مجموعة اعجبتني للشاعر اسوار الذهب

[شاعر وادي عبقر]

طالت الغربة ومشـواري طويـل
رحلةً تشكـى المراحـل للرحـال
لاعنا يعني عـن الراحـة بديـل
لو شكى حالي على شكواي حـال
وآه من همـاً بمـا يحـزن كفيـل
واستضاف البال شئ مـن الوبـال
هل خلاف الشمس في الرمضا مقيل
والمقيـل وكـل مافيـه الـظـلال
هل هي الحيله تخلـق المستحيـل
أم هي الحيله خـلاف المستحـال
مالظواهـر مالاشـارة مالـديـل
والاجابـة فهمهـا نـص السـوال
لهنا طمعـه علـى دمعـه تسيـل
دمعـةً سالـت وجفـت ماتسـال
وش بقي من عمر يالصبر الجميل
والفرج ماهو على وجهـك جمـال
ومن جلالك جل وجهـك ياجليـل
جل ذو الطول وجـل ذو الجـلال
انـفـراداً وانقـيـاداً لامـثـيـل
فـي صفاتـك يالعلـي المتـعـال
عنـك مايغنـي كثيـر ولاقلـيـل
وكل شئ يـزول وانتـه لاتـزال
اللهما لسـت مـن ذكـرك كليـل
في رجا الرحمه وتحقيـق الآمـال
ملـة ابينـا ابراهـيـم الخلـيـل
حنفـاء الديـن ضـداً للـضـلال
ولامـزاج الا مزاجـاً زنجبـيـل
ياعـروف الأمزجـة والاعتـدال
ولاجنـان الا جنانـاً مـن نخيـل
ياتـرى منهـا ننـال أو لانـنـال
ومن محيا العلـم للمؤمـن سبيـل
فالصحـارى فالبحـور وفالجبـال
حكمـةً توتـى ولايوتـى رذيـل
ربمـا الا بالـدعـاء والابتـهـال
موهبـة والاجتبـى فيهـا نزيـل
رفعةً ليست عن الديـن انفصـال

--------------------------------


حبيبي لاتخف وأنته حرس عرشك بحـر وجبـال
عبـارة واضحـه يعنـي مراسيـنـا ترسّيـنـا

حقيقي والحقيقـة لاعجـب مـا تستحـق إجـدال
وماضيـنـا وحاضـرنـا غنـانـا لا غوانيـنـا

ولازلنا على صـدر الزمـان (مسجليـن أبطـال)
نعـم .. وامجادنـا فجـرٍ تبسّـم معجـبٍ فينـا

علمت أن الخطر والخوف والإذهـال روس أقـذال
تصيح بصوت يا مجنوننـا مـا شفـت صاحينـا

وفاح من الخجل مسك الجمال اللي غدى برجـال
ومدّيـنـا يديـنـا للمـصـالـح واستبـديـنـا

تلال وجنةٍ خضراء وصحـراء خدهـا مـا سـال
علـى ذلـك بـروق أخيالنـا ترعـد صحارينـا

بمعنى عالم الأمـر أول الدنيـا علـى الإجمـال
أعادتنـا صـور تسجيـل ماتـدري متـى جينـا

نسخ بالصوت والصـورة حيـاة مقـدرّة وآجـال
وسرّيـة قـدر غيـبٍ بمـا يضمـر يفاجيـنـا

يسامحنـا قبـولٍ كـان يمنعنـا عـن الإقـبـال
يـدق نحورنـا وأبحورنـا رحمـة ْ مناشيـنـا

من اللي ما يصدق لو أقـول أن الحيـاة انضـال
مـن اللـي مايحـس بقولـةْ أن الحـي يحيينـا

حبيبـي لا تسميهـا سـراب ولا كثيـب إرْمـال
وأنا أفهم وانـت تفهـم ويـش تعنينـا معانينـا

لقيت أن الهوى صمت وصموت وغشمره وإبسال
يا هل ؟ يكتب لنـا حـرف أبجـدي والاّ يقرّينـا

مراكيب الهوى العذري على جمر الغضـا زرفـال
علـى مــر الـعـذاب أتجيبـنـا ولا توديـنـا

يصورها القدر رحلة ويعرضها المصيـر أحـلال
يؤهلنـا نشـوف هلالـنـا فعـيـون أهاليـنـا

روته المعركه قصّـه واجلّتـه السيـوف إنـزال
تبلّـغ سعينـا رفـض التلاعـب فـي مساعينـا

تجلّت حالة البرزخ كهولـه فـي جفـون أطفـال
تلاحقـنـا نـجـاةٍ كنّـهـا تبـغـى تناجيـنـا

وحجم أصغر حجم ذرّة ووزن أصغر وزن مثقـال
بعد قتـل الزمـان اللـي متـى شينـا يمشّينـا

هبط مضرب مثل واعطى الصعود لضرب الأستمثال
وصوت البحر يمدحنـا وصـوت الريـح يهجينـا

زئير القسورة لـو سبّـح الليـل البهيـم أدغـال
شفـق شمـس الغـروب إفراقنـا ولا تلاقيـنـا

حبيبي ماعليش أهوى التّعمق قبـل أطـق الجـال
على مركـب غـرامٍ مـن سمانـا زار أراضينـ
------------------------------------------------

--------------------------------------------------------------------------------




واصرم قلبي صرم عشب المقيضه
مع شوبة الكنة وحـام الطواليـع
انزاح مرباعه وشمسـه رميضـه
وغار السموم ارثاع عج المخاويع
من عقب ماضلت فياضه رويضه
ماعاد تشبع به فـروخ الجرابيـع
على الذي يهتاضني واستهيضـه
هايم غـرام مولعـاً فيـه توليـع
ماانساه لو انسى صلاة الفريضـه
وأنا الذي ماأسمع بحبه ولا أطيـع
خده سنا برقاً زما فـي وميضـه
برقاً تلالا في السحـاب المهانيـع
نواً علـى سيلـه يعلـم نفيضـه
يشيل طول مساند الحـزم ويفيـع
وياعود ريحاناً غصونه غضيضه
تلاعبه فـوق السواقـي ذعاذيـع
لاهف حشا ماله وصوفاً بغيضـه
أشتاق له شوق العـذار المفاريـع
وأن كان مالي فالبخوت الحضيضه
ماظنتي عقب المفـارق مراجيـع
لو من فقد خـلاً وفـا يستعيضـه
ماسال دمع امن العيون المواليـع
واهنيكم يااهل القلوب الفضيضـه
ياللي تردون السوالـف مصاليـع
ماتعرفـون المبهمـة والنقيضـه
ولا اسقتكم الفرقا المراره قراطيع
ماصابكم حر المفارق مضيضـه
وأنا على جمرة مفـارق وتوديـع
غار الجروح النازفه والنجيضـه
اجاذب الونات بالصـدر ماأذيـع
اخاف من سود القلوب المريضـه
كبار الدفوف مولدين المضاريـع
أجبر عزاي بدمع عيني وافيضـه
واواسي الخاطر بذكرى وتشفيـع
ذكر رجاي اللي عروضه عريضه
قـدام لايقبـس فتيـل المقاميـع
وراسي رفيع ولارضيت اتخفيضه
لـو الليالـي مايجنـي مطاويـع
وياوقت سافر بالحمول البهيضـه
لاتذنب النفـس البريـه بلاطيـع
ذنبك على النفس البريه غميضـه
مافيـك لا سـرا ولابـك منافيـع
مالك على مشهاة الأنفس رفيضـه
لاتوقظ الفتنـة بطـق الأصابيـع
خل الهوى يسمع لركبه نضيضـه
ياخذ على رمل الصحاري مراميع

------------------------------------


سلام الله سلام مايحـول مـن سمـاه نجـوم
رفيـع مستـواه وهيبتـه مـن دون واجبهـا
يشرفني وانا فـي واجبـه ومسانـده ملـزوم
لـزوم واجبـه والواجبـه مانـي مجنبـهـا
سلام ماتضيقبـه الصـدور ولاش فيـه ثلـوم
تلبله العقـول اللـي علـى الملـه يخاطبهـا
هبوبه عامره بالـورد والريحـان واليشمـوم
ونوره كوكب ذري غطـا الصمـان واطربهـا
علي روس الشيوخ مجيرة الخايف حجا المظيوم
صناديـد الرجـال وفعلهـا يثبـت مناصبهـا
حمول الخيل فرسان الملاقا مشبعيـن الحـوم
مرويـن الرهـاف اللـي مذهبـة مقاضبهـا
منزحة العدا عوق الخصيم وسيفهـم ملحـوم
تعـي بنصرهـا لـو كـان طايفـة تحاربهـا
ليا ثار العسام وجاء بريـد المـوت فالحلقـوم
عوايدهم يعزلـون الجماجـم عـن مناكبهـا
علي محوالهم مثلالصواعق في نحـور القـوم
وتكسـر بـارق القومـان وتشتـت شعايبهـا
وسادوا في الجزيرة قبل حكم الشايب المرحـوم
ويرعون الخطر والخوف في نجـد ومضاربهـا
بهم حم الذرى ترعى نبات الـوادي الماسـوم
علي مشهاتهـا شـرق الديـر والا مغاربهـا
ولايخطم عليهـا لان تاخـذ قيسهـا المعلـوم
علي مشهات خطرهـا ونبـت ارض يناسبهـا
تحت سيف الدويش اكبر زعيم القايد الزيـزوم
يقطع روس افاعي نجـد ويخفـس عقاربهـا
يجر البارق اللي ما حظـاه الا قـوي عـزوم
عبر شبه الجزيـرة والعـراق افنـا مصايبهـا
وسادة هيبة الدوشان مافالعلـم حـب خشـوم
كواكب مستقلـه فـي سماهـا مـن يواكبهـا
الا يانجد من ماضيك في صحراك نقش رسـوم
ابـا اقبـل رسـوم فيـك تجذبنـي مجاذبهـا
واعيشك يازمان العام ذكرى في زمان اليـوم
ابذكر مفخرة ماضيك واحضنها واعيـش ابهـا
ابسري تحت شعت نورها ليل الدجى المعتـوم
تنور لي طريقي فـي مسـاري واستـدل بهـا
وتعـرف يمـه البحـر يالسـاري المنـجـوم
وتنزل بالغروب اللـي تناضـح مـع جوانبهـا
وتبرى عينك الرمدى ويبرى قلبـك المسقـوم
وترفـى الرجـل وتـدراي عليهـا ماتنشبهـا
تميز فالامور ان كان في بالك وهـم وهمـوم
ترى ضيم اللحـى واذلالهـا دقمـة شواربهـا
ركـون امجادنـا ماتندثـر وكتابنـا مفهـوم
على طول الزمـان وشمسنـا محـد يغيبهـا
ظهر فالعلـم فراعـه وفزاعـه ونفـذ كمـوم
فزوع ماعرفنـا وش ظرفهـا مـن تعصبهـا
تزاحم بالمحـازم والليالـي جوهـا مزحـزم
ليالينـا حمـول جمالهـا تكسـر غواربـهـا
والاياليتها تصحى وتكشـف سرهـا المكتـوم
وتصمـت مـا تعاتبنـا وحـنـا مانعاتبـهـا
وياخذ غاية الحق النصيف السايـل المحـروم
زمن لايعرف المـره علـي الفاقـه يجربهـا
تحت كبد السماء برق ورعد في مدلهم غيـوم
تمـر الديـره المضمـاه ماهلـت سحايبـهـا
هذا علم وخبر والسر سلكه فالخفـى مبـروم
تعبـره الثقـاه وتعـبـر الغـبـه مراكبـهـا
بعد ماجابنا صوت المنادي في رحـب واسلـوم
سلـوم الرجـال معروفـه مذاهبنـا مذاهبهـا
كلام الشاعر اللي بالفصاحه والحكـم ملهـوم
بحر غالي درر وامواج تغـرق مـن يميلبهـا
وانا مثل البشر مااعلم غيوب ولا اخلق المعدوم
لكـن عقـول خلـق الله تميزهـا مواهبـهـا
----------------------------------------