السواط ومستور والاصعر بينهم !

[محمد بن رشيد]

الله الله


تعال يالاصعر



ياربعنا اللي شرق من حرّة ارهاط = الله واكبر لو يدور الزماني !
ان كان مات اسواط نلقالنا اسواط = مير المصيبه ماش مستور ثاني !

[نوآف الغنامي]

ياربعنا اللي شرق من حرّة ارهاط
الله واكبر لو يدور الزماني !
ان كان مات اسواط نلقالنا اسواط
مير المصيبه ماش مستور ثاني !




ههههههههههه


مير المصيبه ماش مستور ثاني




الله الله الله

ابو مالك صح لسانكـــ مليون
مبدع ولآ هنت

والاصعر الليله ما يتواتا :)


وتراك مسموح يالاصعر بالرد على ابو مالك وبدعتي ملحوق علآها

[محمد بن رشيد]

ياهلا ياهلا


خيال الصفرااء


سلمت ولاهنت

[محمد النخيش]

الله الله


حظر ابن رشيد وحظر الابداع معه

صح لسانك وفي انتظار الاصعر

وصح لسان الاصعر مقدما

[عبدالله الاصعر]

ياعاقل اهل رهاط في يدينك رباط=وتلّد عينك في طوال اليماني
الفارس اللي فالميادين مقلاط=يقلط على الميدان والعمر فاني

[محمد بن رشيد]

محمد النخيش


الابداع


حضوركــ ,, انت وشرواكــ

[محمد بن رشيد]

طيب طيب



اخذ الحذر ياحاطب الليل واحتاط = تراك منته واحد ٍ من خواني !
اصدوركم مليا اوسمة حرب وانواط !!! = لكن صارت ضيّقه ماتداني !

[عبدالله الاصعر]

ابن رشيد اثره لا هلحين ما حاط=غيبوبته ساعه وصحوه ثواني
انته من الراعه دخل قلبك قشاط=وانا قوي قلبي وثابت مكاني

[عبدالله الاصعر]

اشكر جميع من شرفنا بحضوره الكريم ودي احيي كلا باسمه المعذره على القصور

تحياتي وتقديري

[محمد بن رشيد]

الله الله



بيني وبينك ياولد سبعه اشواط = واللي عطاك من الذهب ماعطاني !
تبا الحقيقه مانبا بعض الاغلاط = مير ارجعوا مع السيل ياهل المحاني !

[عبدالله الاصعر]

انا غني ماني بمثل ابن شلحاط=والوقت طاع لهيبتي ماعصاني
على الخطاء وش علمكم صرتو نشاط=مابيننا فالدرب حد وعواني

[محمد بن رشيد]

الله الله



الله رمابك بين كانون وشباط = ماتعتق الا عقب شهر ارمضاني !!
كتبتها بنقاط مدري بلا انقاط = والله يعينك يالبعير العماني !!

[نوآف الغنامي]

بيني وبينك ياولد سبعه اشواط =واللي عطاك من الذهب ماعطاني






انا غني ماني بمثل ابن شلحاط =والوقت طاع لهيبتي ماعصاني


ههههه



واصلوا واصلوا


متاااابع :)

[عبدالله الاصعر]

يامحمد انت اللي مصفط بالاسفاط=وتقول فكوني ترى الموت جاني
قولي على فعلي ولاعندي هياط=اقول واحمى كلمتي من لساني

[محمد بن رشيد]

صح لساااانكــ


ياعبدالله


ولاهنت ,,, على تشريفكـ

[عبدالله الاصعر]

الله يعطيك العافيه يابومالك تشرف باللعب معك ياعلم تحياتي

[علي فلاح العضياني]

الله الله




طاروووق عال العال



تمنيت اني حاضر من البدايه



صح لسانك يا بو مالك


صح لسانك يالاصعر


تقبلوا فائق الشكر و الامتنان

[عبدالله الاصعر]

خيال الصفراء



علي فلاح




صحت ابدانكم



مروركم شرف



تحياتي

[ابو منير العتيبي]

الله الله


صح لسانك محمد رشيد و بيض الله وجهك


صح لسانك يالاصعر شاعر كبير



اخوك على منير العتيبي

[الجوراسي]

الله الله


صح لسانك محمد رشيد شاعر كبير


صح لسانك يالاصعر و بيض الله وجهك

[جليدان السبيعي]

بيض الله قلوبكم ووجيهكم شعار تنومسون اللابه اللي انتم منها