تبون فله ولا لا ؟

[عبدالمجيد الشيباني]

السلام عليكم




كيف الحال ان شاء الله بخير




المهم




انا سجلت وفر فرت في المنتدى وكل شي تمام





بس جاء على بالي فكره




ليه متحطون قسم للفرفشه والتسليه




يعني مواضيع نكت مسابقات فله يعني




ويصير اسمه منتدى (الترفيه والتسليه )



هذا مجرد راي وانت يا ادارتنا لكم الاختيار سواء وافقتو ولا لا



تحياتي لكم

[النمر الروقي]

ما الومك على هالاقتراح مادام الامور الجاده ما احد معبرها .ولا على الاقل تلقى مناقشه او رد مقنع لا يكلف شيئا . الا ثواني من الوقت .

[ܓܨ عبدالله البرقاويܓܨ]

وعليكم السلام ورحمة الله وبركاته
بخير يامال الخيـــر
بالنسبه لموضوعك انا اقول هنا مجلس رجال وعلوم غانمه واخبار القبيله وغيرها من الاشياء المفيده
فمالها داعي تسليه وترفيه
ترانا شياب<يكبر نفسه هههههههه
هذا وجهة نظري والراي راجع لادارتنا
تقبل فايق احترامي

[عبدالله هادي ناشي الفليت.]

لا ماتصلح اقسام فرفشه ولا تسليه..



تحياتي..

[قنوع النفس]

والله اقتراح نسبي حلو لكن اغلب الاخوان لايؤيد

[1من العتبان]

يالشيباني ما أحد يسمعك علشان يرد عليك
ياما قبلك ناس إقترحوا إقتراحات بس الربع مشغولين

أنا أقترح أن هذا المنتدى يخصص للوفيات من عتيبه
وللتعزية فقط

لأني أول ما أدخل أحس بضيقة صدر , حتى المشاركات محد
يرد أنا مدري ليه مايسلمونه لناس يطورونه ويطلعونه من جو الحزن
أعوذ بالله من الحزن

[@ـايل]

هذا الاقتراح قد طُرح قبل هذه المره.. وأتى بالرفض لعدة اسباب ..

ولو بحثت في قسم الاقتراحات لوجدت اكثر من موضوع مشابه لهذا

شكرا لتعاونكم ونطمح بالمزيد من الاقتراحات التي تعم بالفائده على الجميع ..

..

[1من العتبان]

وعليكم السلام ورحمة الله وبركاته
بخير يامال الخيـــر
بالنسبه لموضوعك انا اقول هنا مجلس رجال وعلوم غانمه واخبار القبيله وغيرها من الاشياء المفيده
فمالها داعي تسليه وترفيه
ترانا شياب<يكبر نفسه هههههههه
هذا وجهة نظري والراي راجع لادارتنا
تقبل فايق احترامي

ياولد النير مع الإحترام والتقدير لك

تقول هنا مجلس رجال وعلوم غانمة (هذا منقول من ردك)

لكن بالله شيابنا ما يمزحون أو مايجيبون سوالف فيها طرافه وضحك

اللي يقرأ ردك وردود إخرى في هذا الموضوع لإشخاص آخرين

راح يقول العتبان ما يضحكون ولا يمزحون ولا عندهم إلا جد في جد

ترانا بشر مثل غيرنا وبعدين الرسول صلى الله عليه وسلم لايوجد

أحد في مستواه لا قبله ولا بعده كان يمازح أصحابة رضي الله عنهم