مستور العصيمي وحبيب العازمي (الحد الجنوبي )

[ابو فايح]

أقدم لكم إحدى طواريق حفلة الطائف الأخيره بين مستور العصيمي وحبيب العازمي


حبيب العازمي
هي مشينا مشينا للحدود= ندور اللي طمع فبلادنا
تحزموا يا عريبين الجدود= والجابري مركزه ميعادنا


مستور العصيمي

كثروا عيال النصارى واليهود= والحمدلله ماهم عندنا
الله يعز المليك ابن سعود= اليا نوى للجهاد يعدنا




حبيب العازمي

إما نشب الفتايل والزنود = ولا يشب القهر فأكبادنا
حنا نشيل العلم فوق العمود= طبعن لأبانا ولأجدادنا



مستور العصيمي

اللي يلم الحطب من كل عود= لن جات للضد ماهو ضدنا
الناس كلن بماجوده يجود= شبت ولو كان ماهو ودنا


حبيب العازمي


الموت واحد ولو نبطي رقود= لابد بأرقابنا يقتادنا
إنحطها بالجمل ولا القعود = مالك دخل والشداد شدادنا


مستور العصيمي


بعض اليالي عساها ماتعود= نقلط على زاد ماهو زادنا
ياأصحاب فرعون واصحاب الخدود = وصلوا لسطح القمر روادنا




حبيب العازمي


مادام منته على النار محدود = اجلس ولن جاك مشكل نادنا
أقول والعود في عين الحسود= غير السلاطين من أسيادنا


مستور العصيمي

ماني مصحيك يالذيب الرقود= أعياد الانذال غير أعيادنا
إيحلها الله حلال العقود= يامدور العافيه يومك دنا



حبيب العازمي

ياصاحبي ماينير الا الشرود =كم واحدن يعتزي ما فادنا

[& محمد خالد القحطاني &]

اعتقد مستور مامشى مع حبيب فالقافية
كيف تحصل من شاعر يعتبر مدرسة فالشعر

[حسن إبراهيم الدجيماء]

اعتقد مستور مامشى مع حبيب فالقافية
كيف تحصل من شاعر يعتبر مدرسة فالشعر


أما مستور مامشى ع القافية ؟؟

أخوي القافية (( دنا )) . . طلع لي بيت ماهو على هالقافية ..؟؟؟

ع العموم مشكووور يابوفاايح على النقل الرائع الغير مستغرب عليك ..!!!

[شداد المري]

غريبه يالربع مستور مامشى على القافيه ..

ابوتركي يجوز انه ما انتبه !!! ..

[محمد ابن رووق]

الدجيماء القافيه ( ادنا)

[سلطان الجـذع]

.

بعض اليالـي عساهـا ماتعـود
نقلـط علـى زاد ماهـو زادنـا

نعم نعم :)


لاهنت على النقل يابو فايح

[حسن إبراهيم الدجيماء]

الدجيماء القافيه ( ادنا)


ياأخوان الله يهديكم ويصلحكم .. القافية (( دنا )) .. لكن حبيب يحب يتميز دايم بالقوافي الصعبة ويبرز

قوته الشعرية .. وهذا مايميز حبيب عن غيره .. وهو اهلا لها والله العظيم ..

لكن مستور يعرف ان القافية (( دنا )) ومعروف ان القافية اخر ثلاث حروف .. شريطة ان تكون الدال (( مفتوحة ))

على العموم لو تدققون راح تعرفون ..!!!!

[مشاري الحبردي]

القافية على (( دنا )) ..... وكما قال اخوي الدجيما ........


لاهنت يابو فايح على النقل

[فزاع الاسعدي]

مخربها حبيب


صحت السنتهم افضل اثنين موجودين فالساحه فالوقت الحالي


ومشكوور على النقل الجميل ..

[علي الشهراني]

المعنى خطير جدا


مشكووور يا ابو فايح

[فهد العازمي العتيبي]

محاروه رائعه من علمين من اعلام ورموز القلطه

وحبيب العازمي كنق المحاورهـ

ويصعب مجاراته ،،،

[سيف الجعدة]

ابوفايح اتحفتنا بالقاف الناري بين شعار عتابه الهيلا
بيض الله وجهك

[أسير القوافي]

بيَض الله وجهك يابو فايح :)




ماتجيب غير النقيَ والجزل ..




لاهنت وشاكر لك

[ابو براك]

بالعكس مستور ماشي على القافيه بالتمام

بس شكلكم ماتعرفون للشعر زين

ومشكور يابو فايح على النقل الطيب

والمحاوره الناريه بين العلمين

وصحت ألسنتهم ولاهنت

[عبدالله المطرفي الهذلي]

أعتقد أن استمرار مستور العصيمي في المحاورة يضره فهو شاعر كبير قدم مالديه

أما من جهة القافيه نعم مستور لم يلتزم بالقافيه حبيب جابها بالألف ومستور يرد بالشده وهذا خطأ ويحسب على مستور .

[عيد بن مرضي]

سلمت يمناك يا ابو فايح

[ابو فيصل الحربي]

تسلم يا ابو فايح



عاد ليتك تجيبها لنا فديو الله لا يهينك

[الجوراسي]

مشكور يابو فايح وبيض الله وجهك

بس ياليت تنقل لنا الطاروق الاول بين حبيب ومستور وكذلك الطاروق الثاني بين حبيب وسلطان المنصوري

تقبل تحيتي

[رائد الكيرعاني القحطاني]

لاهنت يا بو فايح

تمنيت ان أرى محاورة ملفي المورقي وفوّاز العزيزي في حفلة الخرج اللي تكلمت عن نفس المعنى بطريقة اروع من رائعه

وكذلك فلاح وتركي في الرياض

الطامعين اشغلونا من يسار ويمين=كل حريص على تغيير مستقبله

لاااااهنت

واستغرب من مستور عدم ملاحظة القافية الا في رابع بيت

تحاياي

[قنوع النفس]

دائما رائع يالدجيما شاعر بكل ماتعنيه الكلمة ماشاءالله عليك ولايهونون الربع

[ابن صبحي الشاطري]

محاوره رائعه

وانا من رأي الخاص ونضرتي الشخصيه ارى ان مستور ابدع

واستطاع احراج حبيب كمضمون ولو ان ابو تركي لم يتقيد يالقافيه

وهذا لا يقلل من الشاعر المبدع حبيب

تقبلو نحيات ابن صبحي

[احمد منير الواصل]

شكرآآآآآآ اخوي ابوفايح محاوره بين شعراء عتيبه الهيلا وهم جبال
ونتمنى تنقل لنا المحاوره فديووو

[ابو الوافي كاسب المعالي]

حبيب العازمي دكتور الشعر
ومستور العصيمي هرم الشعر
والقافيه { دنا }

ابو الوافي .... كاسب المعالي ....

[ابومشعل العازمي]

لاهنت على النقل


وصح السنة الشعراء العمالقة النجوم




ودوم التوفيق

[& محمد خالد القحطاني &]

بالعكس مستور ماشي على القافيه بالتمام

بس شكلكم ماتعرفون للشعر زين

ومشكور يابو فايح على النقل الطيب

والمحاوره الناريه بين العلمين

وصحت ألسنتهم ولاهنت

والاختلاف كان واضح جدا
اللي مايعرف الشعر والله انت

[& محمد خالد القحطاني &]

أما مستور مامشى ع القافية ؟؟

أخوي القافية (( دنا )) . . طلع لي بيت ماهو على هالقافية ..؟؟؟

ع العموم مشكووور يابوفاايح على النقل الرائع الغير مستغرب عليك ..!!!

للاسف حاطينك شاعر وانت ماتعرف شي

[الكاايد]

مشكور على المحاورة الرائعه يابو فايح

يامحمد خالد طيب ليش حبيب مانبه مستور من اول بيت ؟؟

انتظر ردك ..

تحياتي

[عبدالله الفهد الاسعدي]

محاورة بين علمين من اعلام المحاورة

شكراً لك على النقل الرائع

[لافيزي]

مشكووور يابوفاايح على النقل الرائع

[سرحان 511]

.

..

المعنى تمويه

وانا اعتبره اكبر من الحد الجنوبي

وابعد منه

.

..

[قادح شرار]

مشكوووووور يا أبو فايح على النقل ..

[الكنق 2011]

مشكوررررررررررررررررررررررررررررررررررررررررررررر على النقل

[شمروخ ابن عايد]

مستور شاعر عملاق , للاسف فقد أبناء جيله لذلك مجاراته لصغار الشعراء تؤثر على تاريخه الرائع , بل أني أعتبره من أكبر رموز المحاورة وسابقاً كان لايقارن به الا المسعودي فقط , حتى في ظل شعراء انتقلوا الى رحمة الله , ومعروف أن الناس تجعل للميت قداسة واسطورية بعكس الحي , مستور في زمنه كان الأبرز والأقوى شعرياً منذا وفاة المسعودي رحمه الله .


بالفعل تراجع مستواه لأنه أصبح يضطر لمجاراة شعراء أقل من مستواه بكثير للحصول على مردود مادي والاستمرار في الحفلات .





من ناحية القافية يالربع (( دنا )) ثلاث أحرف , مافوق الثلاث أحرف شئ , التزام حبيب بأربعة أحرف أسمه في النقد (( لزوم مالايلزم )) وهو مبالغة في القافية , ومستور أعطى القافية بشكل صحيح وعلى ثلاثة احرف ,لايعنية زيادة التزام حبيب بحرف آخر , وليس في ذلك اخلال بالقافية على الاطلاق .



من ناحية المعنى واضح جداً وأنا استغرب من شاعرين معروفين هذا الوضوح والسطحية في تناول الموضوع , ولكن ربما يريدون من ذلك مساهمة في رفع همم الحضور والتشجيع والمؤازرة للجنود المرابطين على الحدود , وتناول ذلك بصورة واضحة هو الطريقة الوحيدة حتى يفهم الناس هذا الشئ .

[ماجد الحبردي]

بيض الله وجهك ياابو فايح على النقل الرائع من شعراء الهيلا

[الجوراسي]

مستور شاعر عملاق , للاسف فقد أبناء جيله لذلك مجاراته لصغار الشعراء تؤثر على تاريخه الرائع , بل أني أعتبره من أكبر رموز المحاورة وسابقاً كان لايقارن به الا المسعودي فقط , حتى في ظل شعراء انتقلوا الى رحمة الله , ومعروف أن الناس تجعل للميت قداسة واسطورية بعكس الحي , مستور في زمنه كان الأبرز والأقوى شعرياً منذا وفاة المسعودي رحمه الله .


بالفعل تراجع مستواه لأنه أصبح يضطر لمجاراة شعراء أقل من مستواه بكثير للحصول على مردود مادي والاستمرار في الحفلات .





من ناحية القافية يالربع (( دنا )) ثلاث أحرف , مافوق الثلاث أحرف شئ , التزام حبيب بأربعة أحرف أسمه في النقد (( لزوم مالايلزم )) وهو مبالغة في القافية , ومستور أعطى القافية بشكل صحيح وعلى ثلاثة احرف ,لايعنية زيادة التزام حبيب بحرف آخر , وليس في ذلك اخلال بالقافية على الاطلاق .



من ناحية المعنى واضح جداً وأنا استغرب من شاعرين معروفين هذا الوضوح والسطحية في تناول الموضوع , ولكن ربما يريدون من ذلك مساهمة في رفع همم الحضور والتشجيع والمؤازرة للجنود المرابطين على الحدود , وتناول ذلك بصورة واضحة هو الطريقة الوحيدة حتى يفهم الناس هذا الشئ .

وصل بك الجهل انك تقيم مستور وحبيب

بصراحة انا اتابع تحليلك عن بعض الشعراء والطواريق

اما ان يصل بك المقام لتقييم مستور وحبيب فهذه هي الكارثة التي يجب ان تتنبه لها الادارة

بدون تحيات ياشمروخ

[شمروخ ابن عايد]

وصل بك الجهل انك تقيم مستور وحبيب

بصراحة انا اتابع تحليلك عن بعض الشعراء والطواريق

اما ان يصل بك المقام لتقييم مستور وحبيب فهذه هي الكارثة التي يجب ان تتنبه لها الادارة

بدون تحيات ياشمروخ



هذا الرد الانفعالي لا أعيره الكثير من الاهتمام لكن كتوضيح للأعضاء .


1- مستور وحبيب شعراء كبار , وأنا أضعهم ضمن أفضل ستة شعراء في الساحة , ولكن من كلامك توحي كأنهم أنبياء وفوق النقد وهذا شئ لايوافقك عليه الا جاهل .


2- أنا لا أقصد أن حبيب ضمن هؤلاء بل أقصد شعراء آخرين أثروا في مستوى مستور بالتراجع للأسف وبدون ذكر مسميات , إما حبيب فهو ضمن شعراء القمة ومجاراته واللعب معه تعتبر اضافة ايجابية .