تسجيل الدخول

مشاهدة النسخة كاملة : شاعر القلطة .. تراها من الشرك ..!!

حسن إبراهيم الدجيماء
26-Feb-2010, 07:26 PM
مساك الله بالخير ..


انا اضحك من فعول الرافضة واثر المصايب جات = على السنه من اللي غاويٍ دربه ومنهاجه

الا ياشاعر القلطه تدوّر فزعة الاموات = ترى الميّت عديم النفع مايملك ولاحاجه
فايز بن سرحان الثبيتي
26-Feb-2010, 07:29 PM
ترى الميت عديم النفع مايملك ولا حاجه



ياسلام ياسلام

صح فكرك يالدجيما وصح لسانك ولسان قبيلك "
حسن إبراهيم الدجيماء
26-Feb-2010, 07:31 PM
حياك الله يالدكتور ..

صح بدنك وقلبك ..

شاكر لك مرورك الرااائع والمميز ..

لاهنت ..!!
ربح السبيعي
26-Feb-2010, 07:43 PM
ياسلام ياسلام


على هالمبداء المتميز



صح لسانك يالدجيماء




ننتظر رد شاعر القلطه
حسن إبراهيم الدجيماء
26-Feb-2010, 07:44 PM
هلا وغلا يالذيب السبيعي ..

صح بدنك ..

التميز في مرورك ..

لاهنت ..!!
الكنق 2011
26-Feb-2010, 07:45 PM
صح السانك يالذيب

ولاهنت ياشاعر القلطه
حسن إبراهيم الدجيماء
26-Feb-2010, 07:46 PM
صح بدنك يالكنق ..

مشكور على المروور ..!!
ابن سجدي
26-Feb-2010, 07:58 PM
هلا هلا والله بخويي الدجيماء بدعه كاااااااااااااااايفه

روح تراني في صفك وازهل الصفوف من الدوادمي جاين مع الخط

هههههههههههههههههههههههههههههههههههههههههههههههه
حسن إبراهيم الدجيماء
26-Feb-2010, 08:07 PM
ههههه ...

صح بدنك ..

والمحاني يكفون ..

مشكوور على المرور الرائع ..

لاهنت ..!!
شاعر القلطه
26-Feb-2010, 08:16 PM
انا اردي في ضميرك علم خب العلم والاهات--انا شوفك على الموتر تدوس الرجل لاصاجه
ترى السرعه خطيره وانتبه لاتكثر السرعات---------تركد وانتبه ياكثر خلق الله وحجاجه
الكنق 2011
26-Feb-2010, 08:22 PM
صــح لسـآنك ياشـــآعر القلطه


وآنتبه يالدجيمـآآ وهد الـسرعه ~
مبارك مسفر الرقاص الحافي
26-Feb-2010, 08:29 PM
هلا وغلا يالذيب السبيعي ..

صح بدنك ..

التميز في مرورك ..

لاهنت ..!!
حسن إبراهيم الدجيماء
26-Feb-2010, 08:43 PM
اسف على التأخير .. انشغلت مع الكنق .. :



ماودي نكشف الموضوع والموضوع ذا بالذات = علشان العرب تسكت ويبقى الصك فأدراجه

تذكّر يمكن انك ناسيً شئٍ من اللي فات = ترا الدعوى مثل شمس الصبح بالحيل وهّاجه
الكنق 2011
26-Feb-2010, 08:45 PM
تــذكــر يآشـآعر القلطه يمكن آنك نـآســـي

والا آنك آتنآسى ههههههه


صحت آلسنتكم يآزحـول الرجـآل ~
سلطان الجـذع
26-Feb-2010, 09:12 PM
..


طيب طيب صحت ألسنتكم ...

متااااااااااااااابع ...
شاعر القلطه
26-Feb-2010, 09:12 PM
انا مدري علامك مار اظنك تاكل من قات--تخزن في هذاه الليل الين الصبح وفلاجه
تراني مانسيت الدرب وانا مالك الطرات--لكن احرص وكلن يالدجيما يعرف اجراجه
حسن إبراهيم الدجيماء
26-Feb-2010, 10:06 PM
انا طالب درر والماس لكن للأسف ماجات = على حسب الطلب والعيب من مصنعه وانتاجه

يراوغ مشرف المركز ولايحسب لهالجاهات = تكبّر لنّه الحينه شبع ماهو بمحتاجه
الكنق 2011
26-Feb-2010, 10:14 PM
,,


,

وصـــل المعنــى طـآل عمــرك هههههه ~


صـح لســـآنك أنت وشــآعر القلطـــه ...
شاعر القلطه
26-Feb-2010, 10:22 PM
انا فاهم وانادكتور وانا عابر القرات-------لكن المشكله فاللي مضيع فالخلا اسراجه


يقولون الدجيما في هذاك العصر والله مات -علاجه ضاع في هاك الزمن ماحصل علاجه
حسن إبراهيم الدجيماء
26-Feb-2010, 11:03 PM
يقولون ابن بطوطه تعب من كثرة اللفات = وانا اقول الله اعلم مانزل قاعٍ ولاداجه

زعيم القرن تُوِّج مار جاره طاح فالهويات = واظن ان الزعيم امن الشّفق بيلبسه تاجه

أخوي شاعر القلطة .. تشرفت بلعبي معك .. والختام عندك ..!!
قنوع النفس
27-Feb-2010, 09:10 AM
لاهنت يالدجيما والصف صفك وقبيلك يلحظ عليه الاخطاء الاملائية ودمتم
حسن إبراهيم الدجيماء
27-Feb-2010, 11:04 AM
الله لايهينك ياقنوع النفس ..

اهم شئ ان البيوت وصلت على المعنى ..

والاخطاء الاملائية ماتعيب الشاعر ..

مشكور على دقة االملاحظة ..!!
حاكم الغنامي
27-Feb-2010, 12:00 PM
الله الله


الدجيما / صح لسانـــكـ


مبدع

شاعر القلطه

مبدع وصح لسانكــــ


لاهنتو
حسن إبراهيم الدجيماء
27-Feb-2010, 12:17 PM
الدكتور حاااكم ..

صح بدنك .. والابدااع يكمن في حظورك ..!!!

لاهنت يالذيب ...!!