاح صحيح ..!!!

************************************************** *************

صحت الالسن والقلوب ..

ابداااع منقطع النظير ..

مبدعين بلا ادنى شك ..

للمتعة عنوان وعنوانه "" المستشار وابومالك "" ..!!!

متاااابع ..!!!

[محمد بن رشيد]

هههههه




لحقكم ياهل وادي المحاني لواحيق = بدو وابتلشتوا في زمان الحضاره !!!
مايدري عن التعشيق غير السواويق = احسبك معاون ؟ وانت سواق طاره !!

[علي فلاح العضياني]

صح بدنك يابو مالك


مدرسه شعريه نتعلم منك طال عمرك

[عز الرفيق]

صحت الالسن والقلوب

لاهنتوا

[عبدالله الاصعر]

علي فلاح



محمدرشيد



صحت اللسنتكم



طاروق يستحق المتابعه



تمنيت انني تابعته من اوله


لكم خالص تحياتي

[قنوع النفس]

ابدعتم ورايتك بيضاء يبوفلاح ولاهان قبيلك