للاهميه ياشبااب عتيبه

[سطام بن فهيد]

السلام عليكم ورحمة الله وبركاته
ومسائكم الله بالخيرات


ممكن اسألكم سؤال صغير ومن غير زعل



ليش فتحتوا ذا المنتدى؟؟



علشان العنصريه الزايده!!!



او لناس مالهم صيت زمان اول يكتبون اي موضوع ويطلعله صيت!!!



او للمشاكل وجع الراس وتتفرقون مره ثانيه وكل واحد يتجهه لاي منتدى



ترا ياشباب يمدحون الجمعه والنخوه والفزعه مع بعض مو جالسين تتهاوشون على ختم اماره



ياخي روحوا يم منتديات مطير او مضايف شمر شوفوهم تعلموا منهم


ولد عمنا فاتح ذا المنتدى علشان يجمع عيال عمه ويصيرون يد وحده وانتم تجمعتم

وصرتوا تجيبون المشاكل ياخي استحوا على وجيهكم تراكم اكبر من الشيء ذا


ولا تحسبوني يوم قلت ذا الكلام عدو لكم لاوالله العظيم اني خاايف على سمعت عتيبه
لايجي واحد ويضحك عليكم وهاك الساعه مانيب ساكت واحط يديني على بعض واشوفه يتكلم ويسب



نصيحه لكم ياعيال العم اتركوا ذي العنصريه بعيده عن المنتدى وكل قبيله حقها من ارجالها وتاريخها



تدرون ان المنتدى فيه ثغرات مفتوحه يعني اتركوا العنصريه لايجيكم واحد ويدمر لكم المنتدى




اللهم اني بلغت اللهم فشهد

[سطام بن فهيد]

عتيبي مانيب عتيبي ذا شي يرجع لي بس يكفني ان جدي هذال اخو هملا وجدي ماجد اخو شرعا


انا مااتكلمت الا من شيء واقع اتكلم في موضوع الاماره



بس للكل ذي المعلوميه لكم كل واحد جيبه مليان والا فاضي هو امير على نفسه


بس انا مااكتبت ذا الموضوع الا علشان سمعت عتيبه اولاً


ثانياً اول مره اشوف افراد قبيله يتهاوشون زي افراد قبيلة عتيبه




فهمتي ياحرمه

[سطام بن فهيد]

ممكن تسوون له نقل في اي قسم انتم تبونه يامشرفين انا حااطه بالغلط

ولكم تحيااتي

[فياض]

السلام عليكم ورحمة الله وبركاته


كلامك عين العقل الله يهدي من فتح هذا الموضوع

الذي اثارالفتنه والبلبلة والكلام الي مال داعي

بين ابناء القبيله

الله يكثر من امثاللك

تقبل تحيات ابن عمك

فياض.

[سطام بن فهيد]

انا ماهوشتك

انا جالس افهمك الموضوع وانت جاايه زي البرق ماافهمتي انا وش اقول على طول رد حامي يافول حبه حبه توقعي وافهمي وش انا اقول وبعدين ردي هاك الساعه

بس ماحصل الا كل خير دقشه في الصدام مهيب مسويه شي بس مره ثانيه توقعي

[سطام بن فهيد]

والله ماهمني في الهكرز
بس اهم شي سمعت عتيبه قبل كل شي وترى لها هيبه في الخليج ومابي احد يهز لها طرف رقبتي دونها بس العنصريه وانا اخوتس مالها داعي في ذا الوقت
لو الله ما الف على قلوبنا وش تصورين حياتنا كيف تصير بس الحمدالله على ذا الحال يوم كل القبائل صارت يد وحده وجسد واحد ومانبي ذي العنصريه تغير سمعتنا عند احد او تغير هيبتنا عند البشريه نبيها من احسن لأحسن



بس اهدي ذا البيتين لكل جاهل لازال عايش في عصر الجاهليه


ذي البيتين من احدى قصايدي المشوره في المجلات وفي اكثر من منتدى

اهداء لكل جاهل

ليه فينا ينولد حب الخصام 0000وليه فينا حتى (0000) تنعمي


ليه حنا للجهل عشنا وسام0000وليه حنا بالجهل عشنا عمي




وانا اخوتس تراي عتيبي ومن قبيله ان جلست سلاطين وان قامت شياطين



من الاد مشيب


ولك تحياتي

[سطام بن فهيد]

غيرت لتس التوقيع علشان ماتغلطين مره ثاانيه هههههه:D :D :D

[سطام بن فهيد]

.

[لــيــل]

الاخ سطام بن فهيد....



"ياليت قومي يعلمون"


كلامك كلام الرجل العاقل المدرك للامور.......


ولكن اين العقول التي تعي؟

و كما تعلم كل من هب ودب يستطيع ان يضغط الكيبورد ويكتب "انا فلان بن فلان العتيبي"........

وتستطيع ان تعرفهم من خلال بث الفرقه من خلال بعض المواضيع التي للاسف ينزلق معهم الكثير من الشباب بحكم الدفاع عن القبيله. وهم لايعلمون انهم يسيئون لها .

وهذه هي مهمة المشرفين والواجب الرئيسي لهم.

اكرر يجب على المشرفين قرآة ملاحظة سطام بن فهيد واخذها بعين الاعتبار واتخاذ القرار المناسب مع من يتطاول على "الهيلا".

[سطام بن فهيد]

مشكور اخوي فياض والمعذره يوم نسيت ارد عليك




مشكور اخوي ليل ولك تحياتي

[عامر بن الطفيل]

أخوي /سطام بن فهيد ... نعم فيك وفي ألاد شيبان ,وانا بناخيهم

كل اللي قلتة أنا أقبلبة وبقوة ......... الرأي الذي طرحتة ..



أما العتيبية فخف عليها يخي والله ما تلقى مثل حمياها تقدح نار وياليت

عندي أخت مثلها


وعلى فكرة انا كتبت موضوع يشابة هذا الموضع القسم العام


بأمكانك رؤيتة

[عامر بن الطفيل]

(تعديل)


أخوي /سطام بن فهيد ... نعم فيك وفي ألاد شيبان ,وانا بناخيهم


كل اللي قلتة أنا أقبلبة وبقوة ......... الرأي الذي طرحتة ..



أما العتيبية فخف عليها يخي والله ما تلقى مثل حمياها تقدح نار وياليت

عندي أخت مثلها


وعلى فكرة انا كتبت موضوع يشابة هذا الموضوع في القسم العام


بأمكانك رؤيتة

[خازم]

الأخ/ سطام بن فهيد

حقيقة كلامك ((درر))
والأخوان/ليل وفياض وعامر بن الطفيل
كلامكم واقع وصحيح واؤيدكم على كل كلمة
والمسؤليه واقعة على مشريفينا الافاضل وخصوصا
على هذا القسم (ابو وعيل, شليويح العطاوي)
بالتحقق من :
التوقيع ان وجد
وبنوعيت المواضيع والردود من قبل الاعضاء

ويجب ان يبدئوا بالاخ: ابك المرشدي جا
للرد السقيم والتوقيع البايخ

وبالنيابة عن المنتدى(اذا سمح لي المشرفين طبعا لأنني اتعدى على صلاحياتي)
اعتذر لبنت العم العتيبية واقول لها مشكورة على تواصلك الدائم والمبدع
مع اخوانك الاعضاء الاعزاء

اشكر الاخ/
سطام بن فهيد
على حرصه على قبلتنا عتيبة
والاخوان المشاركين
اخيرا
اسمحوا الزلل لاتقولون جديد ويشكر ويعتذر ترى ازعل بسرعة:D :D

:cool: :cool: اخوكم المخلص لعتيبة: خازم :cool: :cool:

[سطام بن فهيد]

جواب سؤال اختي العتيبيه


الادمشيب===الشيابين من برقى



اشكر كل من رد على موضوعي الشكر الجزيل



بس سؤال يردد يالليل ماطولك ويقول وين المشرفين وين صاحب المنتدى

اذا انه ماايقدر يتفرع للمنتدى ليش فتح المنتدى


بس



تقربوا قريــــــــــــــــــــــــــــــــــــباً جــــــــــــــــــــداً

شــــــــــــــــــــــــبكة مجالــــــــــــس عتيبــــــــــــــــــــه


ولكم تحياتي واعتزازي

اخوكم
سطام بن سلطان بن فهيد

[سطام بن فهيد]

ونعم والله بحالتس



فاصل ونواصل

[ابن مشيب]

اخوي سطام بن فهيد اشكرك على هذا الموضوع الاكثر من رائع وكما قلت لايجب ان يكون المنتدى للهمز ولمز وكثر الكلام الي مالة داعي , يجب ان يكون الشخص الكاتب يدقق في كتابتة قبل ان يكتبها مهوب يضربها شامياتاً عاميات ويحسبنة كاتب كلام مهم , وعتيبة لها فعول وفرسان وعادات وتقاليد رفعت روسنا بين القبائل ويجب ان نقدر ذلك , وعلمو ان هناك غير عتبان يتصفحون المنتدى في كل دقيقة , واعلمو ايظن ان هناك اناس ضعاف نفوس وشخصية وسمعة يسمون انفسهم بإسما عتبان وهم لايسوون ماطى عجوز عتيبية ويكتبون كتابات مبطنة تنم عن خبث ومكر ونذاله يريدون الانقاص من هذا المنتدى ولن يستطيعو بإذن الواحد الاحد ثم بإبنا هذا المنتدى الغيارى ولكن اتمنى من المشرفين ومن الاعضاء عدم الرد على هؤلا ولكي لايعطو فرصة وشكراً لكم.

اخوكم ابن مشيب.

[سطام بن فهيد]

اشكرك على ردك الرائع بل القمه في الروعه
ولك جزيل شكري وامتناني وتقديري
اخوك
سطام بن سلطان بن فهيد

[خالد الهاراني]

* ابن مشيب ... عوداً حميداً ان شاء الله ... وللحق فقد افتقدناك ... لكن بشر عسى امورك " الاكاديمية " طيبة :) ...

* عامر بن الطفيل ... اتشرف ان اكون من متابعي كتاباتك ....

* سطام بن فهيد ... قد بلغت وجزاك الله خير .... وهل من الممكن أن تخبرني أكثر عن موقع مجالس عتيبة ... من القائمين عليه وما هي اهدافه ... بمعنى هل سيكون مكمل لهذا المنتدى ام له اهداف اخرى ؟؟؟


* وأخيراً.... عندما أتأمل في جل المشاركات أجدها سراب يحسبه الضمآن ماءً .... ورغم ذلك فما زال الأمل معقود على بعض الأقلام الرائعة المتواجدة في هذا المنتدى .... ولكم جميعاً دون استثناء تحياتي .

[سطام بن فهيد]

.

8------------------
اولا في بداية كلامي ماغلطت على احد انا حبيت اقول وجهة نظري وانتم بكيفكم
وحتى بأخر كلامي

اما انا مانيب مجبور على الرد عن كلامك يانايف المقاطي انك جلست تسب في الشيابين وتغلط
لو انت غلطت في شخصي احتمال ارد عليك او ماارد فأذا غلطت بالشيابين فهذا لايرضى عنه شيباني ولا عتيبي
.
.
اما قبيلة الشيابين فهم اخذين طيبهم من غيرك
فأذا تطرقنا الا ابن حميد فهو اميرك ونعم فيه
ومانقول في الحمده الا ونعم
ماهو خوف الا بس طيب الرجال للرجال

اما انت وانا اخوك اتمنى من الله انه ينعم عليك بالصحه والعافيه
فأذا فقدت الامل فيها ماعندي الا اقول
انا لله وانا اليه لراجعون
.
وفي الاخير اقول الحمد لله اللي انعمنا بنعمة الاسلام ووحد القبايل كلها بلا استثناء
ولكم تحياتي

[سطام بن فهيد]

اخوي عن سؤالك عن المنتدى شبكة منتديات مجالس عتيبه
الموقع قيد الانشاء وانا لحد الان متردد يانا ادخلته في النت
او لا
وانت تسأل عن اهدافه او القائمين عليه فهذا لم يفكر فيه لحد الان
وهو ليس بمكمل عن هذا المنتدى لانه مستقل عنه نهائيا

وانا لحد الان في التفكير لرفعه على الشبكه او لا



ولك تحياتي ومشكور على استفسارك النبيل اخوي

[ابن مشيب]

ياهلا والله يخوي خالد وما تفقد غالي وبشرك النتائج التي خرجت مبشرة.


ياخوي سطام بن فهيد مشكور على الرد المتزن واما الي يسمي نفسة نايف المقاطي لو لاحظت توقيعة تدري انة مايعرق في عتيبة كلها وقصدة شب الفتنة فقط ولكن مثل الاشكال هذي اخبر المراقبين عنهم ولاترد عليهم وينتهي الموضوع , ومرة اخرى اشكرك على ردك المتزن.

[سطام بن فهيد]

ذا نقص والنقص ماهمنا منه وانا عارف انه خاش لشب الفتنه















بس مشكور على ردك




















ولك تحياااتي


















اخوك










سطام بن سلطان بن فهيد

[العتيبي]

السلام عليكم ورحمة الله وبركاته


اخوي سطام بن فهيد
الف شكر على هذه المشاركة والتواجد الذي نفخر به

وانا جدا اسف على التأخر والاهتمام بالمنتدى
ولكن كما قلت انا مشغول جدا في فترة الاختبارات ولظروف خاصة
لي عن المنتدى الان اكثر من اسبوعين لانشغالي


وعودتي الليلة كانت فقط للنظر في المواضيع واحوال المنتدى


فوجدت هذا الموضوع الرائع والنقاش الساخن


وللاسف وجدت بعض المواضيع الذي يخجل الرجل من قراءتها من بعض ضعاف النفوس وكلنكم كفيتم ووفيتم بالرد عليهم فبض المواضيع وجدت انه قد تم حذفها والاخرى قمت بحذفها


ولكن بسبب انشغالي عينت على كل قسم مشرف والاقسام المهمة اثنين

وهم يقع على عاتقهم المتابعة والتنقيح


لان الجميع يعلم ان هذا منتدى من الممكن ان يشارك فيه الصاحي والمجنون
ولكن يجب تواجد من يمسك المجنون عنا في كل قسم

ومن لم يستطع التفرغ والاهتمام من المشرفين يعتذر ليتم تعيين غيره لا هذا شيء عادي ان يكون الشخص مشغول في هذه الدنيا


خلطناها عامي على فصيح .....اعذرونا

اما بالنسبة لشبكة مجالس عتيبة
فاذا اردت اي مساعدة فانا جاهز وهذا شرف لي

وايضا انا الان اعمل على مشروع اخر سوف يكون هذا المنتدى جزء منه وهو شبكة عتيبة www.otaibah.net]

واعذروني لاني سوف انقطع لمدة اسبوع اخر لانشغالي


ولكن لي عودة قوية لارضاء الجميع
وانا عارف اني رايح وتارك وراي من هم اكفأ مني في كل شيء

واعود واوجه كلامي للاخ سلطان بن فهيد


ارجو ان لا تترك هذا المنتدى الذي يجدك مكسب له ونت وكل الاعذاء الذين تهمهم مصلحة جمع عتيبة على الصواب



اخوكم العتيبي

[سطام بن فهيد]

حياك الله والله يوفقك ونشكرك على ها المنتدى العظيم


واشكرك على ردك وتواجدك معنا في ذا الموضوع له اثر والله يديمك للمنتدى
ولا يخلا منك

وعن طلبك ابشر بسعدك وانا اخوك



ولك تحياتي


اخوك

سطام بن سلطان بن فهيد

[سطام بن فهيد]

ههههههههههههههههههههههههههههههههههههههههههههه

ماقلت لك اني شيباني هههههههههههههههههههه


يا حليلتس

[سطام بن فهيد]

اخوي هو العتيبي وانا راد عليه

وانتي كيف تصيرين اخوي انتي اختي هههههههههههه

[شيبان]

السلام عليكم ورحمة الله وبركاته
اخوي سطام مشكور على هذا الموضوع اللي صدق كان لازم يتم مناقشته
في الحقيقه الاخوان كلهم كفوا ووفوا وانت وانا اخوك ما قصرت يعطيك العافيه
ومادام المنتدى فيه شرواكم ان شاء الله انه راح يكون من افضل المنتديات
واتمنى لكم التوفيق


اخوكم
شيبان

[بن حميد]

اعتقد اني ماراح اضيف شيء جديد الكلا م اللي تقولونه هو عين الصواب
واظن مافيه احد يشار ك في هالمنتدى يبي التخريب وانشاء الله تكون القلوب
صافيه........................ وسلامتكم.

[سطام بن فهيد]

اشكر كل من شيبان و ابن حميد على ردودهم الرائعه
ولهم احلى تحياتي وتقديري



اخوكم


سطام بن سلطان بن فهيد:)

[ولد مروح]

السلام عليكم

اقول المصيبه ان هذال جدك...اللي من ذولا يركد ويبن من كلامه واسلوبه ا نه رجال رزين يعرف الامور ولايطلع الكلمه الا موزونه ...ماهوب يبربر مايدري ويش يقول...

[سطام بن فهيد]

سبحان الله والحمدالله والله واكبر

[ولد مروح]

..

[ابو وعيل]

هام:


احذرك اخي ولد مروح احذرك من التهاون والسب والشتم في احد من افراد المنتدى.


لان هذا يدعيك الى خروجك من المنتدى ..

وقد خارقت في ذالك احد شرطي المنتدى:

4. عدم التلفظ على القبائل الاخرى بدون اي مبرر الا ما يرد في قصائد قيلت في معارك ومواقع معروفه ومن شعراء معروفين.

5. عدم التلفظ على اي عضو في هذا المنتدى لاننا نحو نجتمع هنا كأخوة من اجل هدف واحد وهو اظهار الصورة الحسنة لقبيلتنا عتيبة ( الهيلا).



اخي سطام بن فهيد اعجبني هدوءك واهنيك شخصي على هدؤك وردك المميز.
_
تقبلو مني خالص التحيه


ابو وعيل الرويس

[سطام بن فهيد]

اشكرك على ردك الرائع

والله لا يحرمنا منك


ومشكور على تواصلك

ولك تحياتي:)