حفلة حلبان 1430 ( سوار الذهب وحبيب وحمدان العصيمي ) (تم التعديل )

[شمروخ ابن عايد]

السلام عليكم ورحمة الله وبركاته

تم التعديل من قبل الأداره


حمدان:

يا شاعر المطران ينقصك مشروع = حصلت لك فالبحر دره ثمينه
لا تحسبن الدر في يدك ممنوع = ترميه مابين العمق والمدينه

سوار الذهب:

لاتحسبن الموت في راس الأسبوع = دلك على الرجال هرجه وعينه
ليت الضما ياخذ ويعطي مع الجوع = علماً يقين ومصدره من جهينه

حمدان :

ماكل موضوعٍ يعوض بموضوع = والعمر مايمضي برفك وسكينه
فرق السلع معروف فالصنع والنوع = داحم خصومك بالجنوب المتينه

سوار الذهب:

الزحف وش ياخذ من الساق والكوع = ياجع جملك وقمت تكوي سنينه
ياواحدٍ حظك نقز نقز جربوع = في عبلةٍ تاخذ من أرض الدفينه

حمدان :

أخذت لك من صافي الجم قرطوع = والجم متغثرب قراحه وطينه
من لا سرق بيعيش والراس مرفوع = ليت المطيري ما يقصر يمينه

سوار الذهب:

سبحان من خلا معك عين وسموع = وأنته ثقيل الوزن واثقيل طينه
الناس كلاً له سجلات وطبوع = واللي يقول آه أح يعني غبـــينه

حمدان:

المرجله ما حازها طاير الشوع = ما لومهم لو حزنوا والدينه
تبا تخدع الناس مير أنت مخدوع = ودعايتك صارت سوات المكينه


سوار الذهب:

مدري علامك تبع منته بمتبوع = وأنته من الهـيلا حبوس الضعينه
























وغير حبيب بعد أن زعل بالذات من البيت الاخير لسوار الذهب لأن فيها تعريض بدعم حبيب المعنوي لعبدالعزيز العازمي , لذلك طلب حبيب سوار الذهب , وكانت ردود سوار الذهب بإن الدعم فقط لإفادة ابن العم مادياً وليس اقتناع بالشاعرية , هذا حسب مااتضح من اللعب في هذا الطاروق .



حبيب:


عبد الله بماقفي ما له علي أحتجاج = شكره على ماقفه ويعد لي حجته
إن كان صابه عمى ماعداه غير الدجاج = أمضيعن صيدته عصر في عجته

عبدالله:

الأكبر أيات ضلع الخال وألا سواج = صحيح ما يسلم الروقي بلا رجته
أنته مقدم مع أهل الشون وألآ خراج = وادجت اللي تعزوا فيك وآدجته

حبيب:

ياراع الضلعه اللي حول عدن هماج = إن كان قلبك يسج الهم من سجته
مادج من يعتزي فيه ولاني بداج = وأنته كما اللي تروح الناس عن صجته

عبدالله :

هذا تسمونه الميقاف وألا الحراج = والناس يقلون شق الصدر من فجته
أنته تحاول على المعراج والإنعراج = ما عرف وجه الخجول إلابعد خجته

حبيب:

تراي ما عاد لي فكثر علومك مزاج= والناس لن ذاقت الما مختلف بجته
اللي يجي فالحرج يصبر ليوم إنفراج = واللي ذلوله سبوق إليا شرد نجته

عبدالله:

اللي مكلف على ميراج طير وراج = والأحزمه لو ربطها مات ما نجته

[ابو فيصل الحربي]

شكرا على النقل الرائع


وصح السنت الشعار

تقبل مروري

[كحيلان الهيلا]

الله الله


صحت السنتهم



ولايمكن لحبيب........ان يفتوووها


شعار عمالقه جميعهم

[شمروخ ابن عايد]

تلومونا في سوار الذهب ياجماعة .







استخدام بديع كعادته وياكثر مايبدع في هذه الحركة ولو ملكت وقت لملأت لكم صفحات منها .



(( الأكبر أيات ضلع الخال وألا سواج ))


الخال جبل , وسواج جبل .




كلها معروفة .


يقصد بنفسه ( الخال ) ووجه استخدامها أن عبدالله خال حبيب حيث انه بناخي الموازين .

سواج ( عبدالعزيز العازمي ) وجه استخدمها من السجة أي النسيان , وفقد أو تضييع المعنى .











مثال من استخدام هذا الابداع :


جبال الأقصين وشعيب الموالين = يمطر عليها المطر من غير داعي


استخدام بديع لوصف ارض لبنان التي هي جبلية في معظمها , ووصف شعيب للموالين حيث الأرض الصحرواية ويقصد بها البطانة للمسؤول .



وينزل عليهم المطر من غير داعي .



الابداع في الوصف الدقيق لأرض الموصوفين .






وكثير غيرها .

[& محمد خالد القحطاني &]

صحت السنتهم جميع ولاهنت على النقل
واشوف عبدالله بارد في المحاورات هذي مهيب عادته

[ابو فايح]

ياراع الضلعه اللي حول عدن هماج = إن كان قلبك يسج الهم من سجته
مادج من يعتزي فيه ولاني بداج = وأنته كما اللي تروح الناس عن صجته


ههههههه لله درك يا أبو فيصل


صحن السنته الشعراء ولاهنت يا شمروخ

[منصورالزبيلي]

بارك الله بك , شكراً أخي الكريم

[شمروخ ابن عايد]

صحت السنتهم جميع ولاهنت على النقل
واشوف عبدالله بارد في المحاورات هذي مهيب عادته









كل ماجينا نصب الكحل مانلقى محاجر = والغشيم اليا لقى الصخرة على دربه غشمها


سوار الذهب جماهيره ليست جماهير صوت , أو حركان لفت انتباه وشوفوني , أو توضيح للعب كأنه يقولون أنا مدهر بالخصوم .


هذه حركات أنصاف الشعراء حتى لو كانت جماهيرهم مجنونه بهم .








لو فصلت لك الابداع في كل كلمة لأستغرق الكثير من الوقت , وهذا الفارق بين الشاعر العادي وبين الشاعر المبدع .

[النايف 1]

لاهنت ولا هانوا الشعراء

عبدالعزيز العازمي

تبا تخدع الناس مير أنت مخدوع = ودعايتك صارت سوات المكينه


حبيب العازمي

إن كان صابه عمى ماعداه غير الدجاج = أمضيعن صيدته من عصر في عجته

................................

تراي ما عاد لي فكثر علومك مزاج= والناس لن ذاقت الما مختلف بجته

[شمروخ ابن عايد]

يعني متهمني بالعنصرية يالعتبان , وانتم تقتبسون ردود شعراكم وبعضكم يضحك , مشرفين وغير مشرفين .


وتقولون ماحنا عنصريين .




ياحليلكم بس .

[النايف 1]

تلومونا في سوار الذهب ياجماعة .







استخدام بديع كعادته وياكثر مايبدع في هذه الحركة ولو ملكت وقت لملأت لكم صفحات منها .



(( الأكبر أيات ضلع الخال وألا سواج ))


الخال جبل , وسواج جبل .




كلها معروفة .


يقصد بنفسه ( الخال ) ووجه استخدامها أن عبدالله خال حبيب حيث انه بناخي الموازين .

سواج ( عبدالعزيز العازمي ) وجه استخدمها من السجة أي النسيان , وفقد أو تضييع المعنى .











مثال من استخدام هذا الابداع :


جبال الأقصين وشعيب الموالين = يمطر عليها المطر من غير داعي


استخدام بديع لوصف ارض لبنان التي هي جبلية في معظمها , ووصف شعيب للموالين حيث الأرض الصحرواية ويقصد بها البطانة للمسؤول .



وينزل عليهم المطر من غير داعي .



الابداع في الوصف الدقيق لأرض الموصوفين .






وكثير غيرها .


الموضوع بسيط يا طويل العمر

انت تكتب شي معجبك وتشوف انه شي رائع ;)

وحنا كذلك نذكر الابيات اللي اعجبتنا فقط لاغير :)

[شمروخ ابن عايد]

الموضوع بسيط يا طويل العمر

انت تكتب شي معجبك وتشوف انه شي رائع ;)

وحنا كذلك نذكر الابيات اللي اعجبتنا فقط لاغير :)



لكن أنا بينت أنا أين مكمن الروعة في ماأقتبسته من بيوت , بينما أنتم تقتبسون بدون أن تعطون فكرة عن ماذا أعجبكم بتفصيل دقيق .



وهذا الفارق الكبير أرجوا أن لايفوتكم .

[ابن صبحي الشاطري]

اخوي شمروخ مساك الله بالخير يعجبني اختيارك للمواضيع

اللتي تشد القاري

ولاكن ملاحضه بسيطه اللي لعب مع سوار الذهب ليس عبدالعزيز العازمي

بل حمدان العصيمي


ولاكن استنتجت من ردود الاخوان عدم متابعتهم

والمامهم لاكن يجب تعديل الخطا لحفظ الحقوق


تقبل مرور اخوك ابن صبحي

[النايف 1]

لكن أنا بينت أنا أين مكمن الروعة في ماأقتبسته من بيوت , بينما أنتم تقتبسون بدون أن تعطون فكرة عن ماذا أعجبكم بتفصيل دقيق .



وهذا الفارق الكبير أرجوا أن لايفوتكم .



لكل شخص وجهة نظر

غيرك يقول الحر تكفيه الاشاره

ولان الموضوع موضوع محاوره ومعنى ورمزيه وكل واحد ينقل البيت اللي فيها المعنى او توضيح المعنى

في الاخير لكل شخص قناعه وعنده اسبابه وما قل دل

[النايف 1]

اخوي شمروخ مساك الله بالخير يعجبني اختيارك للمواضيع

اللتي تشد القاري

ولاكن ملاحضه بسيطه اللي لعب مع سوار الذهب ليس عبدالعزيز العازمي

بل حمدان العصيمي


ولاكن استنتجت من ردود الاخوان عدم متابعتهم

والمامهم لاكن يجب تعديل الخطا لحفظ الحقوق


تقبل مرور اخوك ابن صبحي

نتكلم عن الابيات المطروحه بغض النظر عن الشعراء :)

[فارس القوم]

وين رايحين ياشباب

اللي مع عبدالله الميزاني حمدان العصيمي مهب عبدالعزيز
والحفل كان عند ابن فهيد في ثاني ايام عيد الفطر
وكان فيه كل من الشعراء

حبيب العازمي وحمدان العصيمي وعبدالله الميزاني وفلاح القرقاح



وشكرا

[شمروخ ابن عايد]

لكل شخص وجهة نظر

غيرك يقول الحر تكفيه الاشاره

ولان الموضوع موضوع محاوره ومعنى ورمزيه وكل واحد ينقل البيت اللي فيها المعنى او توضيح المعنى

في الاخير لكل شخص قناعه وعنده اسبابه وما قل دل



مشكلة ماقل ودل أنها أحياناً تجي من واحد مايعرف ألف باء من الشعر , ولذلك نريد نقاش لمعرفة مخزون ومعرفة كل عضو , ومافيها شئ ننشط عقولنا والا بلاش متابعة للشعراء , والاكتفاء بالصوت والطرب من اشباه الشعراء , وهذا هو الحاصل بالفعل من أغلبية متابعي شعر الرد .

[ابن صبحي الشاطري]

اخوي شمروخ بختصار شديد

لم ارى غيرك بدون اقصور فالباقين يستطيع فك رموز بيوت المحاوره وتوضيحها بأسلوب راقي



لك كل الشكر والامتنان

[& محمد خالد القحطاني &]

انت نظرك محدود وهو على عبدالله الميزاني وهذا دليل انك ماتعرف احد غيره

ياخوي هو شاعر مثله مثل غيره تراك طفشتنا بذا القسم عبدالله عبدالله

وتدافع عنه والله ان كنه نبي وانا ماقول فيه شي شاعر ومبدع وفيه شعار

افضل منه بكثير وفيه اقل منه لاكن لاتصنفه احسن واحد موجود على الساحة

لو انه كذا ماظلمه الاعلام وانا احلف بالله العظيم لو تنشد عنه تجد اكثر الناس

مايعرف من هو عبد الله الميزاني

[محمد الكرشمي]

شكرا على هذا النقل الاكثر من رائع كلهم مبدعين بمعنى الكلمه لاهنت

[رائد الكيرعاني القحطاني]

شكرا شمروخ


ويا ليت توضح ان المحاوره بين حمدان وسوار




وصراحه بدون مجامله محاورة اقل من عاديّه ولا فيها من ابداعات سوار الذّهب المعروفه بل ان حمدان كان متفوّق



والطاروق اللي مع حبيب اشوى




اشكرك

[مشاري الحبردي]

لاهنت ياشمروخ

[محمد ابن رووق]

شفت يا شمروخ انك تركب كلام من عندك دعم معنوي لعبدالعزيز وسوار ضغط عليه وطلع في الاخير

حمدان واذا احد رد عليك قلت انه متعنصر سبحان الله!

[الباااسل]

انت ياشمروخ قلت ان حبيب زعل من بيت الميزاني الاخير لانه يقصد ان حبيب داعم لعبدالعزيز وقلت لعب حبيب والميزاني وكان الميزاني يرمز لدعم حبيب لعبدالعزيز




لكن طلع اللي يلعب مع الميزاني جمدان



يعني انت طلعت فاهم كل السالفه غلط !!!! ولا وش رايك ؟

[عزوز النفيعي]

ههههههههههه

اللهم لا شماته


الله يهديك يا شمروخ تنسج قصه من خيالك وكذالك تحليل حتى ترغمنّا بان عبدالله لا يعلى عليه !!!


وحبيب زعل وفزع مع عبدالعزير وما ادري شنهو وسويت فلم من اخراج عقلك وفلاخير تطلع ...... ؟


بصراحه طحت من عيني ...


-----------------------------------


تراي ما عاد لي فكثر علومك مزاج= والناس لن ذاقت الما مختلف بجته


بيت خرج عن حدود المجامله وتحس طالع من القلب لله درك يا ابو فيصل


ابو فيصل قالها لعبدالله وانا اقولها لك يا شمروخ

[فارس هنا وهناك]

برفك وسكينه

متأكـد إنها رفك !!!!

[شمروخ ابن عايد]

حمدان أو عبدالعزيز كلهم من المقربين جداً لحبيب وهذا شئ معروف بالاضافة الى دعم حدث مؤخراً للجلاوي , رداً على من أثاروا هذه النقطة , ولاننسى قبل كل شئ أنهم من قبيلة واحدة ويسري عليهم نفس الحكم .


وهذا البيت الاخير لسوار الذهب ويغني عن كثير من الكلام لشرح معناه .

مدري علامك تبع منته بمتبوع = وأنته من الهـيلا حبوس الضعينه










وهذا البيت الأول لحبيب , بعد سماعه لبيت سوار الذهب ويغني عن كثير من الكلام معناه الذي يتحدث عن موقف وواجب دعم رفيق وأبن القبيلة , وأن هذا ليس حجة ضد حبيب بل موقف ملزم أن يدعم اي شاعر متميز من ربعه .


عبد الله بماقفي ما له علي أحتجاج = شكره على ماقفه ويعد لي حجته

[شمروخ ابن عايد]

برفك وسكينه

متأكـد إنها رفك !!!!






برفق وسكينة


والخطأ من المنقول منه .

[أحمد المويعزي]

مشكوووووووووور ياسالم رباح وعافاك الله

[الكاايد]

سوار الذهب

رائع بكل معنى الكلمه ويجبرك على الانصات


لاهنت ياشمروخ

[& محمد خالد القحطاني &]

يعني غصب الا غصب يصير هذا معنى عبدالله انت تحلل على كيفك

لو ان حمدان رد عليه فالبيت هذا صح ممكن توصل للمعنى لاكن جى

نهاية الطاروق ولافيه شي يثبت انه يقصد كذا

[الجوراسي]

حياك الله يا شمروخ

تاريخ الحفلة : عيد الفطر المبارك 1430

الشعار : حبيب و فلاح القرقاح وحمدان العصيمي وعبد الله الميزاني

صاحب الحفلة : الشيخ هذال بن فيحان الشيباني

كعادتة السنوية يجمع كبار الشعراء

بدات الحفلة بطاروق مميز بين حبيب وفلاح بدأ فيه حبيب:

هلا يامرحبا في حفل شيخ وفي ليال العيد^^^_________________________
لياعدوا صناديد الرجال وعدوا ابن فهيد ^^^ ترى هذال ابن فيحان الاول مايجي الثاني

فرد فلاح

يدوم الك البقا في حفل شغموم مداه بعيد^^^ لتقديره وقفت امثل اسمي واسم قحطاني


وقد لعبو موال رباعي بين حبيب ضد عبدالله وفلاح ضد حمدان

[محمد ابن رووق]

[quote=شمروخ ابن عايد;1002969]حمدان أو عبدالعزيز كلهم من المقربين جداً لحبيب وهذا شئ معروف بالاضافة الى دعم حدث مؤخراً للجلاوي , رداً على من أثاروا هذه النقطة , ولاننسى قبل كل شئ أنهم من قبيلة واحدة ويسري عليهم نفس الحكم .




يارجل ماتترقع تصريفتك اي دعم لأنهم من قبيله وحده وعبدالله هو اللي جاي ضيف عند هالقبيله!

من اللي أخذ دعم؟



ثاني شي عبدالله الميزاني خلال السنوات الاخيره يالله السلامه محاورته مع القرقاح اكبر دليل يأخذ المكرفون ويتكلم كلام ماله سنع


استغرب من يطبل لعبدالله الميزاني ! اللي يطبله أما مايفهم او انه عنيد

[شمروخ ابن عايد]

[quote=شمروخ ابن عايد;1002969]حمدان أو عبدالعزيز كلهم من المقربين جداً لحبيب وهذا شئ معروف بالاضافة الى دعم حدث مؤخراً للجلاوي , رداً على من أثاروا هذه النقطة , ولاننسى قبل كل شئ أنهم من قبيلة واحدة ويسري عليهم نفس الحكم .




يارجل ماتترقع تصريفتك اي دعم لأنهم من قبيله وحده وعبدالله هو اللي جاي ضيف عند هالقبيله!

من اللي أخذ دعم؟



ثاني شي عبدالله الميزاني خلال السنوات الاخيره يالله السلامه محاورته مع القرقاح اكبر دليل يأخذ المكرفون ويتكلم كلام ماله سنع


استغرب من يطبل لعبدالله الميزاني ! اللي يطبله أما مايفهم او انه عنيد




الدعم المعنوي من حبيب للشعراء الذين ذكرتهم مستمر يابن روق يعني مثل حركة تركي 2000 مع المورقي وفهد العازمي كلن يعاون الثاني ويسفط له .






وابو غازي شاعر من رموز شعر الرد لم يتغير شعره بل زاد قوة وروعة , وفارق بعيد جداً بينه وبين من ذكرت من الشعراء , وأبشرك أنه صحة بإالف خير بعد رحلة علاجية لمصر استمرت لمدة ستة أشهر .

[الثاقب]

انت ياشمروخ قلت ان حبيب زعل من بيت الميزاني الاخير لانه يقصد ان حبيب داعم لعبدالعزيز وقلت لعب حبيب والميزاني وكان الميزاني يرمز لدعم حبيب لعبدالعزيز




لكن طلع اللي يلعب مع الميزاني جمدان



يعني انت طلعت فاهم كل السالفه غلط !!!! ولا وش رايك ؟


الله يهدي اخونا شمروخ يطمر القشع واذا صارحته بالحقيقة زعل طوالي