ليلة شعر تنذكر ما عاد تنسونها . . .

[أبن الجزيرة]

سلام يا عتيبه الهيلا سلام ٍ كثير=اعداد ما لاح برق وهلـّـت مزونها
يا هاجس الشعر عطني كل جزل ٍ وفير= ليلة شعر تنذكر ماعاد تنسونها

[كرزان]

يامرحبا من هجوساً تعتلي ف\الضمير=عد النجوم او عداد الي يعدونها
ياهاجس الشعر عطهم ياعسى الفال خير=لين الجمر ياضعونه فوق غليونها

[عز الرفيق]

الله الله

بدايه موفقه

متابعييييييييييييييييييييييييييين


واصلوا واصلوا

[كرزان]

الله الله

بدايه موفقه

متابعييييييييييييييييييييييييييين


واصلوا واصلوا



عز الرفيق لاهنت على المتابعة

[أبن الجزيرة]

فيك البقا يالمرحب جعل دربك سفير=يا شاعر ٍ تحسب الابيات ولحونها
الزهره اللي بها ريح النفل والعبير=ذبلت وهي من قبل كانوا يسومونها

[أبن الجزيرة]

عز الرفيق

لاهنت على المرور يالقرم

[عيد بن مرضي]

الله الله ... صحت الالسن



ابن الجزيره ... سؤال ممكن




انت خوينا المبتعث للدراسه :)

[كرزان]

نحسب علوماً لها بالوقت شاناً كبير=والثانية مانشدنا كيف مضمونها
اكيد تذبل ليا جفّفت عنها الغدير=المشكله عندكم يالي تقولونها

[أبن الجزيرة]

عيد بن مرضي

صح بدنك

ومالك لوا ماني بخويك اللي تعرف

ولكن انشا الله اني خويّن لك من اليوم وبعد

[عيد بن مرضي]

الله يحييك والله يا ابن الجزيره ... وممكن تشابه فالآسماء


وخوة المطاليق شرواك مكسب لاهنت ...


--------------------


ومتابع معك للطاروووق

[كرزان]

اخوي عيد صح بدنك

[أبن الجزيرة]

الله يجمّلك في دربك ومثلك بصير=فالعاليه والطوال اللي تنوشونها
الشجره اللي تظلل كل طير ٍ يطير= جاها قضاها وربك ميّـل غصونها

[كرزان]

وانته كذاللك على الطالة تحث المسير=الله يجملك والعليا تطولونها
لو هب ياصاحبي يوماً عبوساً مرير=الشجرة الشامخة مايختلف لونها

[أبن الجزيرة]

يارب تحفظ عبادك من عذاب السعير=والجنه العاليه يالله ينالونها
لي جا نهار ٍ من اهواله يشيب الغرير=تنجينا يوم الخلايق شاخصا عيونها

اخوي كرزان

بيض الله وجهك على اللعب الوافي

والخاتمه عندك

[كرزان]

يارب تحفظ عبادك من عذاب السعير=والجنه العاليه يالله ينالونها
لي جا نهار ٍ من اهواله يشيب الغرير=تنجينا يوم الخلايق شاخصا عيونها

اخوي كرزان

بيض الله وجهك على اللعب الوافي

والخاتمه عندك



مافيه اجمل من الخاتمه الي ذكرتها

وعسى الجنة من نصيبي واياك والمسلمين

صح لسانك

ولنا لقاء بأذن الله

[مرزوق حمدان العتيبي]

,

.

بيض وجوهكم ... كلام جميل ... ومافيكم حيله ..

..

[كرزان]

,

.

بيض وجوهكم ... كلام جميل ... ومافيكم حيله ..

..


وجهك ابيض والله لايهينك

[أبن الجزيرة]

المشرف العام مرزوق حمدان العتيبي

ابيض وجه يالذيب

ومتابعتك شرف لنا