من يفيدني عن منطقة ركبه او حرة ركبه ؟؟

[شاكر العصيمي]

السلام عليكم ورحمة الله وبركاته

يااخوان من يقدر يفيدني عن منطقة ركـبه او حرة ركبه التي تقع في الطائف واكون له ممنون

من حيث المكان و القبائل اللتي تسكنها والمناطق التابعه لها او يدلني على موقع يفصل هذا الشي

ضروري جدا خدمه منكم يالهيلا تكفوووووون !!

ودمتم بوود ..

[علي الطريسي العصيمي]

على ماظن ان منطقه ركبة وسامودة اللتي تقع في الحجاز سكانها من ابناء قبيلة العصمه

[شاكر العصيمي]

بيض الله وجهك ياعلي الطريسي ولاهنت على المعلومه الجميله

بس لو في احد يوضح السالفه كامله ياليت والله ولاهنتو ياخوان !!

دمت بود ياعلي الطريسي ولاهنت على مرورك العطر ويسلم غاليك

اخوك

شاكر العصيمي

[علي الطريسي العصيمي]

الله يسلمك ولا شكر على واجب

[فهد العازمي العتيبي]

حرة ركبه تقع شرق شمال مدينة الطائف وهي شمال قرية العطيف ... واما سكانها فهم : الروقه ومنهم الذيبه والسمره والعوالي والعضيان وغيرهم ويسكنها القثمه والنفعه من برقا ...

[شاكر العصيمي]

السلام عليكم ورحمة الله وبركاته

الاخ العزيز / فهد الروقي

بيض الله وجهك على المعلومات القيمه ولاهنت عز الله ماقصرتووو يااخووان

دمتم بود

والسلام مسك الختام

اخوكم

شاكر محمد العصيمي

[ابوسعدالحليفي]

ركبه
صحراء يتصل بها جنوبا صحراء الشط حيث يتوسطه جبل الحلاه وتسمي سهل جلدان وحلاه جلدان احد ابناء ادم
وشمالا الشرقي جبل حضن ومن الغرب عشيره
ومن الشمال اطراف نجد
وهي للمتجه من الطائف للرياض يمينا تبداء تقريبا من
سوق عكاظ وشرقه الى العطيف
ومن الشرق من حضن الى عشريه تقريبا وبها ساموده بئر للعصمه والجرد صحراء ويغلب علي ركبه ان ارضها قاسيه شديه وغالبيه ساكنينها العصمه .

[شاكر العصيمي]

ابوسعد الحليفي

السلام عليكم ورحمة الله وبركاته

بيض الله وجهك ولاهانت يمناك على المعلومات والتفاصيل وعز الله وفيت يالغالي

ويسلم غاليك على المروور الطيب الجميل ولاعدمناك يابن عمي

تقبل خالص التحايا


اخوك شاكر العصيمي

[شاكر العصيمي]

العذر والسموحه شكلنا زودناها بالاسئله يابني عمي :o

لاكن عندي سؤال دايما يتردد في بالي اللي هوو ؟؟

العصمه لهم افخاذ كثيره تسكن حرة ركبه فهل يوجد احد يعرف يعرف

اسماء الهجر التي موجوده بركبه وهي لمن من العصمه

مثل ساموده =========>> لمن ؟؟

وغيرها =========>> لمن ؟

وغيرها =========>> لمن ؟

والعشم فيكم يابني عمي قلت مادامني ماعرف اسئلكم واكيد فيكم اهل الخبره والمعرفه

يدلنا اويعلمنا والله يجزاه الجنه على المعلومات المهمه

لكم مني احلى واصدق التحيه

اخوكم وابن عمكم

شاكر محمد العصيمي

[فهد العازمي العتيبي]

السلام عليكم ورحمة الله وبركاته

الاخ العزيز / فهد الروقي

بيض الله وجهك على المعلومات القيمه ولاهنت عز الله ماقصرتووو يااخووان

دمتم بود

والسلام مسك الختام

اخوكم

شاكر محمد العصيمي



ووجهك ابيض ياولد عاصم ،،،

[فهد العازمي العتيبي]

ركبه
صحراء يتصل بها جنوبا صحراء الشط حيث يتوسطه جبل الحلاه وتسمي سهل جلدان وحلاه جلدان احد ابناء ادم
وشمالا الشرقي جبل حضن ومن الغرب عشيره
ومن الشمال اطراف نجد
وهي للمتجه من الطائف للرياض يمينا تبداء تقريبا من
سوق عكاظ وشرقه الى العطيف
ومن الشرق من حضن الى عشريه تقريبا وبها ساموده بئر للعصمه والجرد صحراء ويغلب علي ركبه ان ارضها قاسيه شديه وغالبيه ساكنينها العصمه .


على مااعتقد

انه يسكنها قبائل من الروقه

والقثمه من برقا

[ولد المزاحمة]

للتنويه هي ليست حرة وانما هي ارض منبسطة ويكتر فيها اشجار الطلح وتمتد حتى نجد شمالا وحرة كشب من الشمال الغربي

[شوق الصعيبة]

اوافق علي العازمي و ولد المزاحمة


فمنطقة ركبة كما يقولون هي عالية نجد

والمنطقة الفاصلة بين نجد والحجاز



ولا اعلم تواجد لبرقا بها الا ان كانوا قثمة


واغلبها ـ إن لم يكن كلها ـ لـ الرووووقة وخااااصة السمررة

[عبد المحسن الحلحلي]

اوافق علي العازمي و ولد المزاحمة


فمنطقة ركبة كما يقولون هي عالية نجد

والمنطقة الفاصلة بين نجد والحجاز



ولا اعلم تواجد لبرقا بها الا ان كانوا قثمة


واغلبها ـ إن لم يكن كلها ـ لـ الرووووقة وخااااصة السمررة



الحقيقه ان اسم ركبه يطلق على الارض السهله المحصوره بين جبال حضن شرقا وجبل بس والحره شمال غربي وجبال الحويه جنوبا وجبال السراه جنوب الشرقي وتبقى
جهتها الشماليه الشرقيه ارض مفتوحه
اما في وقتنا الحاضر فقد انحصر اسم ركبه على ديار العصمه واصبح لا يعرف حدود ركبه الحقيقيه سوى القليل واغلبهم من من تجاوز الخمسين

وتعرف ركبه حاليا عند اغلب الناس بانها الارض الممتده من حضن شرقا الى طريق الرياض السريع غربا ومن ديار النفعه (السديره) جنوبا الى العطيف شمالا

وهي ديار العصمه ويسكنها الكثير من خوامس العصمه مثل
العمريه
الحمادات
النباعين
الشفعان
الحسانات
التهمان
ذووي غويلي
السحور
المسارحه
التهمان
البلاعسه
الوناسين
الركيبات
ويوجد في ركبه العديد من الابار القديمه للعصمه والبعض منها مندثر مثل

الجفر القديم
وفيه ست آبار ما زالت موجوده
الربعانيه للربعان
والكتيفيه للكتفان من العمريه (وهم شيوخ العمريه في الحجاز)
الغويليه لذوي غويلي
التهاميه للتهمان
البلاعسيه للبلاعسه
الحماديه للحمادات
هذا بالاضافه لعدد من الآبار المندثره والتي ما زال كبار السن يستطيعون تحديد مواقعها مثل الغزليه للغزول
وكذلك هناك سواميد وهي مجموعة آبار في اسفل وادي العصمه والموجود منها حاليا
الشويشه للشفعان
طنب داوي للعمريه
النويبيه لذووي غويلي
البراعصيه للنباعين
التهاميه للتهمان
الجعيدانيه للجعادين
وفي اسفل الوادي ايضا عدد من الابار المندثره مثل الرويسيه للروسان من الشفعان
وام الخشب للنباعين وبير بجوار جبل البرث للوبارى
وفيها بئر حمدان بن سفر المدهك والتي عليها وثائق قديمه وتسمى
جفر العود وهي ملك المداهكه من ذوي حمران من الحمارين من العصمه
وعليها عدة وثائق وحجج قديمه صادرة من الاشراف
هذا بالنسبه للابار القديمه التي يقدر عمر احدثها بمئتي سنه
اما الابار الحديثه فهي بالمئات وكلها تتميز بعذوبة مائها

وتمتاز ركبه بجودة مراعيها وسهولة ارضها وكما يقول الشياب ركبه نفيعه
فهي وحتى ان لم ترزق سوى بأمطار قليله يلاحظ الرعاه التحسن في حلالهم بسرعه
وكثيرا ما تناقل ابناء القبائل المجاوره مقولة ( اللي ما يبي الوخم ينزل ركبه )
كناية عن طيب مرعاها وكثرة منافعه للحلال


وركبة وسيعة جنوباً وشمالاً ولو أن أكثر اتساعها في الشمال الشرقي المفتوح


للمعلومية والفائدة


محبكم


عبدالمحسن الحلحلي

[ذيب السبايا]

ههههههههههههههه
ماقط سمعت ان في ركبة عصيمي واحد منين جو هالقبايل كلها

انت ممكن تقصد من فوق عشيرة وجهت الطايف

ممكن

[عبد المحسن الحلحلي]

ههههههههههههههه
ماقط سمعت ان في ركبة عصيمي واحد منين جو هالقبايل كلها

انت ممكن تقصد من فوق عشيرة وجهت الطايف

ممكن


ذيب السبايا

الله يهديك الحين ركبة كلها ما فيها عصيمي واحد

يا ابن عمي عدم العلم بالشئ لا يعني نفيه

انشد العارفين بالدير وأهلها وأنا ما جبت لك شي من الخيال هاذي ديارنا وهاذي خوامسنا



وإذا بغيت زود أنا في خدمتك يا ابن العم

احترامي

[الصاطي,,]

احب الضيف نقطه ,,




وادي العصمه المشهور اللي فيه( الجفر) و(ساموده) يقع في جنوب السهل المنبسط المسمى(ركبه)


وسكانه العصمه,, اما الجهه الشماليه الشرقيه,, من قريه العطيف شمالاً الى حرة كشب,, يسكنها


قبايل من الروقه,,, والحد الفاصل بين ديار برقا جنوبا والروقه شمالاً قرية ( العطيف)

[شاكر العصيمي]

بيض الله وجيهكم ولاخلا ولاعدم يابني عمي

[السويلم 2]

هي على العموم كما ذكرتوا وأتفقنا عليها هي كثيره المنافع للحلال وطيب المرعي بها ويتقاسمونها عتيبه جميعا .


وذكر بعض الأخوان عن الجرد وهي بلأساس لقبيله الفلته قديما وليس الأن.

ولهم وجاهتم ومكانتهم عند أشراف الحجاز .

والحمي لقبيله النفعه كان في تلك المنطقه ( الجرد ) في ركبه وأستمر أكثر من 60 عام ولا أحد ينكر هذا الشئ أبدا .

وكان بزعامه سعد الفليت وهذا الشئ معروف ومنه الأن قسمان وهما الحداريه (الحوار ) و الزعب من قبيله الفلته وهم أبناء عمومه من جد واحد مع أبناء عمومتهم الفلته من النفعه .

ومن بعده أصبح الحمي ل حسن الفليت مع جماعته وأبناء عمومته الفلته والنفعه معه.

ومعه حتي حدث الصدام مع قوات الحجاز من الأشراف والقبائل التي معه حتي رحلوا عن ديارهم ونزحوا صوب القنفذه والليث ومكه المكرمه ومنهم من نزح مع الوقت مع نزوح قبيله عتيبه ألي منطقه نجد وهو النزوح الأكبر لقبيله الفلته فهم الأكثر من قبائل النفعه في الحجاز من تركوه وأستوطنوا نجد.

[السويلم 2]

المنطقه يسكنها العديد من القبائل أيضا من بالحارث والبقوم وغيرهم

[فيصل المسند]

ركبه ومن يجهل ركبه وهي حدرة عتيبه الاوله من علاويه تحت بارق الزلامي اما منطقة ركبه بتحديد حسب عرفي وكلن وعرفه ! تبدا بتجاه حرة كشب بين جبال حضن شرقا وجبل بس والحره شمال غربي وجبال الحويه جنوبا وجبال السراه جنوب الشرقي وتبقى
جهتها الشماليه الشرقيه ارض مفتوحه


وهي تضم كل القبايل سواء الي ساكن والا الرحاله اهل الحلال اما بالنسبه للي ساكنين وله قرى ومعروفه وقديمه فهم عتابه روق برقا العصمه الهم والشيابين الهم والمقطه الهم والروقه كذالك العوالي الهم والعضياني الهم وغيرهم الكثير
اما بالنسبه لربعي العوالي وعتيبه كلهم ربعي فقراهم كتالي :

قرية العوالي التي استحدثها الشيخ / حجاب بن مسري الزلامي اطال الله في عمره
وقرية السرار
وقرية العدل
وقرية الفراع
وقرية بغيثا

هذه الي يحضرني الان وغيره الكثير


والختام عسى جبت الي يسدك ياعصيمي وامل ان وفقت فيما كتبت


تحيت اخوكم / فيصل بن مسند بن مسري الــــــــــــزلامــــــــــــي

[السويلم 2]

شكرا للأخ

فيصل