يامراقبين المنتدى وش تقولون...؟ أقرب مراقب [الأرشيف] - الهيـــــــــــــلا *** منتدى قبيلة عتيبة

السيف شاماني

14-Feb-2010, 06:45 PM

يامراقبين المنتدى وشتقولون = الشعر تال الوقت كثرت لحونه!!!!

سوق الذهب عند الهوامير مصيون = وبعض العرب يبطون مايصلونه!!

محـ العتيبي ـمد

14-Feb-2010, 06:51 PM

صح لسان اخوي

بانتظار المراقبين

علاي الحافي

14-Feb-2010, 07:06 PM

يالسيف شاماني تراهم يقولون = سلم علاه وقلنا ويش لونه !!!!
السوق يجمع بين صاحي ومجنون =احداً سعد وحداً يجي دون دونه!!!!

السيف شاماني

14-Feb-2010, 07:17 PM

يالطرقي اللي في هوى ذاك مفتون= الشعر معنى والعرب يفهمونه!

تراك من حق الرياجيل مديون= والحق منك أهل الوفاء يطلبونه!!

السيف شاماني

14-Feb-2010, 07:19 PM

محمد العتيبي شكرا على مرورك

تراك في صفي

مدر ب صف

هههههههه1

الشاعر /عابر سبيل لا هنت على مداخلتك الجميله والأبيات الررائعة

علاي الحافي

14-Feb-2010, 07:36 PM

الله يبقيك

عوذ من الشيطان وبليس ملعون = والقاف ماهو حكر للي يبونه
الحق مايخوذ من الناس هلون = يالي تبون العرف لا تجهلونه

السيف شاماني

14-Feb-2010, 08:18 PM

لقيت لي عود يتعكز على الشون= والناس لا شافوه مايرحمونه!11

قفى شبابه والمناعير يدرون = ليت ولده يصير شكله ولونه!!!

علاي الحافي

14-Feb-2010, 08:46 PM

هههاه

العود سواله بهاذيل وفنون = والناس ماضني ترى يجرحونه
اخوه قبله رمح للقوم مسنون = واليوم في حوش الفقر يرجمونه

السيف شاماني

14-Feb-2010, 09:08 PM

العود يبغى له من البيض مزيون = والزين من طاريه جنت جنونه!!

إلى متى ياخوان وانت تحرون= راحت سنين العمر لا تحترونه!!

علاي الحافي

14-Feb-2010, 09:16 PM

اخوي السيف شاماني

الى هنا انا اكتفي معك

وصح السانك على هالمجارات الطيبه

تقبل تحياتي