متشيعر يالعتبان وعلى هونكم تكفوون

[أحمد المالكي]

من صميم الشاعر اللي ينعرف وقت اللزوم = ياسلامي ياعتيبه يامزربة الديار
عادة القناص يغزي للقنص قبل الهجوم = وان عدى في العيس مايختار منها الا كبار


===

تروني ابي اتعلم منكم يانشامى
وعلى هونكم ماني بن حوقان ههههه

[مرزوق حمدان العتيبي]

ارحب ارحب يالمالكي
والمعذره على التاخير... والله اني توني اشوف مبداك.
..
استلم طال عمرك


من صميم الشاعر اللي عن بني عمّه يقوم= مرحبابك يالمسلم بالمساء ولا النهار
من غزا يغزي ولكن قو حظه مايدوم = يمكن انه يبتلش والغزو يرجع له دمار

[وصل العطياني؟؟؟]

الله يرحم حالتك يالجنوبي :)

واصلوا واصلوا ...


حنا متابعين ...


تحياااااتي

[الــوآفــي]

متابعينكم الله لايهينكم :)


زودو الصفوف ياعيااااااااال

[أحمد المالكي]

ارحبوا جميعا

ارحبوا والله


شدّ حيلك وارفع الرايه وطرفك لاينوم = والبقا فالك .. وحذرى لاتحيد اعن المسار
الذي حاسب حساب الآرض من قبل النجوم = خير ماللي يحسب احساب النجوم اعلى القفار

[أحمد المالكي]

وصل العطياني

ارحب وصدقت ربي يرحم حالي هههه

===

ذيبان ياذيبان
ارحب والله يالغالي

وخلك معي تكفى

[مروي العطاشا]

الله يقويكم انا معك اخوي احمد

[مرزوق حمدان العتيبي]

الاخوان
وصل العطياني
ذيبان
مروي العطاشا
ارحبوا شرفتوا ونورتوا
اسعد اللحظات ان نرى تواجدكم..

اخوي المالكي استلم


..

راسي ٍ مثل الجبل وابغى المفيد من العلوم = ان بغيت اتجيبها .. تفصيل ولا بااختصار
الفصيح اليا تكلم كل ماقال معلوم = والغشيم الى تكلم مال هرجته اعتبار

[أحمد المالكي]

أهلا وسهلا ملايين بالجميع



ربنا يرزقك يامرزوق والدنيا قسوم = مثلما تبغي تجدها .. طايله والا قصار
بعضنا من شين حظّه سمسمت فيه الهموم = نوب يلقاها انهزام ونوب يلقاها انتصار

[ابن مشيب]

الله الله صحت السنتكم واصلو وحنا متابعين

[مشتــــاق]

الله الله



الليل يا شعار


نبيها الليلة صباحي


لا تروح يا احمد لين يجي مرزوق


ودنا انها مباشره

ربنا يرزقـك يامـرزوق والدنيـا قسـوم............مثلما تبغي تجدها .. طايلـه والا قصـار
بعضنا من شين حظّه سمسمت فيه الهموم..............نوب يلقاها انهزام ونوب يلقاهـا انتصـار

[مرزوق حمدان العتيبي]

....

الاخوان بن مشيب
ومشتااق مرحبافيكم تراحيب المطر..
واللي تبونه يصير :)


رزقنا من عند خلاّقٍ بمخلوقه رحوم = ون لقينا كايده معنا عزيمه واقتدار
وش حصل لك يالسنافي يوم في حظك تلوم = وسّع الخاطر ترى الدنيا بخالقها تدار

[أحمد المالكي]

الله الله وحي الله الجميع

====


يذّن المغرب وتفطر .. وانت ياخي ماتصوم = ودّي انك كنت صايم وانت رايح للفطار
صدري أوسع من ديارا علّها وبل الهشوم = مير مايطلع حياها .. والشجر ماهي خضار

[مرزوق حمدان العتيبي]

...
خلووووووووووووووها

لاتحسب انك فقيه ومن خطاياك امعصوم = احمد الله واشكره وش فيك زودت العيار
ليت بعض الناس يصحي لاتورطه الحلوم = والعقل نعمه ومن يفقده نرسله لشهار

[أحمد المالكي]

اييييييييييييييييييييييه


يسقي الله خصمنا ماهو مثل بعض الخصوم = فرق بين اللي وقع مرة وبين اللي مرار
كلّما شفت المسيل يقوش نخلك والعقوم = تب لربك مالذنوب كبارها واللي صغار

[مرزوق حمدان العتيبي]

خلووووووووووووها



خصمنا وش فيه ضايع ماعرفنا له سلوم = مر يقلبها يمين ومر يقلبها يسار
الحقيقه مشكله وان وصلت فرك الخشوم = بالمواقيف الصعيبه زندنا يقدح شرار

[أحمد المالكي]

اييييييييييييييييه خلوووووها


مانضيع ولاتضيع المعرفه بين القروم = مير هذي درب وحده مامعك فيها خيار
من يقع في البحر الاحمر مابيلقى له نسوم = ينطفي زنده ويبطي واقعا تحت الحصار

[مشتــــاق]

خصمنا وش فيه ضايع ماعرفنا له سلوم=مر يقلبها يميـن ومـر يقلبهـا يسـار
الحقيقه مشكله وان وصلت فرك الخشوم=بالمواقيف الصعيبه زندنا يقـدح شـرار


الله الله


مانضيع ولاتضيع المعرفه بيـن القـروم=مير هذي درب وحده مامعك فيهـا خيـار
من يقع في البحر الاحمر مابيلقى له نسوم=ينطفي زنده ويبطي واقعا تحـت الحصـار



شعار شعار


الله الله عليكم

[مرزوق حمدان العتيبي]

الاخ العزيز مشتاق
ماعليك زود ... نورت يالغالي..

استلم يا احمد وصح لسانك...


طير بن برمان بالحيه على راسه يحوم = ليت بن برمان ما نادا لطيره يوم طار
ماخبرنا في تهامه واحد ٍ عداّ الرجوم = لا.. ويبغاها من اهل المعرفه واهل الوقار

[أحمد المالكي]

يالله صح بدنك


وتراني ماني بشاعر الا متشيعر واتعلم هههه

وحي الله من لفى ومرحبا ملايين بعد


صح بدنك يامرزوق ياسنايدي

[مرزوق حمدان العتيبي]

..
الاخ العزيز احمد بارك الله فيك وفي اخلاقك
ولا عليك زود ... سعدت وطربت بهذا اللقاء الجميل
والذي انت السبب الرئيسي في جماله..
كل الود ياغالي...