سلام الله.. وماشاءالله ..على الشعار ..يا ستار !!! ,,

[الصميدع المقاطي]

سلام الله وماشاءلله عل الشعار يا ستار !=وكلن يبدع طروقه ومنطوقه يسريبه
تقدمنا تخاوينا تعاضدنا على الاخطار=وبعض الناس ما ينقاس ونحاسه يجينيبه

[فرهودي]

هلا يامرحبا بالي يحاول يلفت الانظار = وحنا خابرين الي يودي العلم ويجيبه
تحزم واحتزم مادام لك قدره على الشعار = ترا ماكل طير ٍ حام جرٌاحه مخاليبه

[الصميدع المقاطي]

يدوم الك البقا يالشاعر الي فالنقا ينسار=ترا ضيف الشرف معروف في حكمة معازيبه
حزامي ما يضامي وابشر ابشر بالسيوف ابتار=وعلى وقت الشدايد يا ولد ما خاب ظنيبه

[فرهودي]

عليك الله وامان الله مدامك ضيفنا والجار = انا مخطي على ضيفي ولو كثرت عذاريبه
رصيدك كم ماودي عليكم نرفع الاسعار = هذا سوق الغلا ماكل تاجر ممتلي جيبه

[فرهودي]

نعرف الاسعار = نرفع الاسعار

اتمنى من المشرفين تعديل الخطاء الاملائي

[الصميدع المقاطي]

ترا نور القمر ياصحابنا ما يطفي الانوار=وكل رجلن يسوي في حياته من تجاريبه
معي مخزن من الفضه معي صقرن ليا من طار=يبا يكسر جناح الطير ويضيع مضاريبه

[الكنق 2011]

صحت السنتكم ياعمالقه الشعار

[أبو مرحبا]

صح السانكم ياشعاااااااااااار

ولا هنتووووو

[نايف مستور الظويفري]

صح لسانكم ياشعرائنا العمالقه على المحاوره الجزله

[مشاري الحبردي]

صحت السنتكم

[فرهودي]

انا بقرا عليكم نشرة الارصاد والاخبار = وابيك تحلل الاخبار دام العلم تدريبه
اشوف الناس ضاقت من سبايب خلطت العطار = يخلط المسك والعنبر على آخر عمره وشيبه

[فرهودي]

الكنق

ابو مرحبا

الظويفري

الحبردي


صحت ابدانكم جميعاا والله لايهينكم

[الصميدع المقاطي]

تقدم وادحم الدعوه وخلك فارسن مغوار=وشين ماتبيعه يا صحيبي منت شاريبه
هذا علم الزمن لكن خله يحترق بوجار=وليت العلم يا ولد العرب تحمد عواقيبه

[الصميدع المقاطي]

الكنق

ابو مرحبا

الظويفري

الحبردي

صح ابدااانكم يا اصحابنا وحياكم الله والله لا يهينكم

[نمرً المقآطي ] ’]

ياستآر !! ، محاوره رآئعه ، صحت الألسنه والقلوب / ~



’ نمـر المقآطي .

[فرهودي]

على كثر النجوم الي تدور وتحتها الاقمار = يضيع الساري الي في ظلام الليل تسريبه
ابو لحيه في تال الوقت باع الدين بالدينار = زمانن يالمقاطي مانصدق في تعاجيبه

[فرهودي]

نمر المقاطي

هلا ومرحبااا

الرائع وجودك يالقرم

صح بدنك لاهنت ولاشنت

[الصميدع المقاطي]

على كثر الرجال الي على الشدات ما تحتار=يضيع الحق ضيعه ضنتي منته مهقويبه
وراع المنصب الي بايع لشعبه على الاسرار=يبيع الشعب ولا الشعب والله محد داريبه

[فرهودي]

يموت الذيب سرحان ويعيش الثعلب المكار = وابو وجهين بين الناس له سمعه وله هيبه
بعد ماعوٌدت ياصاحبي بين الحطب والنار = ابو زيد الهلالي بين تشريقه وتغريبه


تشرفت بمجراتك يابدر

وصح لسانك

والله لايهينك والمعذره على القصور

[الصميدع المقاطي]

الشرف لنا وناخوك


وصح بدنك وقلبك

ومن قال ما يهون .. ولاش قصور وانا اخوك


وصح لسانك على الطاروق