يالدجيمــــــــاء

[عبدالمجيد الثعلي]

ياسلام الله سلام ٍيحكمّه عقل وبصيرة=عقب ردّ أغلى تحيّة يرّتّد بها أغلى تحيّة
بيننا فالأصل قرب ,ومعرفةّ رفقة, وجيرة=ولازهمتّك يالدجيماء غير أبا أوصيك بوصيّـة

[متعب المقاطي العتيبي]

ياسلام الله سلام ٍيحكمّه عقل وبصيرة=عقب ردّ أغلى تحيّة يرّتّد بها أغلى تحيّة
بيننا فالأصل قرب ,ومعرفةّ رفقة, وجيرة=ولازهمتّك يالدجيماء غير أبا أوصيك بوصيّـة



واصل واصل

صح لسانك


وصح لسان الدجيماء مقدماً

[عبدالمجيد الثعلي]

نداوي


صح بدنك


شرفتنا بحضورك

[قنوع النفس]

لاهنت يابن ثعلي ونحتري قبيلك

[حسن إبراهيم الدجيماء]

اسف والله ساع دخلت الحين .. :


مرحبا ترحيبةٍ عن كل الاوجيه السفيرة = مرحبا في مرحبا في صبح ولا في عشية

بيننا عيشٍ وملح وصيتنا في كل ديرة = لاتوصيني وهات العلم قدام البرية

[حسن إبراهيم الدجيماء]

واصل واصل

صح لسانك


وصح لسان الدجيماء مقدماً

صح بدنك .. ويستاهل عبدالمجيد ..!!!

لاهنت يابن ثعلي ونحتري قبيلك

حياك الله ياقنوع النفس ..!!!

[شاعر القلطه]

صح لسانك يابن ثعلي

[الكنق 2011]

صح السنتكم والصف صفك الدجيماء

ولاهنت ياعبد المجيد

[قنوع النفس]

الكنق مساءك عسل ياعسل مبطين عنك لك وحشة فالضماير لاهنتم يالشعار

[عبدالمجيد الثعلي]

البعير إحفظ شدادّه , و , الشداد إحفظ بعيرّه=والله إنّه يحفظ ويرعى عمر راع الرعيّة
أنت فأول دربك اللي فـ,آخره ,لفه خطيره=طيع شوري لو سمحت وخفف السرعة شويّة

[عبدالمجيد الثعلي]

حياك ياقنوع النفس


ويشرفنا حضور يليق بحضورك

[عبدالمجيد الثعلي]

شاعر القلطة


صح بدنك

وشرفنا مرورك

[عبدالمجيد الثعلي]

الكنق 2011

صح بدنك

وحتى إن كنت في صف الدجيماء فأنا أعتبرك كأنك في صفي

[حسن إبراهيم الدجيماء]

عبدالمجيد .. لاتلعب لين تشوفني متواجد .. حتى تكون مباشره واطيب .. لاهنت يالذيب .. :


حافظه ((فنجال ابن مشيب)) ولاوقف مسيره = لين ياخذ نخبة النخبة غصب ماهي هديه

سقت فالسيل الصغير اللي ملفاته كثيرة = كيف ماتبغاني اسري للرياض من الحوية

[عبدالمجيد الثعلي]

الله لايهينك يالدجيماء وأبشر طال عمرك وطلبات سعادتك أوامر


السعد مقفي بشيره , و, الخطر مقبل نذيره=لايزل بّك القدّم فوق الثرى , والشمس حيّه
المسلسل فـ آخره تنهيه حلقتّة الأخيرّة=وصاحب الفكرّة غبّي ! لو تطلع الفكرة غبيّـة

[حسن إبراهيم الدجيماء]

لاتهقوا ياالسنافي في لياليك العسيرة = العسل طعمه حلو والا المرارة سم حيه

الغشيم اللي ابتكرها والذكي اللي خشيره = يربح الارباح وارباح الدعاه الاجنبية

[عبدالمجيد الثعلي]

الرفيق اللي تجمل رفقتّه ما أرضى بغيره=مار (معروف الهويّه) ,غير (مجهول الهويّـه)
الهوى لاهبّ يومي بالغصّن ويطير طيرّه=(عدّت ياعيد رمضان وعدّت ياعيد الضحيّـه)

[عقاب العنزي]

صحةالالسن والقلوب


مبدعين

[حسن إبراهيم الدجيماء]

اسف كنت اتغدا .. الليل الليل :


والرفيق اللي يبيّن فالمواقيف الكبيره = هو رفيق الدرب درع الجنب واليا جات هيه

انشد اهل المعرفة عن حارثة وابن المغيره = لاتسرّع في الحكم وتبور في حكم القضية

[عبدالمجيد الثعلي]

عقاب العنزي


صح بدنك

وشرفتنا بحضورك

[حسن إبراهيم الدجيماء]

صحةالالسن والقلوب


مبدعين

صح بدنك ياعقاب ..

والابداع يكمن في حضوركـ ..

لاهنت ..!!!

[عبدالمجيد الثعلي]

عساه مار بالعافيّة



مافرقنا فالبعير وفي رغاه وفي هديره=نعرف الوجه الحليم ونصفحّ الكف النديّـه

ماني مراسل مباشر في قنوات الجزيرّة=وأنته أولى من جميع الناس في هذي وذيّـه

[حسن إبراهيم الدجيماء]

الله مار يعافيك .. :



لاتسل السيف الادقم خل سيفك في جفيره = وانطح الناس ببشاشة والعرب ماهي سويه

واخسارة دار منهو حطك اليومه سفيره = نيتك ماهي صحيحة والله اعلم بالخفيه

[عبدالمجيد الثعلي]

الختام من عندك وافي وكافي يالدجيماء وجزل لاهنت


ضاقت الدنيا علاك بكبرّها وبحت السريره=ما أنت (قيس إبن الملوّح شوق ليلى العامريّه)
واخسارة من يشيرك ويتهقوى إنكّ شويرّه=يقمّح اللي مايحصل لاكثير ولا بليّه

[حسن إبراهيم الدجيماء]

منته بزايد قبيلك ياوسيع العرف حيره = وابك انا ولد الدجيماء لانويتك ماعليه

ياعسى فالامر خيرٍٍ ياولد ثعلي وخيره = ماضحك ولد الدجيماء غير من " شر البلية "

[حسن إبراهيم الدجيماء]

عز الله انك جزل ولافيك حيلة .. ولي الشرف والله بمجاراتك .. فعلاً أستفدنا منك اشياء كثيرة ومنها ..

" احترام الخصم ولو انك افضل منه بكثير " ..

لاهنت .. ولاتحرمنا طلتك ..!!!

[فرهودي]

الله الله

قاف عالمي من فاته يندم

صح لسانك ملاين يالدجيماء وصح لسانك ملاين ياعبدالمجيد الثعلي

لاهنتوا

[عبدالمجيد الثعلي]

صح لسانك والله يبيّض وجهك يالدجيماء



يشرفنا اللعب معك ومع شرواك وأنت وافي وكافي

ولك جزيل الشكر

[حسن إبراهيم الدجيماء]

الله الله

قاف عالمي من فاته يندم

صح لسانك ملاين يالدجيماء وصح لسانك ملاين ياعبدالمجيد الثعلي

لاهنتوا

جعل الشر يفوتك طال عمرك ..

صح بدنكـ يالذيب .. افتقدنا حضورك ..

لاهنت ..!!!

صح لسانك والله يبيّض وجهك يالدجيماء


وحشاك وأنا أخوك ألا نحترمك ونحترم شرواك رغماً عن أنوفنا بس المحاوره له توجه حتى لاتفتقد طابعها الخاص

ويشرفنا اللعب معك

ولك جزيل الشكر


لاوالله الحق حق .. واقوله ولو على قص رقبتي .. انت غير ..

صدقت المحاورة لها طابع غير وانت والله ماتنتواتا فالمحاورة .. << يالله السلامة ..

الشرف لي طال عمرك ..!!

[شاعر القلطه]

الله لايهنكم ومحاوره ممتازه وافين مافيكم حيله لاهنتم

[حسن إبراهيم الدجيماء]

هلا فيك ياشاعر القلطة ..

الله يحييك ..

مشكوور على المتابعة الدائمه ..

لاهنت ..!!!

[شاعر القلطه]

الله لايهنكم ومحاوره ممتازه وافين مافيكم حيله لاهنتم