قضية مجتمع قيّض على سلطته كلب الروم .. فواز السعيدي حياك !!

[علي الشهراني]

السلام عليكم


مساء الخير للجميع


حياك الله يبو عاايش و استلم


و نكمل بعد العشاء ان شاء الله



على ذكر الكتاب العاصمي بانت زكاة القوم=منافق يخفي الحقد الدفين و يظهر اسلامه
قضية مجتمع قيّض على سلطته كلب الروم=و الادهى و الامرّ الكلب يعصي حكم حكّامه

[فواز السعيدي]

الله الله

//


يمر الوقت وصدور الرجال اوساع دايم دوم = وفرق اهل الشمال اعن الجنوب(400) قامه !!

يانقفور انتبه هارون مايمزح مع المحروم = ليا جاته رساله تزعله حطّك بفرّامه !!

[الجوراسي]

ههههههههه صح لساااااااااااااانك

بس عندي ملاحظه على اخوي فواز


يمر الوقت وصدور الرجال اوساع دايـم دوم^^^
وفرق اهل الشمال اعن الجنوب(400) قامه !!

[ماجد العصيمي]

صح لسانك يا علي ولسانك يافواز امتعونا شعر لاهنتو

[علي الشهراني]

صحيح انّ الصعيدي ما يكيّف راسه الّا الثوم=لكنّ ان كان عيّا ماله الّا راس خرّامه
على لهجة كلام الشام يا خيّوه عيب الشوم=على الراعي بعد ما فك راس شعيل و خطامه

[علي الشهراني]

الجوراسي ..


شبل مرجحين الموازين ..




صحت ابداانكم و مشكووورين

[فواز السعيدي]

////
........



اثر شهران فيها للسفاهه قسمها المقسوم = اظن ارضعك ابن ثايب وصرت تنوقل اعلامه !!

انا ماني بضيقتك وزعلك ابلازمي ملزوم = نظامي مايشابه لاصفر الجنحان ونظامه !!

[نادر .. .. ..]

الله الله
صحت الألسن والقلووووووووب
وأنا في صف إبن شهران لا عدمناااه ولا يهووووووون الغالي فوّاز
بارك الله فيكم جميعاً
متااااااااابع للإبدااااااااااااااااااااااااع

[علي الشهراني]

ترا شهران تكرم عن كلامك و السلوم سلوم=لكن ارجع على الموضوع الاول و الزم لزامه
مصيبه كان سيف الحق عوّد فالعرب مثلوم=و روس القوم صارت كلبوها افكار هدّامه

[علي الشهراني]

الله يحييك يا نااادر


و مرحبا بك و الصف يزهااابك

[سعد حميد الثبيتي]

صح لسانك ياشاعر بني شهران وصح لسان السعيدي


شعار كبار ومافيكم حيله فتل ونقض على مستوى من الرقي والشاعريه تقبلوا تحيتي

[فواز السعيدي]

/////
..........


يقال الترك خيّم في ديركم خمسطعشر يوم = وقمتو من ظفر كلٍ يشوش ويظهر حزامه !!

تبا تبحث قضايا المجتمع وعلومك انت علوم = امانه من سمح لك ترتدي لك ثوب وعمامه !!

[علي الشهراني]

ارحب ارحب يا بو حميد



صح بدنك و مشكوور


لا خلا و لا عدم

[علي فلاح العضياني]

الله الله


صح لسانك يالشهراني


و صح لسانك يالسعيدي



شعراء مبدعين الى أبعد الحدود




متاااااابع حتى النهايه

[علي الشهراني]

خذينا حقنا وافي و ردّينا غزاة القوم=يوم انّك تحرم المحرم و ترجع تسرق احرامه
قضايا المجتمع تكليف يا ها الظالم المظلوم=عسى يهناك بو طربوش في شكله و هندامه

[علي الشهراني]

ابو فلاح


مرووورك هو الابدااع بحد ذااته


مشكووور و ابيض وجه

[عز القاف]

منافق يخفي الحقد الدفين و يظهر اسلامه



صح لسانك ياشهراني


معنى عميق

ولاكن .....

وجودك في المنتدى سبب احراج كبير لكبار الشعراء


ولاهان السعيدي

وصح لسانه

[فواز السعيدي]

الله الله

////

.....


اظن اسمك علي .. لكن غلط بين الرجال سلوم = ابسميك تركي .. (عاش ابو ترّوك واعمامه) !!


انا ماقلت فيك الطيب ياوجه الرضا معدوم = لكن من ضاع فسنين الضياع الدرب قدّّامه !!

[علي الشهراني]

يحاول ما يحاول صاحبي في صدره المهموم=عسى فواز يبحث وين راحت جملة ارحامه
كذلك و انت وافي غير من حدك على المشروم=بعد صار الشعر قصة ردا سايق وخدامه

[حاكم الغنامي]

الله الله

صحت الالسن والقلووب

ولكم منا المتابعه

تحيتي

[علي الشهراني]

ارحب تراحيب الوفا يا حااكم



و مشكووور على متااابعتك

[فواز السعيدي]

صح لسانك ياشهراااني


ولك مني محبة وتقدير


والقلوب صحااح


تصبح على خير


,,

[علي الشهراني]

صح بدنك و صح لساانك يا فوااز



نعم القلوب صحاااح



مشكوووووووووور

[جليدان السبيعي]

بيض الله قلوبكم شعار تنومسون اللابه اللي انتم منها

[فايز بن سرحان الثبيتي]

/////
..........


يقال الترك خيّم في ديركم خمسطعشر يوم = وقمتو من ظفر كلٍ يشوش ويظهر حزامه !!

تبا تبحث قضايا المجتمع وعلومك انت علوم = امانه من سمح لك ترتدي لك ثوب وعمامه !!


خذينا حقنا وافي و ردّينا غزاة القوم=يوم انّك تحرم المحرم و ترجع تسرق احرامه
قضايا المجتمع تكليف يا ها الظالم المظلوم=عسى يهناك بو طربوش في شكله و هندامه




الله اكبر عليكم يالمبدعين


صحت قلوووووبكم لين ترضووووون "

[خالد الثبيتي]

الله عليكم ههههههههههههههههههههه


ما قصرتوا مع بعض

صحت الالسن وبيض الله وجيهكم

لا عدمنا هالابداع اللا مثيل له



اخووووووووووووكم

[عيد العازمي]

علي


فواز




صحت الالسن



وبيض الله وجيهكم