الناس مرتاحه

[خالد القرزوح]

العين من يومين ماذاقت النوم ........ الليل عيني ماتهنت بنومه

الناس مرتاحه وانا اغط واقوم ....... النوم ما طابت لمثلي حلومه

والحمد لله فيه حاكم ومحكوم ......... ومن ضاع حقه يشتكي للحكومه

ما بات من يشكي من الشعب مظلوم ....... في حكم ابو متعب تقوى عزومه

يحكم بحكم الشرع لعله يدوم ......ومكه وطيبه في ذراه امخدومه

هذا ملكنا هو ذراء كل مظيوم .......تعط العطاء يمنن بشعبه رحومه

وولي عهده معتلي كل زيزوم ...... عم السعد كل الوطن في قدومه

سياسته يشهد بها دايم الدوم ........ ولجل ابو خالد كل صعب(ن) نقومه

وفي سيدي سلمان ميزات وعلوم ....... في الخير ولأحسان تلقى علومه

كم شيدو بيتن من الفقر مهدوم .......وكم جاهل(ن) علم صلاته وصومه

وقام الرخاء يزداد يومن ورى يوم .......المجد عدينا بعالي ارجومه

دون الوطن برواحنا نرخص السوم ....... بذن الولي نودع عداه امهزومه

والعز للاسلام والنصر محتوم .......لو هدد الحوثي بكثرت هجومه

وصلو على من نوخ الفرس والروم .......نبينا الي سلمنا من سلومه


الشـاعـر : نهــيــتـان مــزعــل الاســعــدي

[خالد القرزوح]

ياعين لا تبكين مماجرا لك...... هذا مقدر ياعيوني ومكتوب

لا تأمنين الوقت لوهو صفاء لك...... هذا سعيد وذاك ياعين منكوب

عرضتني يا زين درب المها لك...... واصبحت كني بين الاضلاع مضروب

انته ببالي جعلي الي ابا لك...... لولا الغلا ماني على الحب مغصوب

ذبحتني في هرجتك مع دلا لك ...... من شفتك ينزل عسل داخل الكوب

اجلس واسولف دايمن مع خيا لك ...... من شافني قال ذالشخص مسبوب

تكفى يابو سلطان خطي عنا لك ...... ابيات شعر(ن) جتك في ضرف مكتوب

شكيت لك من عقب موجي رسى لك ...... وشرواك عن صكات الايام محسوب

جعل الردي تطاه مقدم نعا لك ...... ياطيبن ساسك مع الطيب مجذوب

الابو طيب والشجاعه خوا لك ...... وانشهدنك عند الاجواد محبوب

وصلاة ربي عد نجم(ن) بدا لك ...... وعداد فنجالن من البن مشروب
الشاعر نهيتان مزعل الاسعدي