اقرب شاعر

[ابومحمد الهاجري]

السلام عليكم اتمنا شاعر يجي يسد اللزوم

سلام الله سلامن فيه للنيشان صيد وخير @@ عسى الطرقي يشوف الصيد في دربه ويعطيها
ترا القصه تملل سمعنا من كثرت التكرير @@ وقرن الظبي بالمليون محدوده لراعيــــــــــها

[هندي العطاوي]

مرحبابك يابو محمد الهاجري

خلك معي

[علي الثبيتي]

محمد الهاجري صح لسااااااااااااااااانك
وننتظر الشاعر هندي العطاوي وصح لساااااااااانه

[ابومحمد الهاجري]

تبقا وان معك

[ابومحمد الهاجري]

صح بدنك يالنشمي

[هندي العطاوي]

ههلا يامرحبا ترحيبتن من وافي التقدير @@ عدد ماطارت طيور الهدد من كف راعيها

تراء القصه تبي من راعي القصه لها تبرير @@ وقرن الضبي بايعها علامه راح يشريها

[ابومحمد الهاجري]

يدوم ابك البقا وانته من رجالا تبي تقرير @@ وعذب الما نعرف ياعميلي من مجاريها
الا ياطير ياللي تفرد الجنحان تبغا تطير @@ وضاعت ياعميلي بين كاتبــــــها وقاريها

[هندي العطاوي]

صح السانك
طيب طيب

[ابومحمد الهاجري]

صح بدنك يالغالي

[هندي العطاوي]

حسافه ياتقاريرن نظمها خائن التعبير @@ شواميخ الجبال السود مافكرك براقيها

الا ياطير يالي شتت ريشك عجاج عصير @@ جروح العج في جنبك زمانك مايداويها

[علي الشهراني]

صحت السنتكم جميع


و مووفقين خير

[هندي العطاوي]

صحت السنتكم جميع


و مووفقين خير


الشهراني

مرحبابك

وسعدنا بتواجدك

وصح بدنك

[ابومحمد الهاجري]

انا ماني بخارج للبشر وعمم التكفير @@ بيوت العز نبغيها اتطاول في مبانيها
ونبغي نصلح العالم بلا حرب وبلاتفجير @@ وانا بجدد المعروف ورده لابدا فيها

[ابومحمد الهاجري]

صح بدنك يالشهراني وحياك الله

[هندي العطاوي]

مشاكل مخرج الصوره خلل في شاشة التصوير @@ عساها تاضح الصوره على ميزة معانيها

تجنب وترك العالم وشد الحمل فوق بعير @@ وسافر في فجوج الارض وعرف ويش تاليها

[ابومحمد الهاجري]

ياسلام ياسلام

[ابومحمد الهاجري]

خليفه وسط داره يروي الضميان جم البير @@ ولحم الصيد يارجال طابخها وشاويــها
تقدم جعل حظك ياعميلي يدهن الك السير @@ ولكن ل تناساني مادام الذيب عاويها

[هندي العطاوي]

طيب طيب

وصح السانك

[ابومحمد الهاجري]

صح بدنك يالغالي
وانتظرك

[هندي العطاوي]

اشاهد هضبة الكودة حصاتن في ظلال النير@@ولكن المزون ليا اسقته ملزوم تسقيها

انا باعي يطول الي غدابه هاجس التفكير@@يدور صيدته في جعبته ولاهو ملاقيها

[ابومحمد الهاجري]

كسب بالجوله الاوله وكز الروس يمنا الزير @@ وغير ه ياعميلي غزوته محدن درافيها
مدام انك سواتي تعرف التهليل والتكبير @@ تحيزم ودحم العدوان في جنبنا يدربيــها

[ابومحمد الهاجري]

لاهنت ياهندي وتشرفت باللعب معك بس ابي طلب اتلرد على بيتيني وفيها نختم
وتصبح على خير

[هندي العطاوي]

حصيل الجوله الاولى من التشبير والتفتير@@سرتبه كلمتن غيرك حشا ماهوب ناسيها

مادام السايق المربوش لخبط في تروس القير@@سرا الموتر رقم واحد مع دروبن يلاويها

الله لايهينك يابو محمد وانا كذالك تشرفت باللعب معك
وتصبح علا خير