الحيل حيل الفرس والحمل حمل البعير ,, الطارف

[فارس المورقي]

يامرحبا رحب وافي من صميم الضمير = بالطارف الي مسح فالدرب طلبونها
الحيل حيل الفرس والحمل حمل البعير = والي يجي قدمها ماطاح من دونها

[محمد الشامان الحشيبري]

اللك البقا ياالمرحب والرحا تستدير=والطارف الي وصلك يغني لحونها

يا فارس السالفه لنكان صحت تصير= أن كان جبت العلوم أجيب مكنونها

[ابو منير العتيبي]

الله الله





يا سلام





كلام رهيب

[محمد الشامان الحشيبري]

تسلم تسلم
يا ابو منير العتيبي
على المرور

[فارس المورقي]

اررحب اررحب

ياطير يالي معك جنحان حلٌق وطير = ترا العرب ماتناظر غير بعيونها
عزالله اني معك في شر ولا في خير = يالو تعلٌونها ولا توطونها

[فارس المورقي]

ارحب يابو منير

تحيا ودوم

:)

[محمد الشامان الحشيبري]

الطير طاير ويلقا صيد صيده وفير=يشبع عيال العرب ويخفف أحزانها

أمشوا معي لين أوصلكم على جم بير=والي يبا الطيبه يتعب على شانها

[معجب العتيبي]

فاس العتبان


الشامان


ابدعتوا في القيفان والاوزان


صحة الالسن


ومتاابع

[محمد الشامان الحشيبري]

صح بدنك ومتابعتك شرف لنا

[فايز بن سرحان الثبيتي]

الله الله صحت السنتكم ... مبدعين "

[محمد الشامان الحشيبري]

ابن سرحان حياك الله

وصح بدنك

[فارس المورقي]

في سوقنا كل واحد له زبون وخشير = ماتشتري غير من ناس يعرفونها
وان كان فالسوق تاجر ياالعتيبي كبير = جرٌته من فوق سطح الارض يخفونها

[فارس المورقي]

معجب العتبي صح بدنك :)
ابن سرحان الثبيتي صح بدنك :)

هلت الانوار بتشريفكم

[محمد الشامان الحشيبري]

من محتكر سوقكم بقشان ولا الحكير=وبضاعتك خلها في جوف كرتونها

المشكله فالموظف يوم خان المدير=ما يعرف أن الامانه ضد خوانها

[فارس المورقي]

السوق مفتوح مار المشكله فالوزير = الي يدير الوزاره عكس قانونها
الي معه ياطويل العمر سيف ٍ شطير = يبا يقص السيوف الي يحدونها
صح لسانك ياشامات ملاين
بركه دوام والنوم سلطان وبيض الله وجهك على ماقلت

تصبح على خير

[محمد الشامان الحشيبري]

وأنت من أهل الخير ووجهك ابيض