اتعب على خوة هل المفهوم والعقل السليم .. الاصعر حياك الله !!

[علي الشهراني]

السلام عليكم جميعا




بسم الله ابدا و البدايه خير و المعنى يتيم=الله يعز الدين ويعز الملك و المملكه
اتعب على خوة هل المفهوم والعقل السليم= و الّا السلنتح مالهم عندي يكون المسلكه

[مرزوق حمدان العتيبي]

..
.


اتعب على خوة هل المفهوم والعقل السليم
و الّا السلنتح مالهم عندي يكون المسلكه


ياسلام ابداع ياشهراني....
وننتظر الشاعر الاخر..

وعساكم على القوه

[علي الشهراني]

و الله الحظ الطيب اللي جابك يا بو حمداان



مرحبا مليااااااااااااارات



و يكفيني مروووورك



صح بدنك و لا هنت

[عبدالله الاصعر]

اليا ذكرنا الله يخزى كل شيطان رجيم=لكن يالشهراني الشيطان ربي يهلكه
وانا ترى ماتعب لخوة راعي العقل السقيم=عتيبه الهيلا ترى درب الردى ماتسلكه

[مرزوق حمدان العتيبي]

..

.
وانا ترى ماتعب لخوة راعي العقل السقيم
عتيبه الهيلا ترى درب الردى ماتسلكه


وانا ترى ماتعب لخوة راعي العقل السقيم
عتيبه الهيلا ترى درب الردى ماتسلكه

الله الله اكبــــــــــــــــــــر ....
جزاله غير مستغربه ياعبدالله

[فهد الشيباني]

صحت الألسن ..

[عبدالله الاصعر]

مرزوق ابن حمدان



الابداع والشرف حضورك الله يعطيك العافيه


صح بدنك يالغالي



تقبل تحياتي

[عبدالله الاصعر]

شبل شيبان صح بدنك مرورك يشرف تحياتي

[علي الشهراني]

الشك زايل و العقل يا خوك للعاقل خصيم=لكن يا الاصعر بليس العود حذرا تشركه
عتيبه الهيلا لها ماضي و تاريخٍ قديم=يوم الجمل سمحان يرغي في مراغة مبركه

[علي الشهراني]

شبل شيبان


حياك الله و صح بدنك

[عبدالله الاصعر]

منه ماحولي شي ,,, كله معك في وسط البريم=فاتت عليك الاوله ,, واللي تبا ماتدركه
حنا ما نبغالك شهاده ,, ياذكي مدري غشيم=لاتبرك بحملك وترغي ماوصلت المعركه

[علي الشهراني]

وعدنا بعد العشاء ان شاء الله




اسبوع في حي الملز واسبوع في حي النظيم=و اسبوع في حي العريجا راس دقنك تفركه
الهندي اللي ما عرف من هرجي الّا سيم سيم=ليته يفتّش في رصاص الربع قبلٍ يفلكه

[عبدالله الاصعر]

انته يابن شهران ما غادرت من حي النسيم=ترص عمرك من كبر خوفك عجزت تحركه
يوم الرصاص اللي يثور ولا يموج عن الصميم=سقنا الجمل للحرب يوم(ن) الجمال امّبركه

[علي الشهراني]

ضيّعت راس المال ما بين المدينه و القصيم=ما تدري انّ الطايف احلى و السمك في مشبكه
خل المدايح للكريم ابن الكريم ابن الكريم=و احذر تغرك عالمٍ دايم تحب اللكلكه

[عبدالله الاصعر]

حنا سيعنا فالحرم مابين زمزم والحطيم=ولاّ الشبك مانلتفت يمه ولا يم سمكه
من يجهل اهل الطيب واهل الطايلات امه عقيم=ياللي فعولك كلّها مغير زير ودربكه

[علي الشهراني]

تقول كنّك حاملٍ من فكر عبّاس العديم=اللي عطاه الله شاصٍ كل يومٍ يشركه
ما تدري انّ البيت عوّد في جنوبك يا فهيم=اهل السبال الوافيه ما همها بو سكسكه

[عبدالله الاصعر]

راجع ياشهراني ,, ضميرك ثم تدري بالخصيم=اللي منه روس العرب تفكيرها ماتملكه
النصر سجلّه ثنين اهداف في باب الزعيم=مير الزعيم اكيد حضه زين ويفك اشركه

[علي الشهراني]

السوري يحاول له اكثر من سنه يبغى النديم=و الاردني عايش حياته كلبوها جمركه
اثنين ضد اثنين و النقطه عليها مستقيم=الزير زير الحرب ما هو مثل عود الشكشكه

[علي فلاح العضياني]

الله الله




صحت الالسن



طاروووق عال العال




متابع


الشهراني + الاصعر

[علي الشهراني]

حيااااااك الله ملايين يا بو فلاح



مشكووووووووور و ابيض وجه

[عز القاف]

يوم الجمل سمحان يرغي في مراغة مبركه




طيب طيب

صح لسانك

ولاهان قبيلك

[علي الشهراني]

عز القاااف حياك الله


و صح بدنك


و يعلم الله ان القلوووب نظاااااف


اشكرك على مرووووووورك

[علي الشهراني]

اخوي عبدالله صح لساانك


و اشكرك على تلبية الدعوه


الختام عندك


بيض الله وجهك و تصبح على خير

[عبدالله الاصعر]

وانت من اهل الخير