ياسعد العصيمي :طاروق صباحي

[عطاوي]

يامرحبا من شاعرن معروف من برقا وروق
برقا خــواله وابن روق ويعتــزي عـزواتـها

اليـــوم ياسعـد العصيمي والله انك ماتـذوق
عـد الروى عنــد الجماعه لين تذبح شاتها

[سـعـد الـعـصـيـمـي]

دام البقا وانا ماعرفك بس اظن انك صدوق
اقل شي تعرفك عجوزٍ حفظت وصاتها

عد الروى ينهاب مع لزم الحناجر والحلوق
لكن هالحين الفلل وزانها مصفاتها

[الكنق 2011]

ههههههه صبـآحـي صبـآحـي وش ورآنــآ



صـح آلـسنتكــم يـآطحـآطيح الرجــآل


مــتآبع ~

[عطاوي]

لن كان تبغى ياسعد تعرفني انظر فوق فوق
عـادة نظـرك القاصـره جـهلك مـن عــلاتها

اثرك تهاب ولا تجي وان جـيتنا عقـلك يتوق
وانا احسب انك من رجالن مارتخت هاماتها

[سـعـد الـعـصـيـمـي]

كانك تبا تقنعني انك في سما الله لك حقوق
اطلع على سطح القمر وادناة نجمة هاتها

بالله ياراعي سبق خلك على الطيَب سبوق
الناس ملت من كلام الصحف ودعاياتها

[سـعـد الـعـصـيـمـي]

صح بدنك ياكنق

ومتابعتك تهمنا صبح ولا ليل

[عطاوي]

الله رفــعني في منازل فـوق للعليا عشوق
وانته عــن العليا تعــود في هشيم احتاتها

الله يبارك في جهدك ان كان جيت النا لحوق
وتــحيا قلــوبن مـــيته لـــو طــولت بسباتها

[سـعـد الـعـصـيـمـي]

مداح نفسه مثل ماقال المثل قليل ذوق
واهل الفعول اخصامها مانقصت مداتها

حنا حسبنا قلبك ابيض واثر في قلبك حروق
تنسى دفى نارك ولاتنسى طعم لذعاتها

[سـعـد الـعـصـيـمـي]

هالحين نبا نصلي الفجر ونرقد ونكمل بكره ان الله اشاء

[عطاوي]

الفرق واضح يالعصيمي في الغروب من الشروق
والمــــد ح مــن قـــول وفعل مـنا دليــل اثبــاتهـا

جيتك على وضح النقا ماجيت ابا ادرقكم دروق
وانتـــه تجــرع سمها واصبــر على لــوعاتهـا

[سـعـد الـعـصـيـمـي]

ونعم والله يابني عمي ولا فيكم طقوق
قومً على العليا تعلت وركزت راياتها

لو كل مايلمع ذهب كان الذهب في كل سوق
لكن وش نقدر نسوي فالزيود وقاتها

[عطاوي]

صح لسانك ياسعد :تشرفنا
بمحاورتك :ولك مني اطيب
التحايا وإلى لقاء اخر ان شاء الله