لا واحـــــلالاه يـــــــــــــا شعــــــــارنا الأولـــــــــــــين

[الحر الأشقر]

لا واحـــــلالاه يـــــــــــــا شعــــــــارنا الأولـــــــــــــين
...........................اللي يعــــــــــــــــقدونها واللي يحـــــــــــلّونها
راحــــــوا ولا عــــــاد بـاقٍ منـــــــــــهم الا ثــــنــــين
..........................إثنـــــــين للــــــــعز والطــــــــااله يقــــودونها

[وصل العطياني؟؟؟]

صباح الخير ...

عز الله انها عيد هالســاعة ...

يا رجل وين الغيبات؟!!!

والله انّا وجلانين عليك إلى أبعد حد...

لكن الحمد لله على سلامة العودة ...

وإن شاء الله إنها بداية الإنطلاقة ...



وهذا واحد من الثنين جاك :)

ومحطّم القوانين والأنظمة لأجل هالطلّة الأغلى هذا الصباح ...

والرد جاي ..




تحياااااااااااتي

[وصل العطياني؟؟؟]

إستـــلم :


لا وا حلالاه جاء واحد من الغايبين=إن كان ماهو ورى الهقوة ماجاء دونها
حنـّا رسانا وداحمنا بجنبٍ متين= وأنتم يا طيب ا لسواة اللي تسوونها !!



تحياااااااااتي

[الحر الأشقر]

أولاً الله يسلمك وأنا لو غبت عن النظر قلبي معكم واتابعكم أول بأول
وثانياً أسعدني مرورك يا شاعرنا الكبير ويا مشرفنا الغالي والشرف لي إني ألعب معك.

يا وصل حنا ليا حان الطلب حاضرين
................................. لاكن اشوف المخايل جهت مزونها
ما شك في طيبكم ياربعي الطيبيــــــن
................................لا كن ما من غنــــــــايم لو تعدونها

[مشتــــاق]

الله الله



صح لسانكم


اثنين كبار والمتابع مستفيد


ويالله عساه اول اللي الغيث اللي انقطع اله فتره


وانتم ماتحتاجون وصيايا

احيوا الملعبه يا عيال عمي


وانا في صف الحر الاشقر ولا يهون ابو مشهور



يا وصل حنا ليا حان الطلب حاضرين
................................. لاكن اشوف المخايل جهت مزونها
ما شك في طيبكم ياربعي الطيبيــــــن
................................لا كن ما من غنــــــــايم لو تعدونها


78787878787878787878787878
)(
)(
)(
)(
)( )( )( )( )(

)(
)(

ما شك في طيبكم ياربعي الطيبيــــــن
................................لا كن ما من غنــــــــايم لو تعدونها

[الــوآفــي]

الله الله الله الله يحييك يالحر الاشقر

عزالله انه عيد اللي رجع لنا ابداعك من جديد

وعزالله ان لك مكان في قسم الشعر ما قدرنا نسده ولا يهونون الشعار


حيااااك الله من جديد بين اخوانك

بس من حقنا عليك يا بني عمك انك ما تقطعنا


العبوا وانا في الصفين :)


مشتااق (http://www.otaibah.net/m/showthread.php?t=11694)

شكرا لك والله اني عارفن قصدك من يوم قريته :)

وعان الذيب على طاريه

اخوكم ذيبان

[الحر الأشقر]

اخوي مشتاق لاهنت وما عليك زود ومرورك أسعدنا كثير

وكم أنا مبسوط منك ومن مشاركاتك وبيض الله وجهك
وأشكرك إنك في صفي

[الحر الأشقر]

أخوي ذيبان لاهنت وما عليك زود والبركه فيك وفي جميع الإخوان الموجودين وإنشاء الله ما قاطعكم وكلنا في خدمة هالمنتدى والله يوفق الجميع

[داهية عتيبة]

واااصلوا الله لا يهينكم


مبطين عن محاورات العمالقه




وألعبوا وانا ماسك الصف



...

[((الدلبحي))]

تسلمون يالربع
شعار وتلعبون والربع ماسكين الصفوف
الحو ووصل صح السانكم مليون

تحياااااااااااتي

[الحر الأشقر]

داهية عتيبه أسعدني مرورك ولا هنت

[وصل العطياني؟؟؟]

مشتاق ..
ذيبان ..
داهية عتيبة ..
الدلبحي ..


يشرّفنا وجودكم ومتابعتكم لا هنتوا ...



تحياااااااااتي.

[وصل العطياني؟؟؟]

الحر الأشقر ..

آسف على التأخير ...

بس الضروف لا رحم الله الضروف ...


إستلم لا عدمتــك :


تبى ليا قامت الهيجاء ندوّرك وين ؟ = وإلاّ نتحرّى الذياب تحدحد سنونها
وأكبر غنيمة بهالدّنيا رضى الوالدين !! = أمٍّ شربتوا لبنها لا تعقـّونها




تحياااااااتي

[الحر الأشقر]

السبر فوق الجبل بالسيف والمارتين
........................................ولو إن به شي وقفتنا تعرفونها
الام نرخص لها الغالي ولو هو ثمين
.......................................لا كنك أنت أول اللي ما يبرونها

[الــوآفــي]

كلنا مقصرين


ابدااااااع


اكملوا الله لا يهينكم

اخوكم ذيبان

[وصل العطياني؟؟؟]

...لا كنك أنت أول اللي ما يبرونها

هههههههههههههههههه

الله يلوم من يلومني فيك يا شيخ :)

طيــّب طيّــب ...


الحرب ماهيب زينة بين الأقراب بين=لدّ الــنّظر للأعادي واكحــَل عيونها
صاحبك عينه على الغازين و المعتدين=عنده ترى ذبحة الرّجال يا هونها







تحياااااااااااتي

[وصل العطياني؟؟؟]

حاشاك القصور يا ذيبــان ...

يعطيك العافية ...



تحياااااااتي

[الحر الأشقر]

لا هنت يا أبو مشهور والله يلوم اللي يلومني أنا فيك

الحرب والسرب للعدوان والعايلين
..................................بمذربات ما عاد تخيط طعونها
يا وصل حنـــــا ترانا كلنــــا خابرين
................................ مير المصايب نصيحه لا تمنونها

[علي فلاح العضياني]

محاوره جميله

[وصل العطياني؟؟؟]

لا هنت يالفالح ..



تحيااااااااتي

[وصل العطياني؟؟؟]

الحر الأشقر ..

إستلم لا عدمتك :


الله يخلّي جبال طويق طول السنين= العـُسر في روسها والظلّ في ركونها
وإنــّه يخلّي رجالٍ ( واحد إعن اربعين ) = والرِجل للازم الغصــّاب يثنونها


تحياااااااااتي

[أبو فيصل]

ياسلام على هالمحاورة الحلوة وبين هالشعار الكبار

أبو مشهور أنا في صفك ولاهان الحرّ الأشقر

[مروي العطاشا]

تسلموووون يالشعاااااار واصلو

[الذيب]

يا سلااااااااااااااااام ....... قمة الاستمتاع

ما احسن المحاورة خصوصا إذا أتت من المبدعين

واصلوا وفقكم الله