دورت ولا لقيت وعساني القاه عندكم << الفزعه

[صقر غامد]

السلام عليكم ورحمة الله وبركاته

كيف الحال

بصراحه انا عندي طلب

انا سمعت محاورة قبل فترة في قناة الساحه 2

بين صياف الحربي ومطلق الثبيتي (رحمة الله عليهم)

ولا اذكر منها الا بيت قاله صياف الله يرحمه

يقول :

عيونك ليش لديتها يم السماء ليش
وراس ٍ يرتفع للسماء يطرح عقالة

دورت لها بالنت مالقيتها

ياليت من يعرفها يجيبها اما كتابيه او صوتيه


وشكرا

اخوكم

صقر غامد

[أبـوحرب]

أبشــــــربها بس هي بين أبومشعاب وصياف

[أبـوحرب]

أبومشعاب :


أنا أشوف المخايل بدت برق ورشاريش = وبن عواد مالاح برقه في خياله

تعبنا للسحيمي وكثرنا المطاريش = بغينا منه مكسب وراح براس ماله

صياف رحمه الله :


عيونك ليش لديتها يم السما ليش = وراس يرتفع للسما يطرح عقاله

ذبحتلك الذبيحه وحضرت المداهيش = لو إنك منت عم الكريم ولنت خاله

أبومشعاب :


عيون الناس في حروة الحربي مشاويش = ولو يروح حربي يجي حربي بداله

لاكن الشوك مايضهره غير المناقيش = ولا يقضي لراع اللزوم إلا رياله

صياف رحمه الله :


عيون الناس تنضر تدور لقمة العيش = لاكن اللي يبا العيش ياكل من حلاله

أنا ماني حلاوة عسل لسليم وقريش = أنا اللي فالمواريد ماتقصر حباله

أبومشعاب :


تقول أبحتزمبك وننصا القوم بالجيش = لاكن العلم هب الهوا فوقه وشاله

وذالحينه نشوفك تنوشها تناويش = وعيد الفطر ريض ولاشاهد هلاله

صياف رحمه الله :


تعشيت الشحم مابقا غير العراميش = تلوا في شمنصير وأقعد في ضلاله

أنا ماودي أصغي سموعي للوشاويش = أقص الدرب وأعرف يمينه من شماله



للتحميل المحاورة بالصوت :


http://www.4shared.com/file/218277116/96d37d8e/____.html




للتحميل فيديو :


http://www.4shared.com/file/218268078/43f0a4de/____.html

[سيف الجعدة]

لاهنت يابوحرب

[مرزوق الجعيد]

مشكور لصبي غامد

والشكر موصول لصبي حرب اللي اتحفنا بهذه المحاوره الرائعه

رحم الله صيااااااااااااف وجميع موتى المسلمين

تحياتي

[صقر غامد]

وافي يا بو حرب

وجعل والديك فالجنه

والله يعطيك العافيه
ولا يحرمنا منك


اخوكم
صقر غامد