قصه وقصيدة البنت وحماتها .

[نواف العنزي]

السلام عليكم ورحمة الله و بركاته


قصة قديمه جرت على بنت من الباديه عندما جاء أخوها في نصف الليل قصده يسرق إبل زوج أخته وعندما قرب من منزلهم قلد صوت الذيب وقام يعوي , سمعته أخته لكن ما تقدر تطلع عليه خايفه منحماتها إخت زوجها فقالت هذه البيات




يا ذيب ياللي جر صوت عوى به* مدري طرب وإلا من الجوع يا ذيب

يا ذيب لا تقهـرك عنهـا المهابـه* يا مجفل الغزلان حنـا المعازيـب

البوش كلـه يـم خشـم اللهابـه* في فيضة السرداح والبل عوازيب





سمعتها حماتها فظنت أنها تناجي عشيقا لها وأنشدت الحماه…






يا بنت ليا الذيب ينهشك نابـه* يقذلك من بد البنات الرعابيب

تراك مثل اللي جلب له جلابه* لادارها السّوام يلقى عذاريب





فردت البنت بهذه القصيدة موضحة الأمر لحماتها ...




وحياة جلاب المطر من سحابـه* إني عذيّه ما دخل عرضي العيب

أنـا كمـا عـدٍ قليـل شرابـه* ما دوّجت عليه حرش العراقيـب

الذيب أخوي اللي يشيل الكسابـه* يوم ان نجوم الليل مثل المشاهيب

واللي ظلمني جعلها في شبابـه* وتحدّره من عاليـات المراقيـب



منقول

[مشاري الحبردي]

لاهنت يا نواف

[سيف الجعدة]

لاهنت على النقل الرائع والقصه الرائعه
تقبل مروري

[ع ا م]

يعطيك العافيه يالغالي لاكن القصه لم توردها بالشكل صحيح


ولاكن سوف وانا لا اعرفها كامله ولكن لعلي اوضح شي مهم منها


وهو انه حصل غزوا بين اهلها واهل زوجها واتسطاعوا اخذ ابل ابوها


واتفق اخوها معها علشان يرجع ابل ابوه قال ابي اعوي وعددها كذا


واذا عويت ابي اقرب من خيمتك وانتي ردي علي بابيات و وضحي فيها


مكان الابل وهل معها احد ومسلحين .. الخ وصار الي ذكرت


هذا الي اذكره منها