محاورة بين الشاعر محمد عبيد الربيقي الحربي والشاعر ملفي المورقي

[عبدالاله الحربي]

محمد عبيد الربيقي الحربي والشاعر ملفي المورقي


محمد عبيد الربيقي:



أقول الله يجمل حالكم ياأهل الوفاء والصيت***** عسى الله يسعد الحفلة ويرفع حظ صاحبهـا
سمعت المورقي في ظلم وده يشتري له بيت***** وهذي ماتصير الإ تبوك تشـد يـم أبهـا


ملفي المورقي:



عسى ربي يعـز اللـي يشـب النـار بالكبريـت***** مسـك كـل السلـوم الطيـبـات و لا تجنبـهـا
تبى توحي و أنا موحي ولا أدري عنك ويش اوحيت***** تبى تحيي الجنازة عقـب مـا ركـزت نصايبهـا



محمد عبيد الربيقي:



يا ملفي لحّن الطاروق في صوتك ليا غنيـت***** ترى وسم المطيه فوق الآخر مـا يعذربهـا
تقول إنك مسوي شئ مدري عنك وش سويت***** مادامك ماتهاب من الأفاعـي روح جربهـا


ملفي المورقي:



لو إن الماء لحاله يا محمد ما اختلط بالزيـت***** ولكن اختلط وسـط المكينـه ليـن خربهـا
ترى الهرجه لها مضمون والساعه لها توقيت***** تبى تدري عن الناتج ليـا دارت عقاربهـا..


محمد عبيد الربيقي:



تقوله يالعتيبي و أنت بالمشروع رحت و جيت***** تشب النار والكبريت الأصلي من سبايبهـا..
ما دام إن الحقايق بالصـدور مثبتـه تثبيـت***** ليا جاء وقتها سـود الليالـي مـا تغيبهـا..


ملفي المورقي:



تدور للحلا وأنته ما أكلت الصبر والحلتيت***** ولا تحصل حلاوة والمرارة ما تجربها
لكن أبغاك تدعي للعتيبي كل مـا صليـت***** ترى لولا العتيبي ما تسير فـي مناكبهـا



محمد عبيد الربيقي:



تمنّى والأمور مطولة لا أقبلت ولاّ أقفيـت***** ياكثر اللي تمنى لين طعـم المـر شيبهـا
أبا أدعي للعتيبي بالصلاح ولا عليه أخطيت***** عتيبة كل ما جيت المشاعر قلت ما أطيبها



ملفي المورقي:



عسى ربي يبيحك يا محمد حي ولا ميـت***** ترى بعض اللحى ما قدرت لولا شواربهـا
أبا أجاوبك ياللي قلت من تنفع ومن ضريت***** نعز رجال وننزل رجالن عـن مناصبهـا


محمد عبيد الربيقي:



أنا ماني بحاجة دعوتك سولف على ما شيت***** لحانـا طيبـه و أنتـم شواربكـم نطيبهـا

[سيف الجعدة]

أبا أجاوبك ياللي قلت من تنفع ومن ضريت***** نعز رجال وننزل رجالن عـن مناصبهـا

لكن أبغاك تدعي للعتيبي كل مـا صليـت***** ترى لولا العتيبي ما تسير فـي مناكبهـا

صح لسان ابو وافي