نادولي الشاعر/ علي العضياني تكفون

[عبدالرحمن العقيلي]

سلام يالابتن تفعل وتوفي العهود=من ديدل الاولين ونارهم تصطلي

تراء الوصيه امانه مثل باق العهود=وان كاتبغى وصاتي لاتوصي علي

[فايز بن سرحان الثبيتي]

عبدالرحمن العقيلي "



حياك الله ومرحبا ومسهلا بك "

صح لسانك على البدعه الكايفه"


وفي انتظار علي فلاح "

[عبدالله الاصعر]

صح لسانك وفي انتضار علي

[عبدالرحمن العقيلي]

الاستاذ الغالي/بن سرحان


الشاعر المبدع/عبدالله الاصعر



لاهنتو على المروري



تحياتي

[عبدالله العضياني]

صح لسانك وبإنتظار علي



تقبل مروري

[عزوز النفيعي]

صح لسانك


وبانتظار علي

[راشدالعضياني]

صح لسانك



ولسان ابوفلاح مقدم

[ولد عمهوج]

صح لسانك

ياهلا ويامرحبا ياعبدالرحمن

جاري الاتصال باعلي

[علي فلاح العضياني]

هلا وغلا

يالله حيه آسف على التأخير و استلم :


يا مرحبا بك على مركا و دله و عود=في منتدى ربعي اللي حظهم معتلي
لا تلحقون الملامه باذلين الجهود=موضوعك اليوم موضوع العتيبي علي

[ولد عمهوج]

ياسلام ياسلام ياسلام

عليك يابوفلاح رد وافي من رجالن وافي

واصلو واصلوا والصف صفك يابوفلاح ولاهان عبدالرحمن

[نايف المحينيش]

الله الله

العقيلي

حياك الله


لكن ياخوي حميا العضيان تجري في شراييني


في صف ابو فلاح من دون قصور فيك


:)

[عبدالله الاصعر]

صح لسانك يابو فلاح لك خالص التحيه

[ولد عمهوج]

علي فلاح**عبدالرحمن العقيلي

صحة الالسنه والقلووووووب

واصلوآ ونحن ماتبعين بشغف .,

[شاعر القلطه]

الصف صفك ياعلي ولاهان قبيلك

[علي فلاح العضياني]

الله الله


صحت أبدانكم جميعاً


الله يعطيكم العافيه




و نرحب بالشاعر الخلووق أبو مازن




لا هنتو

[عبدالرحمن العقيلي]

خطا فنى لاخفا الصفحه

[عبدالرحمن العقيلي]

لاوالله الا؟قصرت الطنب دون العمود=وضربت لي ديرتن من دون رفحا خلي
ماجيت هاك الديار الا عليها محدود=والا انا رجل عرف وعاليٍ منزلي

[ولد عمهوج]

ياسلام عليك ياعبدالرحمن

......صــح لسانك ياعبدالرحمن .......
........إزهلو الــصفــــوف .........

[ولد عمهوج]

صحت ألسنتكم شعار عمالقة

متاابع لكم

و الصفوف عندي انا و ذيب

[علي فلاح العضياني]

أهل الكرم , ضيفهم بالطيب قدره يزود=و انته ليا زرتنا قدرك قعود و طلي
يا زين صورتك ما بين الزهر و الورود=فالوادي اللي من الوديان ماله حلي !!!

[ولد عمهوج]

الله الله صح لسانك ياعلي

أهل الكرم , ضيفهم بالطيب قدره يزود
و انته ليا زرتنا قدرك قعـود و طلـي
يا زين صورتك ما بين الزهر و الورود
فالوادي اللي من الوديان ماله حلي !!!


فتل ونقض من الطرفين
جميل وممتع
متابع

[مرزوق الجعيد]

أهل الكرم , ضيفهم بالطيب قدره يزود=و انته ليا زرتنا قدرك قعود و طلي
يا زين صورتك ما بين الزهر و الورود=فالوادي اللي من الوديان ماله حلي !!!


الله الله يا مستشــــــــــــــــار

صح السااااااااااانك

وصح السااااااااااان قبيلك

متابع للابداع

[عبدالرحمن العقيلي]

كلن يعرف الكرم حتى عيال اليهود=وان ضاق فيك الفضاء للضيق مخرج ملي
والصورة اللي امامك لزلامي سعود=ابشرك ياطليق الوجه ماهيب لي

[ولد عمهوج]

الله الله الله الله الله الله
الله الله الله الله الله
الله الله الله الله
الله الله الله
الله الله
الله


صح لسااااااااااانك ,,


وفي انتضار ابو فلاح,,

[ولد عمهوج]

الله الله الله

محاورة قوية من بدايتها حتى الحين بين شاعرين كبيرين

واصلوووو يالمبدعين وحنا معكم متابعين

[علي فلاح العضياني]

يحقّ لك تفتخر بين العرب بالجدود=حنا عرب مسلمين و نهجنا حنبلي !!!
الوسم واضح و بيّن في رقبة القعود=هذي ما تمشي عليّه منك يا عبدلي !!!!

[ولد عمهوج]

الله الله

كفو كفو كفو

صح السااااااااااانك ياعلي عز الله ان ردك طيّب وجزل ولاهو غريب عليك

وانا في صفك ولايهون عبدالرحمن

[ابو فايح]

الله الله


صحت السنتكم


متابعين للاخر

[عبدالرحمن العقيلي]

لاباس ياشاعر العضيان صابك برود=والليل توه توارى ثلثه الاولى
حطيت قدمك وسدود وصار خلفك سدود=وامسيت وسط المحامه تقفي وتقبلي

[علي الثبيتي]

عبد الرحمن وعلي

صحت السنتكم

[فايز بن سرحان الثبيتي]

كلن يعرف الكـرم حتـى عيـال اليهـود
وان ضاق فيك الفضاء للضيق مخرج ملي


يحقّ لك تفتخر بين العـرب بالجـدود
حنا عرب مسلمين و نهجنا حنبلي !!!



ياسلام ياسلام تمريرات في الــ 18 "



صحت قلووووبكم والسنتكم "

[ولد عمهوج]

ياسلام ياسلام ياعبدالرحمن

قمه الابداع لشاعرينا الجميلين


تحياتي

[علي فلاح العضياني]

يا ليت يوجد من المطران ربعك شهود=يوم إنّي أقلقلك في وسط زيت القلي
ماني بلايمك يوم تجيب بعض الردود=إتمرّ في حالة إغماء جعلها تنجلي

[ولد عمهوج]

صح لسانك يابوفلاح

صحة الالسن والقلوب شعراااء من الوزن الثقيل.,.,.,واصلووووووووااااااا الابدااااع يا

مبدعين ..متااااااابع.,,,,.

في انتظار عبدالرحمن

[عبدالرحمن العقيلي]

لاوالله الا؟تبا الفكه من اسر القيود=تبغاني اقول لك حاجة ولاتزعلي
مايرتكي للفهود الا عيال الفهود=وخر عن الدرب صدر بالزعل ممتلي

[ولد عمهوج]

صح لسانك ياعبدالرحمن



متاااااااااااااااااااابع للنهاية

[علي فلاح العضياني]

عبدالرحمن العقيلي



صح لسانك



و بيض الله وجهك على إتاحة الفرصه في مجاراتك



و الله يحييك في منتداااك


و تقبل مني خالص الشكر و التقدير

[ولد عمهوج]

محاوره بقمة الروعه والجمال


علي فلاح العضياني

و

عبدالرحمن العقيلي


صحة الالسن والقلوب شعراااء

وشكرا

[عبدالرحمن العقيلي]

شكراااااااااااااااااا

لاخي الشاعر/علي العضياني

وبقية الاخوة المتابعين واتمنا الى جانب زميلي ابو فلاح ااننا قدمنا ولوشي بسيط

يرضي تطلعات المتابعين في هذا الصرح الاعلامي الكبير

و تقبلو فائق الاحتراااام والتقدير

اخوكم ومحبكم/عبدالرحمن العقيلي

[الــوآفــي]

مرحبا يا عبدالرحمن


هلابك في محلك

ابدعت ابدعت ابدعت


صح لسانك


ابو فلاااااح


لا جديد الابداع يجري معك على امل اللحاق بك


صح لساااااانك

[مرزوق حمدان العتيبي]

...
.

الاخ الغالي والشاعر العذب .. عبد الرحمن العقيلي المطيري
.. نحييك بأجمل الترحيب في محلك وبين اخوانكـــ\

..
ابدعتما في هذا المحراف المميز انت والشاعر الجميل ... ابو فلاح ...

[حاكم الغنامي]

الله الله


علي العضياني وعبدالرحمن العقيلي


صحت الالسن

ابدااااع

[عبدالرحمن العقيلي]

الجميع الله لايهينكم على

المتابعة والحظور اللي ينومس بيض الله وجيهكم

دمتم بخير

[عبدالمجيد العطاوي]

,,

بيّض الله وجيهكم محرااااف مامثله :)