تعال يالخيال ابا خذلي معك قاف(ن)جديد

[عبدالله الاصعر]

تعال يالخيال ابا خذلي معك قاف(ن)جديد=نجدتك من محزمك وانا نجدتي من محزمي
طاروق كله صاخن ومعناه من نوعه فريد=بين الزعيم الهوشه الليله وبين العالمي

[فهد الشيباني]

الله الله .. صح السانك ياعبد الله .. وصح السان خيال مقدما ..

متابعين للفائده ..

[عبدالله الاصعر]

شبل شيبان صح بدنك يالغالي

[علي فلاح العضياني]

الله الله الله



صح لسانك يالاصعر



صح لسانك يالخيال



متااااابع

[ابو منير العتيبي]

الله الله يابو ضيف الله




الزعيم من والعالمي من



تراني انا اشجع الزعيم



الصف صفك يالزعيم

[عبدالله الاصعر]

علي صح بدنك مرورك يشرف

[عبدالله الاصعر]

ابومنير حياك الله وصح بدنك

[نوآف الغنامي]

يا اللي تنادي جيت في يمناي سيف ٍ من حديد = سيف ٍ يا عبدالله نقفبه دون دمي ولْحمي
الهوشه اللي قنبعت .. من راس شيطان ٍ مريد = دام الشياطين اللعينه وسط قلب الادمي

[نوآف الغنامي]

شبل شيبان


صح بدنك


ولآ هنت


ابو فلآح


صح بدنك ولآ هنت على المرور


ابو منير


شرفتنا بمرورك


ولآ هنت

[عبدالله الاصعر]

تدري متى من سيفك اللي في يمينك تستفيد=ليا رجع رشيد ابن زيد الزلامي عازمي
حنا صبرنا عنك حتى جبت واهيت العبيد=تكب راي الاصمعي ترضا براي الجرهمي

[عيد بن مرضي]

طيب طيب



صحت الآلسن والقلوب ... متابع والصف خيال



الليل بـ / العلوم الزينه :) متابع

[عبدالله الاصعر]

عيد ابن مرضي حياك الله صح بدنك

[ابو منير العتيبي]

الله الله




ياسلام

[نوآف الغنامي]

انا ليا مني شهرت السيف في وجه العنيد =الله يجيرك صار يالاصعر توطاه قدمي
تبا الحقيقه يا ولد حنـآ مع الراي السديد = هذا الكلآم اللي بوسط القلب .. يطلع من فمي

[نوآف الغنامي]

هلآ يبن مرضي


وصح بدنك وقلبك



والصف يزهاااابك



ولآ هنت

[عبدالله الاصعر]

انته تقوله مير مارديت بالعلم الاكيد=ما تاخذ الا ياطويل العمر من راي العمي
الشاعر اللي كان يمدح شعره الشاعر رشيد=لا شعرك بشعره ولا اسمك صاير(ن) لاسمه سمي

[نوآف الغنامي]

نارك يالاصعر عوّدت يا صاحبي مثل الجليد =لكن تبغى العلم يا رجال ( جعلك تسلمي ) !!
يالاصعر انته وش تبي ,, والله مدري وش تريد = حتيش لو ترجع ولد مزحم وانا ارجع مزحمي !!

[عبدالله الاصعر]

لولا العهد بيني وبينك شفت فعلي يا (بليد)=اركيت من يمناي في يمناك حامي ميسمي
ابغاك تطلع مثل حاكم يوم جاء لا بوك عيد=(لكن حاكم وين وانته وين لا قرّ الرمي)

[علي الثبيتي]

تدري متى من سيفك اللي في يمينك تستفيد


ليا رجع رشيد ابن زيد الزلامي عازمي



ابغاك تطلع مثل حاكم يوم جاء لا بوك عيد

(لكن حاكم وين وانته وين لا قرّ الرمي)

الليله الاصعر ثاير بحر

يا اللي تنادي جيت في يمناي سيف ٍ من حديد


سيف ٍ يا عبدالله نقفبـه دون دمـي ولْحمـي


الهوشه اللي قنبعت .. من راس شيطان ٍ مريد


دام الشياطين اللعينـه وسـط قلـب الادمـي

كفو ياخيال

صحت لسنتكم مبدعين وجزلين

[نوآف الغنامي]

انته تقوله مير لوّ اني لقيتك يالشريد = والله ما فكك لين يالاصعر يسيلن الدمي
حنا عليكم مثل سيف ٍ في زمانه ما يبيد = حاكم وقف في لآزمه , وانا بعد في لآزمي

[نوآف الغنامي]

هلآ ابو فهد



حياك الله



وصح بدنك



والابداع مرورك


ولآ هنت

[عبدالله الاصعر]

لو نرجع ال /تاريخ نجد ايام هارون الرشيد=من اللذي يحمى الجهامه فالنهار المحتمي
حاكم لحاله نعرفه شاعر طلع فيكم وحيد=وانت ونعم لكن بعض احيان شكلك تعتمي

[عبدالله الاصعر]

النشمي هلا وغلا مرورك شرف


صح بدنك وتسلم على المرور



تحياتي

[علي الثبيتي]

حنا عليكم مثل سيف ٍ في زمانه ما يبيـد


حاكم وقف في لآزمه , وانا بعد في لآزمي




صح لسااااااااااااانك مليون على هالبيت

[فرهودي]

الله الله

قاف عالمي

صح لسانك يالاصعر ملاين وصح لسانك ياخيال الصفراء ملاين

الله لايهينكم

[عبدالله الاصعر]

فرهودي صح بدنك تحياتي

[نوآف الغنامي]

انتم رجال ٍ يبن ثعلي ما تكبون الجحيد = لوّ انكم ما تجهلون اللي بسيفه مقدمي
هو كيف تجهلنا يالاصعر يا لعلك ما تفيد = وحنا مثل سيل السحاب اللي عليكم يركمي

[نوآف الغنامي]

صح بدنك يالنشمي مليونين



ولآ هنت

[نوآف الغنامي]

صح بدنك يا فرهووودي


ولآ هنت على المرور

[علي الشهراني]

ابشر و الله بالراي السديد يا خيااال



صح لسااانك و صح لساااان الاصعر



استمتعت بهذا الطااااااااااااااااااروق



فتل و نقض على مستوى



مشكووووووورين

[نوآف الغنامي]

ههههه


هــــــلآ والله بالراي السديد



ارحب ارحب



صح بدنك ولآ هنــــت


واشكرك على المرور