حنّا عتيبة.. وانشد الكل عنّا!

[ولد روق]

ياناس حنّا من ظنا نجد عتبان=يشهد لنا التاريخ لو قلت حنّا
حنّا الرعد حنّا زلازل وبركان = حنّا دمار الكون لو قيل عنّا
حنّا غديراً يعشقه كل ضميان = حنّا غراماً والعذارى هونّا
حنّا الكرم والطيب شايب وشبّان =حنّا عتيبة من لنا المجد غنّا
حنّا سلاطين الجزيرة إلى الأن! = ما همنا اللي بالنوايا أمتحنّا
حنّا سيوفاً هابنا كل خوان = حنّا السنين الماضية من بكنّا
حنّا هنا يعرف بنا كان ماكان =حنّا هنا وهناك كنّا وكنّا
حنّا قصيدة شامخة تحت عنوان: = حنّا عتيبة.. وانشد الكل عنّا!

قصيدة سمعتها وكانت رائعةوالحقيقة أني أجهل قائلها ، واعتقد ايضاً أنها أطول من هذا الحد ..

[الــوآفــي]

هذا ما لدي من القصيده واجهل قائلها واتمنى ان اعرف منهو صاحب هذه الباسقه :)


ياناس حّنا من ضنـا نجـد .. عتبـان
يشهد لنا التاريخ .. لـو قلـت حنّـا ؟؟
حنا فياض ٍ وأن قسى الوقت ضلعـان
حنّا البحر مدام .؟ هـالأرض منّـا ؟؟
حنّـا الرعـد حنّـا زلازل وبـركـان
حنّا دمـار الكـون لوقيـل ؟؟ عنّـا ؟
حنّا شعـاع الشمـس والليـل خسـران
حنّا الليالي لاأقبلـن مـا ..؟ وطنّـا ؟
حنّـا غديـر ٍ يعشقـه كـل ضميـان
حنّـا غـرام ٍ والـعـذارا هـونّـا ؟؟
حنّا الكـرم والطيـب شايـب وشبّـان
حنّا {{ عتيبه }} من لنا المجد .. غنّا ؟؟
حنّـا سلاطيـن الجزيـره إلــى الآن
ماهمنّـا اللـي بالنـوايـا أمتحـنّـا ؟؟
حنّـا سيـوفٍ هابنـا كـل خــوان
حنا السنين الماضيه ..؟ مـن بكنّـا ؟؟
حنّا السما لا صار بـالأرض نقصـان
بعـد الوّلـي هالكـون منّـا وألنـا ؟؟
حنّا هنـا . وأعـرف بلاكـان ماكـان
حنّـا هنـا وهنـاك كـنّـا وإنّــا ؟
حنّا وحنّـا .. لوبغـى القـول برهـان
لمجد .. والعّـزه . سـوى أكتبّنـا ؟؟
شاعر وجيت ..؟ من الفخر حيل طربان
دام الطـروق اللـي تغنّـا لحـنّـا ؟؟
حنّا قصيده .. شامخه تحـت عنـوان
حنّا {{ عتيبه }} وأنشد الكـل ..؟ عنّـا


وشكرا لك يا ولد روق

[بدر بن قرفان]

لاهنتوا يالربع وتسلمون على ذا القصيدة المسكتة
وقايل ذا القصيدة هو غازي بن عون ومتاكد مية بالمية

[((الدلبحي))]

تسلم
بيض الله وجهك يالغالي

تحياااااااااااتي

[وصل العطياني؟؟؟]

تسلم ويسلم ذوقك...

القصيدة أكثر من رائعة...

تحياااااااااتي

[ذيب الهتاتيش]

صح لسانك اخوي

غازي بن دخيل الله العتيبي كما نقل عن الراوي

[أبو فيصل]

تسلم يالذيب أنت وذوقك الحلو

ولاهنت يالغالي

[مخاوي القمراء]

صح لسانك ولا هنت ياولد روق ..

قصيدة رائعة .. وجزلة ....

[يوسف عبيد]

تسلم يا ولد روق وصح لسان غازي بن عون

[ولد روق]

شكراً لكم جميعاًً.....
والشكر موصول لـ ..منشد هذه القصيدة ...

تحياتي ..

[مروي العطاشا]

مشكور الله يعطيك العافية

[ابوسايف العتيبي]

صح لسان الشاعر
ولا عدمناك ياولد روق على هالنقل الأكثر من رائع
وتقبل تحياتي
ابو سايف

[سلطان الروقي]

تسلم ويسلم غاليك يابن عمي عزالله قصيده اكثر من رائعه ومشكووووووووووووووووووووور وماقصرت وصح لسان قايلها


اخوك ابن روق سلطان الروقي

[سلطان الروقي]

تسلم يابن عمي ولاهنت عزالله قصيده محكوره
وصح لسان قايلها وملقيها وكاتبها
اخوك ابن روق سلطان الروقي

[فتى العتبان]

سلام الله

ياعتابه.................................

القصيدة للشاعر المعرووووووف جابر هايف الغبيوى العتيبي

وليست لغازى ابن عون

فكل منهما تربطنى به علاقة

واخذوووووووووووووووووا العلم اللى يجمد على الشارب ياعتابه

[فيصل المسعودي]

ان كانت للغبيوي ولا لبن عون قصيده جزله وحلوه وجميله وصح لسان قايلها وناقلها لنا فالمنتدى وتحياتي لكم.
فيصل المسعودي

[الفراهيدي]

تسلم يمناك يالغالي

القصيدة أكثر من رائعة...