تسجيل الدخول

مشاهدة النسخة كاملة : تلة الجمس بثنين

عناد الشيباني
14-Feb-2010, 07:29 AM
ياتل قلبي تلة الجمس بثنين
مع طلعة" قامت تسولف بلوفه

سواقه اللي ما مشا بالقوانين
امحمله بسلاح سبة ظروفه

ويوم اللتفت لهو يطارده جيبن
جيبين دوريات تطلب وقوفه

ثم انتهض ولد الرجال الميامين
وحذف عقاله والشماغ محذوفه

وقامو يحدونه من ايسار ويمين
يبغون مسك الجمس بيا كلوفه

وقال الممات اليوم مافيه موتين
ايامنا عند الرحيم معروفه

وساقه على عرق" تحده ضلاعين
وقام يترجا الله بحسن المروفه

ثم قام يعو الجمس عوي السراحين
ويزمي كما زمي السحاب وقنوفه

وأهمه خلافه مير جا فالهم شين
مالو على واد(ن) كثيره جروفه

والجمس راح وهم يقولون هو وين
كل" من الحسره يصفق كفوفه

على وليفن شب فالقلب نارين
نار الوداع ونار حبه وشوفه

غرو" سكن حبه بوسط الشريين
دايم يسير بوسط دمي حروفه

حاز الوصايف وأصبح أمير بالزين
سبحان رب" كمل في وصوفه

وقفا وخلا داخل القلب جرحين
خلا العيون عن المنام مخطوفه

وجدي على شوفه لوانه بعد حين
دايم عيوني لجل شوفه لهوفه

وجد الذي شيب وذاق الأمرين
من بعد ماكانت كثيره صفوفه

شيخ" منول مايهاب المعدين
قدمه تصير الكايدات معسوفه

وبعد مرور سنين وسنين وسنين
جار الزمن فوقه وكثرة صدوفه

من بعد ماشيب بكى وأسهر العين
طمعو به ارخوم الزمن مع ضعوفه

هذا وجودي من سبب كامل الزين
اللي عيوني لجل شوفه شفوفه

الشاعر عناد الشيباني
دايم السعد
14-Feb-2010, 07:40 AM
صح السانك ياعناد وبيض الله وجهك
محمد عويض الثبيتي
14-Feb-2010, 11:45 PM
والجمس راح وهم يقولون هو وين
كل" من الحسره يصفق كفوفه



صح لسانك
فهد الشيباني
15-Feb-2010, 04:36 AM
صح السانك وبيض الله وجهك
عناد الشيباني
15-Feb-2010, 07:59 PM
صح بدنك يادايم
عناد الشيباني
15-Feb-2010, 08:02 PM
صح بدنك ياشبل والله يبيض وجهك
مرزوق الجعيد
15-Feb-2010, 08:05 PM
ثم انتهض ولد الرجال الميامين
وحذف عقاله والشماغ محذوفه


صح الساااااااااانك يبن مشيب

رائعه
عناد الشيباني
15-Feb-2010, 08:06 PM
والجمس راح وهم يقولون هو وين
كل" من الحسره يصفق كفوفه



صح لسانك
صح بدنك يامحمد