من ديار الكرم كله قطر .. يالله تحفظها .... !!

[شداد المري]

السلام عليكم ..

يشرفني الاشتراك معكم يالعتبان وانشالله افيد و استفيد معكم :



سلام الله سلام الشاعر الي يحتم الميقاف = من ديار الكرم كله قطر .. يالله تحفظها
بعد ماجيت يالهيلا تهيض هاجسي للقاف = وانا شاعر معاني بين فاتلها وناقضها

[حسن إبراهيم الدجيماء]

حياكـ الله .. ياغصاب المري .. بين اخوانكـ ..

عز الله بدعه محترمة ..

صح لسانك .. وأبيض وجه ..

في انتظار قبيلك ..

لاهنت يالذيب ..!!!!!

[شداد المري]

الله يبقيك يالدجيماء ..

والله يبيض وجهك ..

لاهنت ع المرور ..

[سيف الجعدة]

بيض الله وجهك ياغصاب صح لسانك بانتظار قبيلك

[شداد المري]

ووجهك ابيض ..

وصح الله بدنك ..

وارحب ..

[سعود البرقاوي]

هلا بالشاعر اللي لاهو بمطلق ولاصياف=لفانا من قطر واهل قطر وشلون نبغضها

بعد ماجيت فالهيلا توقع وارسم الاهداف=عليك تحط لك شارة وانا باجيك وانفضها

[سيف الجعدة]

ارررحب ياسعود وااافي والصف صفك

[حسن إبراهيم الدجيماء]

بعد ماجيت فالهيلا توقـع وارسـم الاهـداف
عليك تحط لك شارة وانا باجيـك وانفضهـا


كلام يالبرقاااوي .. الدكتور ..

صح لسانك .. وخير من يمثلنا ..

متااابع وفي صغك .. << يوم انك مخلينا ..

ولايهون غصاب .. وصح لسانه مقدما ..!!

متااابع للجزالة والامتاااع ..!!!

[سعود البرقاوي]

سيف الجعدة بارك الله فيك ولاهنت

[سعود البرقاوي]

ههههههههههههه
الله يرفع قدرك يالدجيماء
وتراني ناسي ياخوك متى صار لكن هالكلام

لكن فديت خشمك على هالوقفة
وقفتك محسوبة وتكفيني يا استاذ

[شداد المري]

هلا بالشاعر اللي لاهو بمطلق ولاصياف=لفانا من قطر واهل قطر وشلون نبغضها

بعد ماجيت فالهيلا توقع وارسم الاهداف=عليك تحط لك شارة وانا باجيك وانفضها


عسى ربي يبارك فيك ياراس(ن) بدون اكتاف = توفى مطلق وصياف والله بي عوضها
ابا اوضح لك المعنى واكمل معك هالمحراف = لكنك لا تعرضها الهبايب لا تعرضها

[حسن إبراهيم الدجيماء]

صح لسانك ياغصاب ..

متااابع ..

وفي انتظار الدكتووووور ..!!!!

[سعود البرقاوي]

مزحنا معك واثرك ياولد مرة غريب اوصاف = يمينك ليش تبسطها على اليسرى وتقبضها
الا ياهل قطر رحتوا مع العالم ثلاث احلاف = وحنا كثرة الاحلاف ننبذها ونرفضها

[ولدعساف]

حيــآك الله يابن مره في محلك وبين أخوانك..

و الصف صفك يــاضيف عتيبه..و لا يهون ابن العم سعود..

صحت ألسنتكم و قلوبكم..

محبكم..

{.. الجــــــذع
:)

[حسن إبراهيم الدجيماء]

الا ياهل قطر رحتوا مع العالم ثـلاث احـلاف
وحــنــا كــثــرة الاحــــلاف نـنـبـذهــا ونـرفـضـهــا

كلام كلام ... صح لسانك يالدكتوور ..

ابيض وجه .. ولازلت مدرب الصف ..

متاااابع .. وفي انتظار المري وصح لسانه مقدماً ..!!!

[سعود البرقاوي]

ارحب ياولد عساف ارحب
وشرفتنا وترانا فاقدينك لنا فترة

[سعود البرقاوي]

لبا قلبك يالدجيماء
ولبا الصف اللي انت فيه

[شداد المري]

مزحنا معك واثرك ياولد مرة غريب اوصاف = يمينك ليش تبسطها على اليسرى وتقبضها
الا ياهل قطر رحتوا مع العالم ثلاث احلاف = وحنا كثرة الاحلاف ننبذها ونرفضها

الله الله ياولد :) ..


الا ياسعود انا محمد وتعرفني بلاش تخاف = وكلمه قاصره والله ما الساني بيلفضها
ترى هذي سياسه والسياسه تبغي الحراف = لكن حنا معاكم ضد الاذناب و روافضها

[شداد المري]

حيــآك الله يابن مره في محلك وبين أخوانك..

و الصف صفك يــاضيف عتيبه..و لا يهون ابن العم سعود..

صحت ألسنتكم و قلوبكم..

محبكم..

{.. الجــــــذع
:)

الله يبقيك يالجذع ..

ولي الشرف ان صفي فيه روقي دون قصور ..

لاهنت لاهنت ..

[شداد المري]

توضييييييييييييييييييح للجميع ..

انا مشارك من مبطي بالاسم هذا غصاب ..

ولكن الصحيح محمد المري ..

والاداره مايقصرون وارجو تعديل الاسم ..

[سعود البرقاوي]

آثرك الله يامنا على وجهين ماتنشاف = ولك صورة ليا جات المصور مايحمضها
تشيل معاملتك ومرجعك لوزارة الاوقاف = ابه عينٍ تفتحها وابه عينٍ تغمضها

[حسن إبراهيم الدجيماء]

سعود البرقاوي

الا ياهل قطر رحتوا مع العالم ثـلاث احـلاف
وحــنــا كــثــرة الاحــــلاف نـنـبـذهــا ونـرفـضـهــا

غصاب / محمد المري

ترى هذي سياسه والسياسـه تبغـي الحـراف
لكـن حنـا معاكـم ضــد الاذنــاب و روافضـهـا


انا اشهد اني اتابع عمالقة ..

بيض الله وجيهكم .. صحت الالسن والقلوب ..!!!

متاااابع ..!!!!

[الكنق 2011]

صح السانك ياسعود

ولاهنت يالمري

[شداد المري]

آثرك الله يامنا على وجهين ماتنشاف = ولك صورة ليا جات المصور مايحمضها
تشيل معاملتك ومرجعك لوزارة الاوقاف = ابه عينٍ تفتحها وابه عينٍ تغمضها


انا خابرك عمله عندها وجهين فالصراف = لكن عتيبه الهيلا عليه لا تحرضها !!
معاملتك ورق شفاف لكن ابعد الشفاف = ترى راس قلمي حبره ليا من سال يقرضها !!

[شداد المري]

سعود البرقاوي

الا ياهل قطر رحتوا مع العالم ثـلاث احـلاف
وحــنــا كــثــرة الاحــــلاف نـنـبـذهــا ونـرفـضـهــا

غصاب / محمد المري

ترى هذي سياسه والسياسـه تبغـي الحـراف
لكـن حنـا معاكـم ضــد الاذنــاب و روافضـهـا


انا اشهد اني اتابع عمالقة ..

بيض الله وجيهكم .. صحت الالسن والقلوب ..!!!

متاااابع ..!!!!

ارررحب يالدجمياء ..

والله غير يحييك ..

لاهنت ..

[شداد المري]

سعووود البرقااااااااااوي ..

صح لسانك وبيض الله وجهك ..

عطيتني مجال استفيد منك ..

طاروق ظهريه هههههههه ..

ولاهانو الربع ..

اخوكم / محمد المري

[سلطان الجـذع]

:)


طيب طيب طيب صحت السنتكم ...
متااااااااااااابع ...

[سعود البرقاوي]

زعل وجه الرفاقه وابتلشنا فيه يالعراف = ولا ادري وش حصل له يوم اصابيعه يعضضها
ياكثر الرمي مير المشكلة فالبندق المزهاف = شماريخ الجبال الصم ماتقدر تقضضها

[سعود البرقاوي]

صح لسانك ياغصاب
وكل الشكر للاخوان اللي مروا على هالمتصفح

تحياتي وتقديري

[شداد المري]

صح بدنك ..

والله لايهينكم جميييييع ..

تحياتي ..

[محمد ابن رووق]

المري شاعر مبدع وانسان محترم تجبر العالم على احترامك

[شداد المري]

هذا مانتمناه يابن روق ..

ولاهنت نفدا خشمك ..

[أسير القوافي]

صحت ألسنتكم ياعمالقه :)





طاروق أجبرني أن أسجل حضوري وإعجابي ..




ومرحباا فيك استاذ : محمد المري .. بين اخوانك ..وفي محلك




وصح لسانك ولا هنت على هالمحراف الطيب ..

[شداد المري]

صح بدنك والله يبقيك ..

وما انا الا طالب واستفيد من اخواني الكبااااار ..

لاهنت يالمنعور ..