جديد الشاعر : مشعل العطاوي .. ياغازي

[رايد الهديبي]

السلام عليكم ورحمة الله وبركاته


شيله غزليه للشاعر : مشعل العطاوي

وهي بعنوان .., ياغازي ..,

..

القصيده لقراءة

..



ياغازي الليل تسريبي هواجيسي=والعين عافت لذيذ النوم لاجاها
اسري ليا نامت عيون الهداريسي=وارودع الصوت واجلس واتحراها
الجادل اللي تمشط فالقرانيسي=لو ضاق وقتي عليه ماتناسها
ترمي سهوم على النيشان بالقيسي=وتصيب قلبي وقلبي يطلب رضاها
وتصلى بقلبي مثل صلي المحاميسي=وتصب من حبها وانا اتقهواها
ماتدري اني بعيدات مراميسي=لكن حب التحدي قد تولاها
وعقب التحدي عسا الله يلعن ابليسي=ابغى النهايه وقلبي يتبع خطاها
من يوم راحت وانا ليلي هواجيسي=والعين عافت لذيذ النوم لاجاها..



القصيده للاستماع


http://www.youtube.com/watch?v=_YL1x1ZctSY



مشاهده ممتعه

[ܓܨ عبدالله البرقاويܓܨ]

يعطيك العافيه قصيده رااائعه

[رايد الهديبي]

لاهنت علي المرور .. :)

[ولد منصور الابرق]

الله يارايد تسلم يمينك على التميز بــ النقل والإختيار

[حسن إبراهيم الدجيماء]

ترمـي سهـوم علـى النيشـان بالقيـسـي **وتصـيـب قلـبـي وقلـبـي يطـلـب رضـاهـا


وتصلى بقلبي مثـل صلـي المحاميسـي ** وتــصــب مــــن حـبـهــا وانــــا اتـقـهـواهــا


*************************************

لله درك ياشيخ ,,

اخوي رااايد ,, عودتنا على النقل الرااائع والطرح الهادف ,,

وها انت تجدد مسلسل الابدااع في الطرح والنقل ,,

سجلني أحد المتشوقين لما تطرح ,, فلاتحرمناااه ..!!!

الله لايحرمنااااكـ ,, مشكوووووور ..!!!