يوم ان كلّ ٍ مـن ذراعـه مكاسبـه انا ذراعي لاطْيـب الكسـب طايلـه

[الدهيبلي]

بسم الله الرحمن الرحيم
السلام عليكم ورحمة الله وبركاته
قصيده جزله اتمنا ان تنال اعجابكم... وياليت الي يعرف اسم الشاعر ان يكتبه.





قال الشمالـي مـن نـوادر مثايلـه قبل الـوداع وقبـل تقفـي رحايلـه
شيخة تمـام العـد مـا زاد كيلهـا ولا هيب تنقص وافيـات ٍ خصايلـه
شيخه ولا له شيخ يا كـود خاطـري بيدي وامشّط فـي خفوقـي جدايلـه
قلته وتوَّ الشمس ما بَعَـدْ غطرفـت وعْصَير يركي فوق صـدري ثقايلـه
وانـا علـى راس الطويلـه تعنّنـي وأخذت اجر الصوت وازعَجْ همايلـه
تسعين عبره في حشا الصدر تنكسـر بين الضلوع العـوج شبَّـت فتايلـه
زجّيتها لما غشـا الدمـع محزمـي ومعنقدات المـوق كـدَّت حصايلـه
وعقب ارتويت وطاب كيفي من البكا قمـت اتقنَّـد واتمـثَّـل جزايـلـه
ما رمت يابـا زيـد رمنـاه والبحـرلو هو بعيـد القـاع غصنـا بتايلـه
نجيب ما لا جبـت ولا جابـه الـذي قبلك وراع العـرف يفْـرَق هزايلـه
نجيب مـا لا عيـن شافـت ولا أذن سَمْعت ولا يخطر على قلـب سايلـه
نجيب وان جبنـا وسـاع ٍ بتوعنـايرمح بها الهاجوس وتْعَـنّ اصايلـه
يوم ان كلّ ٍ مـن ذراعـه مكاسبـه انا ذراعي لاطْيـب الكسـب طايلـه
اشبع ويشبـع بـه ذلولـي وناقتـي وغيري يباس وناحـلات ٍ حسايلـه
ويوم انّها بالرمـح ومهافـت القنـا ومعكرشات الروس تومي عصايلـه
طعن ٍ يفج الـزور ويفـزَّر العصـب عيَّال نغذى من علـى كـف عايلـه
ويوم انها نوماس بمـزارق اللحـى تكرم لحانا عـن خنـا كـل مايلـه
بالطيب وإلاّ الغصب يشنـا سبالنـا وِرثـهْ وكـلّ ٍ مـا تعقّـب سلايلـه
الذيب يـرَّث ذيـب مجنـاه والثَعَـل يبقـى ثَعَـل وموَّرثيـنـه ثعايـلـه
ما كلّ من يقنـص يعشّيـه مخلبـه حتّيش لـو تضحـي كبـار ٍ نثايلـه
وما كل من رام العلا / ياصل العـلا كم مـن غريـر وْلا وقنَّـه ظلايلـه
وانا زبون الطيـب وانشـد منادمـي ينبيـك عـن دِقّ العلـوم وجلايلـه
انشـد زبـون الكايـدة ذايـع النبـا ابـن مهنّـا كـان تبغـى دلايـلـه
شيخ ٍ خذى الشِيْخه وهو ما بعد فتـا ما حـب خشـم ولا تمسَّـح نفايلـه
وانشد طويل الباع الضـاري الزَحَـل نسـل القـروم اللـي تفنَّـد فعايلـه
عبدالله الوشمي وَلَـد مجلـي الكـدر يـا علّهـا بالخلـد تالـي نزايـلـه
امّـا اليـا عديـت ربعـي ولابتـي شمَّـر ويسطـم كـلّ قايـل وقايلـه
أهل الصحون اللي يعفَّر بـه الدسـم ومهيَّـلات ولا تنـقَّـص مكايـلـه
الضيف يحْشَم / حشمة الدَّم واللحـم والجار ما توطى اليا اقفـى حلايلـه
وقت اللقاء لا فرَّعت غضَّـت الصبـا ننـز مثـل اللـي تلنَّـه حبايـلـه
فرخ الحَرَار اللي ورى الغيـم ماكـره ما هو من اللي عششت في دحايلـه
شمَّر مقابيس الوغى سربـة الوغـى كم شيخ قـوم نقلَّطـه مـن غلايلـه
شمَّر هل الطـولات لا ثـوَّر الدَخَـنْ وصارت عجاج الموت كشح ٍ مخايله
شمَّر اليا نـادا المنـادي وصيحـواتلقح بنـات العيـر والعيـر حايلـه
تسمع صريـر اكوارهـا لا تداحمـت مثل المَحَال وقاعـة الدلـو شايلـه
سلام يـا عيـن الشقـاوي تلايمـي اليوم ابسـرج كـلّ خايـل وخايلـه
للشعر وقفه في عروقي مـن القِـدَمْ ماني سواة اللـي رهـاف ٍ فسايلـه
اليا بَدَع بيتيـن مـن حيـل قوَّتـه قام يتهـزَّع لا رِحَـم جـد ضايلـه
دنوّا لـي الديبـاج ومعتَّـق الحبـر وهيلوا عليّ الين اخضّـب خمايلـه
هيلـوا علـيّ ودثرونـي حثولـهـاوهاتوا لي اللي باقي ٍ مـن رسايلـه
هيلوا عليّ ولا تضيمـون خاطـري خلّوه يبـرد مـن حبيبـي غلايلـه
هيلوا عليّ يـا لعنبـوا حـيّ حيكـم يا ويـن ابلقـى بالعـذارى مثايلـه
هيلوا عليّ / المـوت مـرَّه وقاتلـي حتى بَعَد موتي طغـى فـي عمايلـه
عِمْلية ٍ فيها من الحور وان ضَـوَتْ يـا كـن قلبـي موقـدات ٍ شعايلـه
لامـن ذكـرت هروجهـا لا تغنَّجـت وانا علـى ذايـب نفسْهـا واحايلـه
عينه كما حـدّ املـح ٍ سلَّـه الـذي يبي مـع الهاقيـن يوفـي جمايلـه
لاهيب خمريّـه ولا البِيـض وقْمَهـا لاكنّه اصفـى مـن سلايـب نهايلـه
ل/ اوْمَى صليب الشوق في لب نحرهاما كنّـي إلاّ فـوق حامـي ملايلـه
قامت تخطَّفني وانـا اعيـذ شرَّهـاوادعي مـن الله واترجـى سهايلـه
ووايل حالي كانـه ابطـى صوابهـاوهـي تجلوحنـي وتنثـر رزايـلـه
مشوربـي شلْتـه وابلْحَقـه لحيتـي يحرم عليّ الشعـر واكبـر مثايلـه