الخيانه

[عبدالله الشغيبي]

هاذي عوايـد كـل خايـن وغـدار=يومن مع هـذا ويومـن مـع ذااك
وانا اللي اهديتك من الهاجس اشعار=واهديت لك قلبـن يحبـك ويهـواك
يا خاينه كل المواثيـق وش صـار=من علمـك فـن الخيانـه وجـراك
من هو لعب لك لعبة القـط والفـار=حتى دنى راسك ودنسـك واغـواك
ياما على شانك تحديـت الاخطـار=وياماعلى شانك تخطيـت الاشـواك
وياما على حيـك تعنّيـت مشـوار=اشفق على شوفتك واسعـد بلامـاك
كانت دموعـك لا تباطيـت مـدرار=واقول يا دمع التماسيح مـا اقـواك
اثر الدموع مخفّيه خبـث واسـرار=تضحك على العاشق وتخفي نواياك
لا تعتذر ما اقبل خداعـك والاعـذار=ماهو كلام الناس بالعيـن شفنـاك
خلاص قلبي منـك عايـف وعـذار=بالحيل عفتك ما اتشـرف بشـرواك
ما عاد لك بالقلب طـاري وتذكـار=ينداس قلبي لويجي بيـوم طريـاك
العام حبك يحجب الشمـس بستـار=واليوم عن عيني تجلـت خطايـاك
اول ادب واليـوم مشيـك تبختـار=مغروره بحسنك وضعتـي بدنيـاك
يابنت عيب اللي تسوينـه وعـار=لا صنتي احبابك ولا شخص ربـاك
قلبك شقق للي يـدور لـه ايجـار=حسيبك الله خافـي النـار تصـلاك
ابقي على طبعك وذا الوقـت دوار=لابد ما تبكـي نـدم مـن سوايـاك
واللي حصل كبوة جـواد ٍ بمضمـار=لو صرت يا بحر الهوى من ضحاياك
ماني بندمان ٍ علـى بعـد الاشـرار=الله يعوضنـي ويـا سعـد فرقـاك
لان الخيانه طبـع فـي كـل غـدار=قلبه مـع هـذا وعينـه علـى ذاك


للشاعر / عبدالله الشغيبي الشهري





.