انا اشهد انك ياولد سرحان نشمي ومحسوب

[سعود البرقاوي]

انا اشهد انك ياولد سرحان نشمي ومحسوب = واللي سواتك لن حضر وان غاب لازم نحسبه
لكن الك مدة تشيل ذنوب وتوطي ذنوب = واصبحت مثل الداب راسه ملتوي يم ذنبه

[محـ العتيبي ـمد]

صح لسانك مليون

بانتظار بن سرحان

[سعود البرقاوي]

صح بدنك يامحمد وكلنا في انتظاره

[ربح السبيعي]

صح لسانك ياسعود



ننتظر الرد

[سعود البرقاوي]

صح بدنك يابو خالد وشرفت المتصفح

[فايز بن سرحان الثبيتي]

وانته ليا ماصرت نشمي ياولد فانت مغلوووب = وان كان عندك علم يارجال لاتسكت \ جبه
الوقت قاسي والزمان ايحدنا من كل صووب = وانته تبالك سم داب وسم عقرب تشربه

[فايز بن سرحان الثبيتي]

محمد العتيبي "



مرحبا مليوووون "

[فايز بن سرحان الثبيتي]

ربح السبيعي "


هلا وغلا صح بدنك يالغالي ولا هنت على تشريفك "

[سعود البرقاوي]

لاتحسبني قمت اعاين فالشمال وفالجنوب = انا عطيتك راس علم وحاول انك تقضبه
ابليس يلبس ثوب وانته من ثيابه جاك ثوب = وان كان في خاطرك حاجة ثانية روح اطلبه

[أبونواف]

سعـــــود صح لـــــســانك

وصح لســـــــــان أبن سرحان ..

[سعود البرقاوي]

ابو نواف
صح بدنك ولاهنت على حضورك

[محمد النخيش]

الله الله

صح لسانك

ابو فهد مسيك بالخير وش احوالك عساك طيب

صح لسان ابن سرحان


متابع :)

[طلال ناشي]

لاتحسبني قمت اعاين فالشمال وفالجنـوب
انا عطيتك راس علم وحاول انـك تقضبـه
ابليس يلبس ثوب وانته من ثيابه جاك ثوب
وان كان في خاطرك حاجة ثانية روح اطلبه

الله الله كلاااام

صح ألسااانك ياسعود


صح ألسااانك يابن سرحان

[علاي الحافي]

صح السانكم يالثنين

وصحت قلوبكم

متابع

للمتعة

والصف سرحانــــــــــــــــــــــــــــــي

لاعدمناكم

[فايز بن سرحان الثبيتي]

اثر المواجه ياسعود اليوم اخس من الهروب = حتى وجيه القوم ضاعت بين صخره واخشبه
وعزالله انك يالنفاعي عندنا العام امحبوب = واليوووم قمت اتقاشر الشعار وسط الملعبه

[فايز بن سرحان الثبيتي]

ابو نوااااف



حييت يالقرم "

[فايز بن سرحان الثبيتي]

محمد غازي النخيش "



حي هالزوووووول " صح بدنك لاعدمتك "

[فايز بن سرحان الثبيتي]

طلال ناشي "


حياك الله "

[فايز بن سرحان الثبيتي]

عابر سبيل "



هلا وغلا وصفي يزهابك طال عمرك "

[سعود البرقاوي]

عندك عندك


كانك على بعض العلوم اليوم مجبر ومغصوب = الخط الاحمر طيع شوري لاتظلي تقربه
مشاعرك قامت تقلّب مع تقلاب الهبوب = في ظل وقتٍ كل من جاله شنب مس شنبه

[سعود البرقاوي]

محمد غازي
بخير ونعمة يالله لك الحمد

وشرفتني بوجودك

[سعود البرقاوي]

طلال بن ناشي
هلا وغلا واسفرت وانورت ولاهنت

[فهد الشيباني]

الله اكبر .. الله اكبر

صح السنتكم ياشعار

وافين مافيها كلام

[سعود البرقاوي]

عابر سبيل
مرحبا مليون وكلنا في الصف السرحاني

[فايز بن سرحان الثبيتي]

اللي بدى ريع الشقا يصبر على صفق الهبوب = وانا بديت الريع وانته سد ضلعه واشعبه
الطيب انزيده على طيبه ونعطيه الوجوووب = واللي معه فالقلب عله نشبكله الكهربه

[فايز بن سرحان الثبيتي]

شبل شيبان "



حياك الله "

[سعود البرقاوي]

ركبت لك موتر يافايز وانتحيت مع الدروب = مسكين يا بعض العرب مافيه موتر يركبه
كلٍ معه طاسه ويبغى الخير من ديس الحلوب = والديس مامن خير ،، بالله علّم اللي يحلبه

[محمد النخيش]

كلٍ معه طاسه ويبغى الخير من ديس الحلوب = والديس مامن خير ،، بالله علّم اللي يحلبه

صادق صادق :)

[فايز بن سرحان الثبيتي]

عزالله انك عن علومك يالنفاعي ماتتوب = تبا تعشى سلعة التاجر وتاخذ مكسبه
والموقع اللي ينشر الفتنه على الناس محجوب = وانته سمعت اخباره اللي جاتنا الله ينكبه

[محمد النخيش]

والموقع اللي ينشر الفتنه على الناس محجوب = وانته سمعت اخباره اللي جاتنا الله ينكبه

الله الله كلام

[سعود البرقاوي]

لا يالثبيتي من يقول انه صري من العيوب = مافيه حل الا نجيبه فالصفاه ونضربه
العنصرية عنصرت بين القبايل والشعوب = وام الكباير من عطاها وجه ملعون رقبه

[فايز بن سرحان الثبيتي]

ابو فهد شرفتني بها الطارووووق ويعلم الله اني مشغووول وجايني ضيوووف هالحين "


الى لقاء قريب وصح لسانك يالقرم"

[سعود البرقاوي]

ماقصرت يابو ريان وابيض وجه
وصح لسانك

[رعد الروقي]

الله الله


قاف متعوب عليه وشعار محسوبين


سعود // ابن سرحان


صحت السنتكم

[عيد العازمي]

الله الله



سعود // ابن سرحان



ابداع في وقته من اهله


صحت السنتكم