رايد الكيرعاني [الأرشيف] - الهيـــــــــــــلا *** منتدى قبيلة عتيبة

سهم الليل

04-Feb-2010, 10:20 AM

ودنا بمجاراتك يارايد اذا سمح وقتك

استلم

في حلةٍ يثنابها البن والهيل=يامرحبابك ياهلا ياقحطاني
احزم حزامك واتعب الجيش والخيل=واقطع وريدك للمجره ثواني

حسن إبراهيم الدجيماء

04-Feb-2010, 10:27 AM

رائد الكيرعاني القحطاني

04-Feb-2010, 10:42 AM

في حلة عتيبه زحول الرجاجيل=الك البقاء يا شاعر ما خفاني
اللي يمد الصاع نوفي له الكيل=وانا اتحرّى شوفتك من زماني

رائد الكيرعاني القحطاني

04-Feb-2010, 10:53 AM

كلام كلام ..

احزم حزامك واتعب الجيش والخيل
واقــطـــع وريـــــدك لـلـمـجــره ثــوانـــي

صح لساانكـ .. وبيض الله وجهك ..

ان شاء الله ان رائد قدها ..

وصح لسانه مقدماً ..

متااابع ومدرب الصفين .. << ورط ..

ابن الدجيما

صح بدنك

لاااهنت على متابعتك المميزه

سهم الليل

04-Feb-2010, 10:58 AM

يوم الحروب ويوم حذف المعاديل=اعرف مكانك وانت خابر مكاني
اللى يمد الصاع مايبرد الحيل=من راس اخو هملا عريب المجاني

سهم الليل

04-Feb-2010, 11:01 AM

كلام كلام ..

احزم حزامك واتعب الجيش والخيل
واقــطـــع وريـــــدك لـلـمـجــره ثــوانـــي

صح لساانكـ .. وبيض الله وجهك ..

ان شاء الله ان رائد قدها ..

وصح لسانه مقدماً ..

متااابع ومدرب الصفين .. << ورط ..

الدجيما
صح بدنك وابيض وجه يالغالي

لاشك رايد كفو لكن ودنا نمزح معه شوي ههههههههههمزح ثقيل بعد

لا تورط ولا شي صف رايد صفي

وجودك شرف يالدجيما

تقديري

رائد الكيرعاني القحطاني

04-Feb-2010, 11:08 AM

ادعو لعلّ دياركم تشرب السّيل=وتحمد الله فالسّعه والاماني
ترا النّصارى حرّفو كتب الإنجيل = قسّيسهم كذّاب والحيل واني

سهم الليل

04-Feb-2010, 11:20 AM

السيل رده بالقلوب المعاليل=شرواك عينه فالرشا وحلباني
خل انصارى واسترح بالتضاليل=وانته معلق فالمواجيب عاني

الكنق 2011

04-Feb-2010, 11:51 AM

محاوره رائعه كفو الشاعرين

رائد الكيرعاني القحطاني

04-Feb-2010, 01:38 PM

ياللي تقرّبت التمر والمعاميل=دلتك هذي ما بها زعفراني
تراك شيباني مع عتيبه حليل=ما ودّنا نفتح معك علم ثاني

سهم الليل

04-Feb-2010, 06:19 PM

كنت احسبك ياصاحبي تعدل الميل=وانته عزيزٍ مانعدك جباني
انا عتيبي قبل حتى المحاويل =احدٍ نزل واحدٍ رقا مايداني

رائد الكيرعاني القحطاني

05-Feb-2010, 07:39 AM

صح لسانك يا سهم الليل

المعذره المحاوره منقطعه

ابشر بالعوض

سيف الجعدة

05-Feb-2010, 03:21 PM

صح لسانك ياسهم الليل
ولاهان رايد الكيرعاني وااافي