اقرب شاعر متمكن

[علي الثبيتي]

سلام رديه دواء وعلاج للقلب الجريح= من طيبها يحسبلها الف حساب؟ والمخرج ملي!!
ياهل الخديعه والمكر يهل المجامل والمديح=الحق يكشف حيلة الكذاب ؟ ومخرج ملي!!

[اللسان الفصيح]

يشرفني مجاراتك يالنشمي
اذا مانت قاصد بالطاروق شاعر معين



انتظر ردك

[علي الثبيتي]

يشرفني مجاراتك يالنشمي
اذا مانت قاصد بالطاروق شاعر معين



انتظر ردك

حياك الله والطاروق واضح من عنوانه
نشوف ردك ولنا وجهة نظر

[ماجد العصيمي]

صح لسانك يالعود



وكل واحد بيحسب الف حساب قبل يرد علاك يامجرم هههههه

[اللسان الفصيح]

يامرحبا مدّة وفا ماهي من الكف الشحيح = من طيبها تفتح لها الابواب 0 والمخرج ملي

الحمد لله من عنا الايام قلبي مستريح = ماهمني لو عشت دون اصحاب ؟ والمخرج ملي

[@ـايل]

النشمي & اللسان الفصيح

صحت الالسن والقلوب

واصلووو ونحن نتابع .

..

[اللسان الفصيح]

وجهة نظرك نحترمها يالنشمي

[اللسان الفصيح]

شبل مرجحين الموازين
صح بدنك بالنيابه عن النشمي

[علي الثبيتي]

طيب طيب

شاعر بدون مجامله وزياده اللساناً فصيح= حث القدم وطلع على المرقاب والمخرج ملي!!
اختر من خيار الرجال اللي بسدك مايبيح= قدام تصبيح بين ضرس وناب والمخرج ملي!!

[اللسان الفصيح]

هايل العتيبي
صح بدنك ؛ شرفتنا بمرورك ومتابعتك


الله لايهينك

[علي الثبيتي]

شبل مرجحين الموازين

مشرفنا الغالي هايل
يامرحبا تراحيب المطر
وصح ابدانكم

وتواجدكم يشرفنا

[فايز بن سرحان الثبيتي]

ياسلام ياسلام "

صح لسانك يابو فهد "

وصح لسانك ياللسان الفصيح "

[نوآف الغنامي]

الله الله الله


النشمي


صح لساااانك




مبدع دائمــــــــآ


اللسان الفصيح


صح بدنك رد وااافي


ولآ هنتوا جميعا


متاااابع لكم


:)

[علي الثبيتي]

ياسلام ياسلام "

صح لسانك يابو فهد "

وصح لسانك ياللسان الفصيح "

حلوه صح لسانك ياللسان ههههههههههه لوقلت صحيت ياللسان الفصيح >>>> يتفلسف العود

ارحب يابو ريان وصح بدنك

[علي الثبيتي]

خيال الصفراء الابداع بوجودك ياسنايدي
وصح بدنك يالغالي

[اللسان الفصيح]

ارقى بفكرك قبل فالحفره على راسك تطيح = هذي بضاعة تاجر" نصّاب ؟ والمخرج ملي

ترى القباحه ماتجي ياكود فالرجل القبيح = كيف الدلال الصفر له شرّاب ؟ والمخرج ملي

[اللسان الفصيح]

ابن سرحان الثبيتي ؛ خيال الصفراء
صحت ابدانكم ؛ شرفتونا بحضوركم



الله لايهينكم

[علي الثبيتي]

الله الله

لايدخلك شكه بنفسك مايصح الا الصحيح=فالملعبه يرضيك ابو مشعاب؟ والمخرج ملي!!
نبا نشب النار لين القدر بامر الله يفيح=والدين مايغدي واله طلاب والمخرج ملي!!

[فارس المورقي]

النشمي



فصيح اللسان


مبدعين وممتعين


صحت الالسن

:)

[علي الثبيتي]

النشمي



فصيح اللسان


مبدعين وممتعين


صحت الالسن

:)هلا وغلا يافارس ومن طول الغيبات جاب الغنايم انت طيب فاقدينك انت وين ارضك

على العموم صح بدنك يالغالي

[فارس المورقي]

ماتفقد غالي يالغالي

تخبر مشاغل الدنيا الله لايشغلنا غار بطاعته

الله لايهينك يالنشمي

[اللسان الفصيح]

ان كان ابو مشعاب لعبه معجبك خلك صريح = دوّره ثم وصل له الاعجاب ؟ والمخرج ملي

لو شبت النيران في بشتك عباد الله تصيح = تنشدك يالنشمي عن الاسباب ؟ والمخرج ملي

[اللسان الفصيح]

فارس العتبان
صح بدنك ؛ تواجدك فخر لنا



الله لايهينك

[راع العبيه]

صح لسانك يا النشمي ويالفصيح والصفوف عانوها تزيد

[اللسان الفصيح]

راع العبيه
صح بدنك وعاشت الصفوف وراعيها


الله لايهينك

[علي الثبيتي]

ههههههههه
استلم والختام من عندك

نيتك قشرا راح دلوك ياصبي ينضح نضيح=منته مميز فالحبل والداب والمخرج ملي

لاوالله الا قام زندك بالردى يقدح قديح=خلك في حالك واترك الانشاب والمخرج ملي

[علي الثبيتي]

راع العبيه صح بدنك
والصف يزهابك

[اللسان الفصيح]

وانته يابو نيّه سليمه علمك الاول مليح = واللي يجيب الطيبه ماخاب ؟ والمخرج ملي

ماني براعي للردى لو كان لك عقل" رجيح = لو ان غيري للردى كسّاب ؟ والمخرج ملي