يا خيال لو تبغى عطيتك بنادول .. خيال الصفراء حياك ربي !!!

[علي الشهراني]

السلام عليكم


مساء الخير للجميع



سلامي سلام الطيب بالعرض و الطول=على اهل المواقف من قديم و جديدي
يا خيال لو تبغى عطيتك بنادول=يعالج صداع الراس و ام العبيدي

[ماجد العصيمي]

اشوفك صيدلي هالمره ههههههههههههههه




صح لسانك ولسان خيال

[علي الشهراني]

ارحب ارحب يا شيخ الصيادله كلهم



مشكوووووووووووووووووووووووور

[نوآف الغنامي]

وعليكم السلآم

:)



هلآ مرحبا ترحيب يبقى على طول = يزيد الرصيد ولآ ينقّص رصيدي !
علآجك معك مبغاه والوضع محلول = لعلك من علآجك تبا تستفيدي

[نوآف الغنامي]

صح بدنك يا شبل


ويا هلآ ومرحبا

[علي الشهراني]

على مكرة الايام محمول مكفول= وغيره يعاني بالزمان العنيدي
انا شفت لي صورة مقاتل و مقتول=نهار الضحيه عيد عن كل عيدي

[سعد حميد الثبيتي]

بيض الله وجهك ياصبي شهران وكثر الله امثالك هذا هو الشعر الحقيقي

وبيض الله وجه خيال الصفرا تقبلوا تحياتي وتقديري محبكم في الله سعد الثبيتي

[علي الشهراني]

الله يحييك يا بو حميد



و شهادتك فخر و نوماس



مشكووور و ابيض وجه

[نوآف الغنامي]

عسى منت من صكات الايام معلول = وعسى الدم يجري وسط حبل الوريدي
عسى اللي توفى في ضحى العيد مقبول = يا جعله يبن شهران يكتب شهيدي

[نوآف الغنامي]

وجهك ابيض يا سعد



واحبك الله



ولآ هنت على المرور العطر

[علي الشهراني]

صحيح النظر حسده من العور والحول=رساله عسى تاصلك عبر البريدي
ترا ذبْحته من شلة الثوم و الفول=مع السيّد الطربوش و اهل الثريدي

[ماجد العصيمي]

انتبه على نفسك انت وياه بكره مانحصلكم فالمنتدى كله هههههههههههههههههه

[علي الشهراني]

هههههههههه


انت في الجامعه و الا المباااحث


الله يستر منك يا شبل

[عز القاف]

الشهراني وخيال الصفراء


صحت السنكم


قاف مميز تشكرون عليه

[نوآف الغنامي]

يا راع الرساله وش بلآ الباب مقفول = علآمك تصكه يا ولد بالحديدي
لونه قعد يارعي القاف للحول = يضلّي هل الطربوش عنده عبيدي

[نوآف الغنامي]

عز القاف صح بدنك



ولآ هنــــــــت

[علي الشهراني]

عز القاف .. مشكووور و لا هنت على مرووورك



اخوي خيال صح لسااااانك و بيض الله وجهك


و تصبح على خير و الختام عندك




من اللي حصل لحّول لحّول لحّول=مع الانحباس يذوب كل الجليدي
عسى الله يخارجنا على طيّب القول=وتصبح و نصبح في صباحٍ سعيدي

[عطاوي]

الله يجهرك ياهالشهراني
ذكرني بعبدالله المسعودي الله يرحمه

وبيض الله وجهك وصح لسانك ياخيال الصفرا
على الفتل والنقض الرائع :بس الشهراني
خوفني لو يطلبني في طاروق طلعت ولا عاد رجعت
للمنتدى ههههههههههههه صح لسانك مليون ياشهراني
شاعر قضيه

[الكنق 2011]

صح السانك يابن شهران

ولاهنت ياخيال الصفراء

[سعود البرقاوي]

الله الله الله الله ماقصرتوا يامبدعين